Şəhid qardaşıma məktub – Günay Vəlizadə yazır   

13:34 / 25.09.2021
Baxılıb: 3690

"Bu hekayəmi mənim şəhidlik zirvəsinə ucalan qohumlarımın, müharibə iştirakçısı olan dayımın və onun yolunu gözləyərkən vəfat edən babamın timsalında bütün şəhidlərimizə, Vətən müharibəsi iştirakçılarımıza, qəhrəman oğullar yetişdirən valideynlərə ithaf edirəm."

Mənim şəhid qardaşım! Bu məktubu sənə bir yaz səhəri şəhid bacısı kimi yazıram. Sən şəhidlik mərtəbəsinə ucalan gündən mən də şəhid bacısı adını fəxrlə daşıyıram. Qardaşım, adınla həm el-obamızı, həm bizi, həm də özünü şərəfləndirdin. Bacın səni hər gün yad eləyir, səninlə danışır, səninlə həmsöhbət olur. Cənnətə yollandığın gündən aylar keçdi. Sən gedən gündən sonra hətta bayramlar da oldu, lakin əvvəlkindən fərqli idi bu bayram. Novruz xonçanı, səməni payını da gətirdim müqəddəs məkanına - çiçəklərlə bəzənmiş Şəhidlər xiyabanına. Hətta cənnətdə ilk doğum gününü də qeyd etdin, yeni yaşına girdin. Biz də doğum gününü qeyd etdik sənsiz. Sən cəbhəyə yeni yollanmışdın. Hələ ordumuzun ilk qələbə xəbəri gəlirdi. Atam o zaman şumlatdırdığı tarlamıza buğda səpdi. Alın təri ilə suvarırdı tarlanı atam. Sanki cücərən taxıl zəmisi ilə sənin gəlişinə olan ümidlərini cücərdirdi. Qoca atam sənin həsrətini qəlbində yaşadayaşada, göz yaşını qəlbinə axıda-axıda hər gün tarlaya gedirdi. Nəzərlərini tarlanın göz işlədikcə uzanan ən əlçatmaz nöqtəsinə zilləyər, dərin fikrə dalardı. Bu payız atam tarlamıza daha çox bağlanmışdı. Tarla sanki atamın həmdəmi, dərd ortağı idi. Televizorda bütün cəbhə xəbərlərini həyəcanla izləyər, daha sonra tarlamıza yollanardı. Dərd ortağı sandığı tarlamıza. Atam tarlaya dərdini, qəm-qüssəsini basdırıb ümid göyərdirdi. Əslində, sənin gəlişinə olan ümid idi bu. Divarda sənin hərbi geyimdə olan şəklinə baxdıqca gözləri dolardı. Göz yaşlarını qoca anamdan gizlədərdi hər zaman. Anam ağladıqca "Mən oğlumu Allaha əmanət etmişəm." - deyərdi. Cəbhədən gələn qələbə xəbərləri onu hədsiz sevindirirdi, amma yaşlı, xəstə qəlbi müharibənin dəhşətlərini duyurdu və bu həyəcana tab etmədiyi avazımış çöhrəsindən hiss olunurdu. Artıq atamın addımları bir qədər yavaşımışdı. Şax yerişli atamın yerişi əvvəlki şaxlığını itirmişdi. Sözünə baxmayan xəstə ürəyinin ümidi dərmanlara qalmışdı. Sanki atam sağalmırdı və ya sağalmaq istəmirdi. Bəlkə də, mənə elə gəlirdi. Nəhayət, noyabrın 8-i. Ali Baş Komandanın verəcəyi növbəti şad xəbəri hamımız süfrə başında səbirsizliklə gözləyirik. Cənab Ali Baş Komandan çıxışa başladı. "Şuşa, sən azadsan!" cümləsini dövlət başçımızın dilindən eşidərkən sevincdən hamımız əl çalıb alqışladıq. Atam hər zaman fəxrlə izləyirdi Ali Baş Komandanı. Deyirdi: "Əsl dövlət başçısı belə olar. Təmkinli duruşu, savadlı danışığı, aydın nitqi. Yoxsa mənfur düşmənin rəhbəri iki sözü yanaşı qoyub danışa bilmir". 8 Noyabr günü sevindi atam. Noyabrın 10-u, səhər tezdən müharibənin bitməsi xəbərini eşidərkən də sevindi. Hətta anam sevincindən ağladı. Bəlkə də, bütün ailəmizlə birgə son sevincimiz idi. Eşidəcəyimiz dəhşətli xəbərdən xəbərsiz sevinirdik. Sənsiz sevinirdik... ...

Ertəsi gün. O müdhiş gün. Tanımadığımız zəng. Bütün dünyamızı alt-üst edən xəbər. Bir anda bütün həyatımızın qaraldığı an. "Qarşıla oğlunu, ata, ana! Oğlun Şuşa uğrunda qəhrəmanlıqla həlak olub, ata. Başını dik tut, ata." Üçrəngli bayrağa bükülmüş nəşin gəldi, qardaşım. Atam çiçəklərə qərq olmuş məzarın qarşısında üçrəngli bayrağı bağrına basaraq diz çökdü. Onsuz da taqəti qalmayan ürəyinin son gücü ilə hönkürdü. Hiss olunurdu ki, qəddi əyilmiş ata oğul dağına dözməyəcək... ...Ruhu ilə, qəlbi ilə atam sənə, yeganə oğluna qovuşdu. Qardaşım, Cənab Prezidentimiz Vətən üçün canından keçən oğulları çox şərəfləndirdi. Bu qələbədə payı olan oğullarımız kimi sənin də mükafatların var. "Azərbaycan bayrağı" ordenin, "Vətən uğrunda", "Füzulinin işğaldan azad olunması uğrunda", "Cəbrayılın azad olunması uğrunda", "Şuşanın işğaldan azad olunması uğrunda" aldığın orden və medallar bir şəhid bacısı kimi mənim fəxrimdir, başucalığımdır. Yüzlərlə şəhid ana-bacılarının, şəhid övladlarının təsəllisidir sizin ad-sanınız, müqəddəs iqamətgahınız. Qardaşım, indi yazdır. Tarlalara əkilən sünbüllərin böyüyüb, biçiləcəyi günlərə az qalıb. İndi həm sənin, həm də atamın əvəzindən çalışmalıyam, sənin yarımçıq qalan arzularını yerinə yetirməliyəm. Hər gün qaş qaralanda sənin və atamın yolunu küçə qapısında gözləyən ağsaçlı anamın qəlbinə təsəlli olmalıyam. Sənin qanınla qazandığın bütün torpaqlara getməliyəm. Uğrunda şəhid olduğun Şuşaya, Cıdır düzünə getməliyəm. Sənin və neçə-neçə döyüş yoldaşının min bir əziyyətlə keçilməz səddləri, qayaları, meşəlikləri necə dəf etdiyinizi öz gözlərimlə görməliyəm. Tarlamızın sarı sünbülünü minlərlə şəhidimizin, qazimizin qanı ilə suvarılmış torpaqlara səpməliyəm. Qoy bu qədim yurdumuzda bolluq, bərəkət boy atsın. Müqəddəs şəhidlərimizin qanı ilə suvarılan torpaqlar tezliklə cənnətə dönsün. Əziz qardaşım, rahat uyu. Şuşaya, digər işğaldan azad olunan yurdlarımıza gedərkən qəlbimdə fəxarətlə gedəcəm. Çünki, minlərlə şəhid və qazi qardaşımız alnımızdakı ləkəni silib qalibiyyət bayrağını doğma Vətənin göylərinə ucaltmışlar. Buna görə də biz sizə minnətdarıq, əziz qardaşlarım. Ruhunuz şad olsun!


Etiket:
Xəbərlər

TOXLUCA

01.06.2023

Bu gün Azərbaycanın milli bayramı - Müstəqillik Günü qeyd olunur.

28.05.2023

GÖYÇƏ MAHALI ŞİŞQAYA KƏNDİ

25.05.2023

Yeni Daşkəndin 70-illik yubileyinə təbrik məktubu

24.05.2023

Bərdə rayonun Yeni Daşkənd kəndində Ümummilli Lider Heydər Əliyevin anadan olmasının 100 illiyi və Daşkənd kəndinin Qərbi Azərbaycandan Deportasiyasının 70 illiyi ilə əlaqədar tədbir keçirilmişdir.

22.05.2023

QANLI KƏNDİ (QANLI ALLAHVERDİ)

15.05.2023

Ümummilli Lider yeganə şəxsdir ki, Ali Baş Komandan onra raport verdi.

15.05.2023

SƏFƏVİLƏRİN BÖYÜK İDEOLOQU,
 SUFİ ŞEYXİ
 MİSKİN ABDAL (SEYİD HÜSEYN MƏHƏMMƏD OĞLU)

13.05.2023

KƏSƏMƏN
(Solaq)  

08.05.2023

Azərbaycan hərbi hospitallarının 1941-1945-ci illər
fəaliyyəti haqqında

08.05.2023

Naxçıvandan qurtuluşa gedən yol

06.05.2023

Bu gün görkəmli oftalmoloq-alim, akademik Zərifə Əliyevanın doğum günüdür.

28.04.2023

GÖYÇƏ MAHALI CİL KƏNDİ (Ərkacilli-Ərqavil)

24.04.2023

Aşıq Ələsgər yaradıcılığında divan ədəbiyyatına xas poetik fiqurlar

11.04.2023

31 Mart - unutmayacağımız tarix

31.03.2023

Basarkeçər rayonu Dərə kəndi.

30.03.2023

Göyçə Mahalı Daşkənd kəndi

13.03.2023

Qərbi Azərbaycan İcması Ermənistanın baş nazirinə məktub göndərib

12.03.2023

İKİYƏ BÖLÜNMÜŞ GÖYÇƏLİ VƏ GÖYÇƏSİZ ÖMÜR

10.03.2023

GEC TAPIB, TEZ İTİRDİYİM DOSTUM

05.03.2023

Zahid Oruc: "Göyçə Qərbi Azərbaycanın Şuşasıdır!"

04.03.2023

Qəriblikdə ölmək qorxusu...
Əmimin əziz xatirəsinə ithaf edirəm

04.03.2023

Aşıq Ələsgər yaradıcılığında irfan məqamları

02.03.2023

Meksikalı deputatlar Qərbi Azərbaycan İcmasında olublar.

01.03.2023

Dağıstanı xilas edən azərbaycanlı - Əziz Əliyevin HƏYAT HEKAYƏTİ

20.02.2023

Göyçə mahalı, Qaraiman kəndi

19.02.2023

Tanınmış həkim Şirazi İbrahimov Nərimanlı kənd icmasının sədri seçildi

19.02.2023

Qərbi Azərbaycan İcmasında görüş keçirilmişdir.

 

12.02.2023

Düşüncələrin kölgəsindən özünə - Yazıçı Rüstəm Dastanoğlunun "Düşüncələrimin kölgəsi" kitabı haqqında - Əsəd CAHANGİR

06.02.2023

Ələddin Allahverdiyev "Düşüncələrimin kölgəsi" kitabı haqqında

04.02.2023

 İnsanların 74.6%-i Qərbi Azərbaycana qayıdışın baş tutacağına inanır. 

19.01.2023

Klassik şeirimizin xalq ruhunun Heyranı...

13.01.2023

Qərbi Azərbaycan İcması müraciət yayıb

12.01.2023

"Deyiblər, ya gecə ikən çıxın, ya da sabah silahlılar gələcək" - Misir Mərdanov

27.12.2022

Prezident İlham Əliyev Qərbi Azərbaycan İcmasının inzibati binasında yaradılan şəraitlə tanış olub

24.12.2022

Prezident: Gün gələcək, biz Qərbi Azərbaycanda da belə gözəl məclis keçirəcəyik  

24.12.2022

Prezident İlham Əliyev: Biz birgə səylərlə Qərbi Azərbaycana Qayıdış Konsepsiyasını da işləməliyik

24.12.2022

Prezident İlham Əliyev: Qərbi Azərbaycana Qayıdış Konsepsiyası çox sanballı sənəd olmalıdır

24.12.2022

Prezident İlham Əliyev Əhliman Əmiraslanovla bağlı  Sərəncam imzaladı

16.11.2022

Fəxrəddin Salimin “Dədə Qorquddan Dədə Ələsgərə” kitabının təqdimat mərasiminin iştirakçılarına Ələddin Allahverdiyevin təbrik məktubu

11.10.2022

Kəsəmən məktəbinin məzunlarının 50 illiyi

30.06.2022

Ələddin Allahverdiyev – 75

28.05.2022

Peşə təhsili alan gənclərin turizm sahəsində sahibkarlıq imkanları layihəsi keçirilir

04.03.2022

BÖYÜK AZƏRBAYCAN OLMALIYAM MƏN... GÖYÇƏ ADLI İLAHİ SEVGİ...

19.02.2022

Qərbi Azərbaycanın Qaraqoyunlu dərəsi haqda televiziya filmi

29.01.2022

Müəllimlərim haqda xatirələrim - Musa Kərimov 

17.01.2022

Səksəninci döngə

27.12.2021

İlham Əliyev – Onun əsil DOĞUM GÜNÜ 8 NOYABRDIR

24.12.2021

Akademik Əhliman Əmiraslanov Prezident İlham Əliyevə təşəkkür etdi

05.12.2021

İntiqamın arzusu: “Mənə elə rəssam verin ki, məni ayaq üstə çəksin”

24.11.2021
Bütün xəbərlər