“Pəmbək mahalı İkinci Dünya Savaşında” kitabının təqdimat mərasimi keçirilib.

00:25 / 22.07.2025
Baxılıb: 208

18 iyul 2025-ci il tarixində Qərbi Azərbaycan İcmasında (QAİ), Basarkeçər rayonu Sətənəxaç kənd icmasının sədri, iqtisad elmləri üzrə fəlsəfə doktoru Lütfiyar Nəsibovun müəllifi olduğu “Pəmbək mahalı İkinci Dünya Savaşında” kitabının təqdimat mərasimi keçirilib.

Kitabda Pəmbək mahalının 14 kəndindən İkinci Dünya müharibəsinə göndərilən və ya döyüşlərdə həlak olan 629 əsgər və zabitin adları, iştirak etdikləri döyüşlər, itki məlumatları ilə yanaşı, 1240 nəfər müharibə iştirakçısının siyahısı sistemli şəkildə təqdim olunur. Kitab, bölgənin müharibə dövründəki tarixini sənədləşdirən əhəmiyyətli tədqiqat işi kimi dəyərləndirilir.

Təqdimatda çıxış edən Qərbi Azərbaycan İcması İdarə Heyətinin üzvü, Hüquq Komissiyasının və Böyük Qarakilsə rayon icmasının sədri Zahid Cəfərov kitabın Qərbi Azərbaycan həqiqətlərinin beynəlxalq ictimaiyyətə çatdırılması baxımından mühüm əhəmiyyət daşıdığını bildirib. O, bu istiqamətdə aparılan tədqiqatların davamlı və daha geniş miqyasda aparılmasının vacibliyini vurğulayaraq, kitabın Qərbi Azərbaycan tarixinin öyrənilməsində əvəzsiz bir mənbə olduğunu qeyd edib.

Qərbi Azərbaycan İcmasının Nəzarət-Təftiş Komissiyasının sədri, professor Vahid Novruzov kitabı dəyərləndirərək bildirib ki, bu yalnız bir bölgənin və dövrün deyil, ümumən xalqımızın müharibə illərində keçdiyi çətin yolun və fədakarlıqların sənədli ifadəsidir. Onun sözlərinə görə, kitab həm tarixi, həm də milli yaddaş baxımından mühüm əhəmiyyətə malikdir.

Digər çıxış edənlər – Qərbi Azərbaycan İcmasının İdarə Heyətinin üzvü, tarix üzrə fəlsəfə doktoru Nazim Mustafa, AMEA Tarix və Etnologiya İnstitutunun Qərbi Azərbaycan tarixi şöbəsinin müdiri, tarix üzrə fəlsəfə doktoru Cəbi Bəhramov, İcmanın İdarə Heyətinin üzvü, filologiya elmləri doktoru, professor İbrahim Bayramov, AMEA-nın A.A.Bakıxanov adına Tarix və Etnologiya İnstitutunun əməkdaşı İsmayıl Umudlu, Qərbi Azərbaycan İcmasının Ziyalılar Şurasının sədr müavini, pedaqoji elmlər doktoru, professor Fərrux Rüstəmov və Dədə Ələsgər İrsinin Tədqiqi və Təbliği Mərkəzinin direktoru, tibb üzrə fəlsəfə doktoru Abbas Bağırov çıxışlarında vurğulayıblar ki, “Pəmbək mahalı İkinci Dünya Savaşında” kitabı təkcə bölgənin müharibə ilə bağlı faktlarını deyil, həm də insan talelərini, ailə faciələrini və Pəmbək mahalının keçdiyi ağır yolu sənədləşdirən dəyərli bir tarixi yaddaşdır və bu baxımdan əsər Qərbi Azərbaycanın kollektiv xatirəsinin qorunması və gələcək nəsillərə ötürülməsi baxımından xüsusi əhəmiyyətə malikdir.

Nəşrin müəllifi Lütfiyar Nəsibov təqdimatda çıxış edərək əsərin hazırlanma məqsədi və istifadə olunan mənbələr barədə ətraflı məlumat verib. O, əsas arxiv mənbələrinin Sovet ordusunun, SSRİ Müdafiə Nazirliyinin sənədləri, hərbi komissarlıqların siyahıları və döyüş bölgələrindən gələn rəsmi məruzələr olduğunu qeyd edib.

Kitab, həmçinin Pəmbək bölgəsindən İkinci Dünya müharibəsinə qatılan və həlak olan azərbaycanlıların xatirəsinin yaşadılması baxımından da xüsusi əhəmiyyət daşıyır. Tədbir iştirakçıları tərəfindən maraqla qarşılanan bu nəşr, gələcək nəsillərə ötürüləcək dəyərli tarixi miras kimi qiymətləndirilib.

Etiket:

Çəmbərək rayonu 15

Sevan rayonu 2

Kəvər rayonu 0

Aşağı Qaranlıq rayonu 1

Basarkeçər rayonu 123

“Pəmbək mahalı İkinci Dünya Savaşında” kitabının təqdimat mərasimi keçirilib.

22.07.2025

Leyla Əliyevanın doğum günüdür

03.07.2025

RƏSULLU ŞƏHİDLƏRİ

03.07.2025

İslam Ələsgərli – 100

23.06.2025

Gürcüstanda azərbaycanlı alimin elmi araşdırmalarından bəhs edən məqalə dərc olunub

20.06.2025

Novrəs İmanla Ayrım Əhmədin ikinci deyişməsi

18.06.2025

BİR SÖZÜN SEMANTİKASI VƏ YA “AŞIĞIN QURBAN ÖLDÜRMƏSİ”

11.06.2025

QAİ - Basarkeçər İcması adından təbrik edir, cansağlığı və yeni uğurlar arzulayırıq.

11.06.2025

Naxçıvan Kikboksinq İdman Klubunun açıq birinciliyi keçirilib

04.06.2025

“Qərbi Azərbaycan Kuboku” uğrunda II minifutbol çempionatının açılış mərasimi keçirilib

02.06.2025

Prezident: "İrəvan qazılığının fəaliyyətinin bərpası tarixi ədalətin təmin olunmasıdır"

26.05.2025

Professor Mahirə Hüseynova ermənilərə cavab verdi - FOTO

22.05.2025

Ulu Öndərin adı Azərbaycan tarixinə qızıl hərflərlə yazılıb ŞƏRH

10.05.2025

ADNSU-da “Heydər Əliyev və Azərbaycanın Suverenlik Yolu” mövzusunda tədbir keçirilib

08.05.2025

İkinci Dünya savaşında Pəmbək azərbaycanlılarının iştirakı yeni informasiyalar işığında

07.05.2025

Aşıq Ələsgər xalq dilinin ədəbi dilimizə çevrilməsi missiyasının “nidasını qoydu”.

06.05.2025

Aşıq Ələsgərin yaradıcılığında qadın obrazlarına elmi baxış...

26.04.2025

Qərbi Azərbaycan Araşdırmalar Mərkəzi və Filologiya fakültəsinin birgə təşkilatçılığı ilə “Konstitusiya və Suverenlik İli” çərçivəsində “Qədim yurd yerlərimiz, söykökümüz – Aşıq Ələsgər” adlı tədbir keçirilib.

24.04.2025

Ömürlərə bəzək və töhfə verən ömrünüz bərəkətli olsun!

01.04.2025

Bakı qırğınları Mart soyqırımının kulminasiya nöqtəsi idi, amma sonu deyildi

31.03.2025

Kəlbəcərdə "Novruz" adətləri

19.03.2025

Suraxanıda Novruz bayramı təntənəli qeyd olunub

18.03.2025

17 mart 2025-ci ildə ADA Universiteti və Qərbi Azərbaycan İcmasının Gənclər Şurasının birgə təşkilatçılığı ilə “Qərbi Azərbaycan mövzusu 100 ildə ” adlı dəyirmi masa keçirilib.

17.03.2025

FƏDAKAR ELM VƏ İNSANLIQ MÜCƏSSƏMƏSİ

14.03.2025

Əhliman Əmiraslanov: Qərbi Azərbaycan məsələsində əsl ədalətin bərpa olunacağına əminik

11.03.2025

FİTRİ İSTEDAD SAHİBİ

08.03.2025

Azərbaycan Yazıçılar Birliyində “Adım Ələsgərdi…” kitabının təqdimatı olub

07.03.2025

XOCALIYA ƏDALƏT!

26.02.2025

Balaxanıda bir əsrlik tarixi olan neft quyusuna “ADNSU-100” adı verilib.