BİZ ERMƏNİLƏRƏ NƏ VAXT QALİB GƏLƏCƏYİK?

Biz gərək papağımızı qabağımıza qoyub bir yaxşı-yaxşı fikirləşək: - Bu nə deməkdir? Ermənilər bizdən daha nə istəyirlər?
Onlar artıq 30 ilə yaxındır ki, Xankəndi paytaxt olmaqla Dağlıq Qarabağı, Şuşanı, Kəlbəcəri, Laçını, Qubadlını,
Ağdamı, Füzulini, Zəngilanı, Cəbrayılı işğal ediblər. Ermənistan adlanan ölkə Qərbi Azərbaycandan soydaşlarımızı dədə-baba torpaqlarından didərgin salıb, mal-mülklərinə sahib çıxıblar. Bütün bunlardan sonra, indi də Tovuzu işğal etmək istəyirlər.

Ağstafa, Qazax, Naxçıvanı gülləbaran edirlər. Ermənilər görünür öz xəstə məntiqləri ilə fikirləşirlər ki, Azərbaycanın Dağlıq Qarabağdan başqa yeddi rayonunu işğal etmişik, səkkizincini, doqquzuncunu niyə işğal etməyək? 
Azərbaycanın yeddi rayonunu işğal edəndə bizə neylədilər ki, növbəti rayonlarını da işğal edəndə nəysə edələr?
Bunların fikiri nədir? Belə görünür fikirləri bizi bütünlükdə bu torpaqlardan silib-süpürüb, təmizləməkdi.
Bütün bunların müqabilində baş verən təsəvvür olunmaz erməni həyasızlığının qarşısında biz nə etməliyik, nə qədər dözməliyik?
Görünən odur ki, biz susduqca dünyanın çeşidli təşkilatlarına, ATƏT-ə güvəndikcə, onların havadarlarından ehtiyat etdikcə, ermənilərin yeni-yeni planları ortaya çıxır, iştahları get-gedə artır.
Axı müqayisə edəndə biz bütün sahələr üzrə ermənilərdən üstünük; sayca ermənilərdən dəfələrlə çoxuq, iqtisadi cəhətdən ermənilərdən dəfələrlə güclüyük, maddi-texniki bazamız daha üstündü, daha müasir silah-sursata malikik.

Yer üzündə yaşayan azərbaycanlıların sayı 50 milyondan artıqdı, ÜDM-iz, dövlət büdcəmiz, hərbi büdcəmiz dəfələrlə onlarınkından çoxdu. Ermənistanı əhatə edən İranda 35 milyon ətrafında, Gürcüstanda 500 min dən artıq soydaşlarımız yaşayırlar. Bir qonşusu bizə qardaş olan 83 milyonluq dünyada söz sahibi olan qüdrətli Türkiyə dövlətidi. Təbii ehtiyyatlarla çox zəngin olan dövlətimiz, Xəzər dənizimiz var.
Və qarşımızda duran hardasa 2,5 milyonluq əhalisi olan, təbiəti dağdan, dərədən, daşlıqlardan ibarət olan, təbii ehtiyatlardan demək olar ki, məhrum Ermənistan adlanan dövlətcik. Yer üzündə yaşayan ermənilərin sayı 7 milyon ətrafında ola ya olmaya.
Bizim bu göstəricilərimiz erməni tərəfində olsaydı, yəqin bizi çoxdan yer üzündən silmişdilər.
Dünya var olandan bəri hələ olmayıb ki, erməni deyilən millət hansısa müharibəni udsun və ya hansısa dövlətin torpağını işğal etsin.
İndi, belə çıxır ki, tarix boyunca dünyada ən aciz millət bizik?
Bunlar bizim üstümüzdə tarixə yeni səhifə yazmaq istəyirlər?
Bu təsəvvür olunmaz biabırçılığı, əlbəttə, biz üstümüzə götürə bilmərik və götürməyəcəyik!
Bu harınlamış, çaşmış, özlərindən tarixləri ilə bağlı fantaziyalar uyduran millətin cavabı necə lazımdır verliməlidir.
Biz bir millət olaraq, dövlət olaraq gücümüzü onlara göstərməliyik. Ermənilərin yerinin harda olduğunu onlara başa salmalıyıq.
Bu Dövlətimiz, Millətimiz üçün şərəf, namus məsələsidi.
Və bu yolda açıq-aydın görünür ki, millətimizin hər bir nümayəndəsi erməni ilə savaşmağa, əlindən gələn digər hər bir yardımı etməyə hazırdılar.
Bizim istəmədiyimiz, məcburən ermənilər tərəfindən, müqəddəs savaşa çəkildiyimiz yolda Tanrı Millətimizə, Dövlətimizə yar olsun!

Rüstəm Dastanoğlu

GOYCE.AZ