Elin Salman Vilayətoğlusu

Salman Vilayətoğlu 14 fevral 1962 -ci ildə Oğuz türklərinin qədim yaşayış məskənlərindən olan Göyçə mahalının Böyük Qaraqoyunlu kəndində ziyalı ailəsində anadan olub. 15 yaşında orta məktəbi, 20 yaşında isə indiki İnşaat Mühənsiləri İnstitunu bitirib . Hərbi xidmətini Almaniyadakı Sovet Qoşunları kontingentinə məxsus alaylardan birində kəşfiyyat vzvodunda keçirib. Xidmət etdiyi dövrdə Hərbi Hissənin Komsomol komitəsinin katibi olub . 1990-92 -ci illərdə Azərbaycan Qaçqınlar Cəmiyyəti "Təşkilat və hüquq şöbəsi" nin müdiri , həmçinin Həmkarlar Komitəsinin sədiri vəzifəsində çalışıb. Orta məktəb illərindən yaradıcılığa başlayan Salmanın mətbuatla ünsiyyəti 1978-ci ildən başlayıb. 1985- ci ildən etibarən taleyini ömürlük mətbuata bağlayan Salman müxtəlif media orqanlarında korrektor, ədəbi işçi, müxbir, şöbə müdiri, məsul katib vəzifələrində çalışıb. Azərbaycan Dövlət Teleradio Verlişləri Şirkətinin "Sosioloji təhqiqatlar, məktublar və yerli müxbirlərlə iş" şöbəsinə rəbərlik edib, " Tarixdən izlər", "Nə gedir eldən gedir" , "Misri", "Deməsən olmur" radio proqramların yaradıcısı və müəllifi olub. 1997- ci ildən "Dövran" müstəqil analitik qəzətinin təsisçisi və baş redaktoru olmuşdur. "Spektr" jurnalının təsisçisi, "Simurq" Milli Mukafat Fondunun rəhbəri kimi çox saylı mətbuat orqanlarının yaradıcısı və baş yazarı olmuşdur. Ardıcıl yaradıcılıqla məşğul olan Salman Vilayətoğlu zəngin potensialı sayəsində analitiq yazıları, siyasi şərhləri, özünəməxsus satirik şeirləri, hekayələri " Sovet Ermənistanı", "Bolluq uğurunda", " Vətən səsi ", " Azərbaycan ", "Tək səbir", " Göyçə", " Avrasiya", "Ekran-Efir", "Dövran" qəzətlərində dərc olunub . "Mənim müasirlərim" seriyasından 100- dən çox oçerkin, 14 elmi - puplisistik məqalənin müəllifidir. Dövri mətbuatdakı fəaliyyətinə görə Mətbuat Fondunun Fəxri Fərmanı (1993), "Cəsarətli söz" mükafatı (1994), "Araz" ali ədəbi mükafatına (1995), " İnam " şərəf diplomuna (1998), "Vətən" fəxri diplomuna, " Qızıl Qələm" mükafatına (2002) layiq görülüb.

Öz vətənpərvərliyi, intellektuallığı, istedadı ilə doğulub boya-başa çatdığı elini - obasını şərəf və ləyaqətlə təmsil edən Salman Vilayətoğlu ünlü bir yazar - jurnalist, yazıçı, araşdırmaçı olaraq onun hər bir əsəri (kitabı!) gələcək nəsillər, yazarlar üçün istinad nöqtəsidir. Ona görə də cəsarətlə demək olar ki, S.Vilayətoğlunun minbir zəhmətlə ərsəyə gətirdiyi Qərbi Azərbaycanla, Göyçə mahalı ilə bağlı apardığı tarixi, etnoqrafik, elmi, mədəni tədqiqatlar səhihliyinə görə "Göyçəşünas"lıqda təqdirəlayiq bir hadisədir . Ürəyində vətən ağrısı boyda dərdi daşıyan Salman Vilayətoğlunun bütün əsərlərinin əsas leytmotivini torpaq müqəddəsliyi, Qərbi Azərbaycan - Göyçə nisgili, türk mübarizliyi təşkil edir. Göyçə haqqında duyğu və düşüncələrini dilə gətirərkən, tarixin dərin qatlarına ekuskursiyası ilə müdrik elm, söz sahiblərinə istinad edərdi. Əzəli Azərbaycan torpağı, doğulduğu yurd yeri haqqında danışarkən, öz elini, obasını ən şirin kəlmələrlə əzizləyər: "Oğuz elinin müqəddəs ocağı Göyçəm "- deyərdi. Biz Göyçəni, eləcə də digər işğal olunmuş yurd yerlərimizi Salaman Vilayətoğlu kimi el-oba təəssüblü, yurd nisgilli, vətən fədailəri əcəlin şikarına tuş gələndə bir daha itirmiş oluruq. Çünki vətən ziyalıları, yazarları, igidləri ilə tanınar, sevilər, onların adının üstündə dünyaya pərvazlanar. Necə ki, bu gün Göyçə, Qaraqoyunlu kəndi ona şərəf və şöhrət gətirən neçe-neçə qüdrətli övladları ilə bərabər həm də Salman Vilayətoğlunun adında, ünvanında tanınır. Elin, obanın Salmandan umacağı, Salmanın isə gələcəkdə görəcəyi işləri, yazacağı kitabları, hayata keçməyən arzuları o qədəriydi ki!.. Zalım əcəl 30 aprel 2009-cu ildə o, ülvi arzulardan qabaq Salmanı qabaqlayıb, ürəyini yerindən oynatdı. Bir ömür karvanın sarvanını öz yolundan, doğmalarında ayırdı. Cismi Bakı torpağına, ruhu ulu Göyçəmizdəki narahat ruhlara qovuşdu.

Ruhun şad, torpağın yüngül olsun, vətənoğlu!

İlqar İSMAYIL