Xatirə Həsrət Göyçənin səsinin arxasınca gedib sözünü Qoşqar dağının zirvəsində üzü Göyçəyə bayraq yelləyən gördüm...
Şeir sözdən çox səsdir. Həyatın, hislərin, təbiətin və Tanrının səsi. Bu səslərin yaratdığı harmoniya hansısa formada (musiqi ya da poeziya kimi!) sənət əsərinə çevrilir.
Bütün müəlliflər şeirini kağızdan öncə, öz səsinə yazır. Yaşantılarını, daxili dünyasını ifadə edən səsinə...
Bir yol sosial şəbəkədə Xatirə Həsrət Göyçənin səsinin arxasınca gedib sözünü Qoşqar dağının zirvəsində üzü Göyçəyə bayraq yelləyən gördüm. Hələ onda Qarabağ işğaldan azad olunmamışdı – Şuşanın gözləri yollarda, Laçının, Kəlbəcərin qolları qandallı idi. Ümidlərin xəyalqırıqlığına uğradığı bir vaxtda Xatirə bizi həsrət dolu şeirləri ilə təkcə ovutmur, həm də mübarizəyə səsləyirdi. Çünki o, həsrətin “dadını” qarabağlılardan öncə, körpəlikdən dadmışdı. Göyçə gölünün qırçınlı ləpələrinin ağuşunda uyuyan doğma Cilini, Göyçəsini, uşaqlığını itirmişdi. O həsrətin ağrıları ilə böyüyüb, boy atan Xatirə özü də bilmədən şair oldu. Adının yanında təxəllüs kimi yazdığı “Həsrət” və “Göyçə” şairi.
Xatirə Həsrət Göyçə sazlı-sözlü mühitdə doğulduğundan, misraları da sazın köynəyidən keçib qoşma, gəraylı, təcnis görkəmində poeziyaya vəsiqə alır. Sazın tellərindən qopan çınqı sanki onun misralarına bir nizam verir. Bədii inersiya sözün melodiyası ilə bağrı-badaş olub qulaqlara hakim kəsilir. Aşıq Müseyibin “Qaragöz”ünün laylasında, Zəki İslamın ibrətamiz qoşmalarının işığında pərvazlanan bu şeirlər min illərin o üzündən Xatirənin könül dünyasına işıq tutur:
Ümidlərim bircə tükdən asılı,
Əcəl hazır, fərmanına yazılı.
Gözlərində məzarım var, qazılı,
Baxışların kəfənimi biçəndən.
Örnək gətirdiyim bu bənddəki misralar müəllifin mübaliğədən uzaq səmimi hislərinin poetik təzahürüdür.
Xatirə Həsrət şeirlərini hər cür kanyukturadan uzaq, ədəbi izmlərin çölündə – ürəyinin diktəsi ilə yazır. Həmin şeirlər dilimizin folklor qatında yazıldığından, Xatirə bir qələm adamı kimi daha çox yaddaşlara söykənir. Ağsaqqal babalarımızdan, ağbirçək nənələrimizdən eşidib öyrəndiyi zərbi-məsəlləri, xalq deyimlərini poeziyaya gətirir.
Xatirə Həsrətin yaradıcılığında daha çox üz tutduğu bir ünvan var – dağlar! Saysız sayda “dağlar” rədifində şeirlər yazıb. Sanki əli hamıdan üzüləndə sözünü deyəcək, həsbi-hal olacaq yeganə dostu, doğması “qütrətən səngərli, qalalı dağlar”dı.
Ah-naləm tutub cahanı,
Gəl dadıma çat, ay dağlar!
Leysan olan qəm yaşımı,
Sellərinə qat, ay dağlar!
Qarını yorğanım elə,
Şehini üstümə çilə.
Ağuşunda oda bələ,
Al qoynuna yat, ay dağlar!
Cəmiyyətdəki eybəcərlikləri, ictimai bərabərsizliyi gördükcə ayrı düşdüyü dağlara Qoşqarın ətəyindən üzünü tutub həsrət-nisgil dolu misraları ilə öz dərdini pıçıldayır. Və bəzən təkcə öz dərdini pıçıldamır, Göyçə, Qarabağ həsrəti ilə qürbətdə sümüyü sürmə olmuşların torpaq yeyən arzularını sözün-şeirin yaddaşına yazır. Bu, təkcə şeir yazmaq deyil, həm də bir missiyadı. Vətən sərhəddindən kənarda qürbətə dönən Göyçəmizi, Zəngəzurumuzu, İrəvanımızı, Vedibasarımızı göynək dolu misralarda yaşatmaq, unudulmağa qoymamaq missiyası.
Xatirə Həsrət illərdi yazıb-yaratdığı şeirləri dəftər-vərəq küncündən toplayıb “Dumanlı kölgələr” adı ilə gün işığına çıxarıb. Həsrətliklə öz oxucularını gözləyən bu şeirlər, ümid edirəm müəllifinə geniş şöhrət qazandıracaq. Çünki bu şeirlərdə özünü və yurd-yuvasını axtaranlara poetik bir hədiyyə var: Xatirə Həsrətin “Göyçə” hədiyyəsi...
Qılman İman
Şair-publisist
Xalq şairi Zəlimxan Yaqubu düşünərkən...
20.01.2026Qanlı Yanvar qırğını
20.01.2026XII əsrdə Göyçədən yüksələn dua
16.01.2026Milli Kitabxanaya oxu zalı lazım deyil?
09.01.2026Zəlimxan Yaqubun yetimləri - Şərif Ağayar
09.01.2026Ayrı salınmış xalqın yaralarına əlac edən həkim
28.12.2025“Vedibasar mahalı” filminin təqdimatı keçirilib
27.12.2025Yusif Nəğməkar yaradıcılığında Ələsgər reallığı
27.12.2025XATİRƏLƏRDƏ YAŞAYAN ƏLİ MÜƏLLİM
27.12.2025Bu gün Qarabağın Fatehi Prezident İlham Əliyevin doğum günüdür
24.12.2025Azərbaycanlı alimin beynəlxalq konfransda çıxışı maraqla qaşılanıb
22.12.2025“SƏN MƏNİM CANIMIN İXTİYARISAN”
22.12.2025Professor İbadulla Ağayevin 75 illik yubileyinə həsr olunmuş təntənəli tədbir keçirilib
17.12.2025Mürvət Həsənli Kənd Təsərrüfatı Nazirliyi yanında İctimai Şuranın sədri seçilib
17.12.2025Qərbi Azərbaycanın Basarkeçər rayonunun Hüseynquluağalı (Nərimanlı) kənd tam orta məktəbinin 100 illiyi qeyd olunub.
16.12.2025Qərbi Azərbaycan İcmasının rəhbərliyi və icma üzvləri 12 dekabr müstəqil Azərbaycanın qurucusu, Ümummilli lider Heydər Əliyevin Anım Günü ilə əlaqədar Fəxri Xiyabanda məzarını ziyarət ediblər.
12.12.2025“Mənim tanıdığım Ələsgər” kitabının təqdimatı olub
10.12.2025Qərbi Azərbaycan Xronikası: "Aşıq Ələsgərlə Molla İbrahim arasında yaradıcılıq bəhsləri olub"
10.12.2025Ermənistandan didərgin salınmış azərbaycanlıların mədəni irsinin bərpası – ədalətə, barışığa və sülhə aparan yol kimi” mövzusunda ənənəvi III beynəlxalq konfrans keçirilib.
05.12.2025Qubada QHT-lər arasında koordinasiya və birgə fəaliyyət razılaşdırıldı
05.12.2025TƏŞƏKKÜRNAMƏ
05.12.2025Laçınım, Laçınım, gözəl Laçınım!..
02.12.2025Rüstəm Dastanoğlu – 65
02.12.2025Deputat: Xalisa kəndi və bütün Qərbi Azərbaycan 37 ildir azərbaycanlılarsız qalıb.
İkisindən iki... Mənim Dədəm 33+
29.11.2025Rəsmi İrəvan üzdə göstərdiyi sülhpərvərliyi əməldə təsdiqləməlidir - Qalib Qasımov.
19.11.2025İNSAN QALMAQ SƏNƏTİ Abbas Göyçəgölün şeirlərinə baxış
13.11.2025“MAHİRƏ NAĞIQIZI – 65” MONOQRAFİYA NƏŞR OLUNUB.
30.10.2025Qərbi Azərbaycan Xronikası: "Akademik Nuru Bayramovun adı Ginnesin Rekordlar Kitabına düşüb"
14.10.2025"Qaraqoyunlular Dəniz xandan törəyənlərdir" - Qərbi Azərbaycan Xronikası
23.09.2025“Pəmbək mahalı İkinci Dünya Savaşında” kitabının təqdimat mərasimi keçirilib.
22.07.2025Leyla Əliyevanın doğum günüdür
RƏSULLU ŞƏHİDLƏRİ
03.07.2025İslam Ələsgərli – 100
23.06.2025Gürcüstanda azərbaycanlı alimin elmi araşdırmalarından bəhs edən məqalə dərc olunub
20.06.2025Novrəs İmanla Ayrım Əhmədin ikinci deyişməsi
18.06.2025BİR SÖZÜN SEMANTİKASI VƏ YA “AŞIĞIN QURBAN ÖLDÜRMƏSİ”
11.06.2025QAİ - Basarkeçər İcması adından təbrik edir, cansağlığı və yeni uğurlar arzulayırıq.
11.06.2025Naxçıvan Kikboksinq İdman Klubunun açıq birinciliyi keçirilib
04.06.2025“Qərbi Azərbaycan Kuboku” uğrunda II minifutbol çempionatının açılış mərasimi keçirilib
02.06.2025Prezident: "İrəvan qazılığının fəaliyyətinin bərpası tarixi ədalətin təmin olunmasıdır"
26.05.2025Professor Mahirə Hüseynova ermənilərə cavab verdi - FOTO
22.05.2025Ulu Öndərin adı Azərbaycan tarixinə qızıl hərflərlə yazılıb ŞƏRH
10.05.2025ADNSU-da “Heydər Əliyev və Azərbaycanın Suverenlik Yolu” mövzusunda tədbir keçirilib
08.05.2025İkinci Dünya savaşında Pəmbək azərbaycanlılarının iştirakı yeni informasiyalar işığında
07.05.2025Aşıq Ələsgər xalq dilinin ədəbi dilimizə çevrilməsi missiyasının “nidasını qoydu”.
06.05.2025Aşıq Ələsgərin yaradıcılığında qadın obrazlarına elmi baxış...
26.04.2025Qərbi Azərbaycan Araşdırmalar Mərkəzi və Filologiya fakültəsinin birgə təşkilatçılığı ilə “Konstitusiya və Suverenlik İli” çərçivəsində “Qədim yurd yerlərimiz, söykökümüz – Aşıq Ələsgər” adlı tədbir keçirilib.
24.04.2025Ömürlərə bəzək və töhfə verən ömrünüz bərəkətli olsun!
01.04.2025Bakı qırğınları Mart soyqırımının kulminasiya nöqtəsi idi, amma sonu deyildi
31.03.2025
Göyçə.az saytı müstəqil media orqanı olaraq, Oğuz Türklərinin əzəli vətəni - Qərbi Azərbaycanın bütün mahallarının: tarixini, folklor - etnoqrafiyasını, qədim abidələrini, ədəbiyyat və mədəniyyətini; ictimai-siyasi və elm xadimlərinin həyat və yaradıcılığını; qədim Azərbaycan torpaqlarında süni şəkildə yaradılan Ermənistan dövlətinin işğal faktını işıqlandıracaq, yeni nəsilin maariflənməsi üçün öz töhvəsini verəcəkdir.
Təsisçi və baş redaktor: Qılman İman
Baş redaktorun müavini: İlqar İsmayıl
Redaktor: Günay Vəlizadə
E-poçt: [email protected]
