Hətta, Bakı- Basarkeçər marşurutunun açılışı günü ermənilər Bakıdan gələn avtobusu daşa basmış, sürücüləri təhqir və təhdid etmişdilər.
Onun haqqında çəkinmədən ən gözəl sözləri demək olar. Çünki o, onu tanıyan hər kəsin sevdiyi bir dost, elli, ictimai xadim, bir də böyük həriflərlə yazılacaq VƏTƏNDAŞ idi. Yüzlərlə elədiyi xeyirxahlıqlar bu gün də elin, obanın dilində əfsanəyə çevrilib xatırlanır. Adı çəkiləndə həmişə rəhmətlə anılır. Xeyirxahlıq simvoluna çevrilən Rəşid İbrahimovun yaşadığı 43 il ərzində heç vaxt sağ əlinin verdiyini, sol əli bilmədi. Dünyaya təmənnasız təşrif buyurduğu üçün etdiyi yaxşılıqları da təmannasız etdi. Hər kəsə geniş ürəyində məhəbbət dolu bir yer verdi. Qısa ömür yaşamasına baxmayaraq özündən sonrakı nəsillərə nümunəvi bir ömür yaşadı. Ona görə də bu gün Vətən torpağının yaddaşında Rəşid İbrahimov adlı silinməz bir iz yaşayır. İndi biz uzaqlardan gələn işıq ziyası kimi o izin arxasınca düşüb babalarımızı, adət-ənənəmizi, yağmalanmış yurdumuzu axtarırıq...
Rəşid İbrahimov 1951-ci ildə Göyçə mahalının Kərkibaş kəndində tanınmış tarix müəllimi Bəhlul İbrahimovun ailəsində anadan olmuşdur. İbtidai təhsilini doğma Kərkibaş kəndində, tam orta təslini isə qonşu Çaxırlı kəndində aldıqdan sonra 1968 ci ildə Azərbaycan Politexnik İnstitutunun Avtonəqliyyat fakültəsinə daxil olmuş, 1972-ci il də institutu fərqlənmə diplomu ilə bitirmişdir. Hələ institutda təhsil aldığı dövürdə dərin zəkası, məsələlərə özünəməxsus yanaşma tərzi ilə tay-tuşlarından fərqlənmişdir. O, təhsildə nə qədər fərqlənsə də, ali məktəb həyatına nə qədər bağlı olsa da, institutda işləmək üçün şərait yaradılsa da, o, aldığı biliyi ilk növbədə doğma vətəninə -Göyçə mahalına sərf etmək istəmişdir. İnstitutu bitirən kimi doğma yurdu Kərkibaş kəndinə gəlib və il yarım nəqliyyat işləri üzrə mühəndis vəzifəsində işləmişdir. Həmin vaxtlar Rəşid İbrahimov bilik və bacarığını tətbiq etmək üçün daha geniş meydan axtarırdı. Ona görə də arzularının arxasınca Bakıya gəlir, xeyirxah insanların və özünün şəxsi bacarığı sayəsində 2 №-li Avtoparkda direktor müavini vəzifəsinə təyin olunur. Gənc olmasına baxmayaraq az vaxt içərisində bacarıqlı bir kadr kimi kollektivin hörmətini qazanır. İşgüzarlığı onu pillə-pillə yuxarıya qaldırır və parkın işçi heyyəti yekdilliklə onu parkın direktoru vəzifəsinə seçirlər. Hansı ki, həmin vaxtlar Bakıda nəqliyyat sahəsində hərcmərclik hökm sürürdü. Azərbaycan Respublikasının Nəqliyyat naziri, nazirliyin kollegiya iclasında məsələni müzakirə edərək, bu böyük və məsuliyyətli işi Rəşid İbrahimova tapşırır və onu Şəhərlərarası Avtobus Parkının direktoru təyin edir. Az vaxt içərisində Rəşid İbrahimov yeni metodlardan istifadə edərək nəqliyyatda mövcud olan hərcmərcliyi nəinki aradan qaldırmağa nail olur, eyni zamanda nəqliyyat sahəsini qabaqcıl bir sahəyə çevirir. Xalqa xidmət etmək Rəşid İbrahimovun həyat devizi olmuşdur. Ermənistanda yaşayan əhalinin Azərbaycana, o cümlədən Bakıya gəlib-getməsini asanlaşdırmaq məqsədiylə Rəşid İbrahimovun şəxsi təşəbbüsü ilə Bakı - Kirovakan, Bakı- Basarkeçər marşrutları açılır. Əlbətdə bu, elə-belə iş deyildi. Bunun üçün iki Respublikanın nəqliyyat rəhbərləri arasında razlığa nail olmaq və bir sıra başqa məsələləri yoluna qoymaq lazım idi. Bütün bunların ağırlığı Rəşid müəllimin üzərinə düşürdü. Digər tərəfdən də Ermənistanda bu işə ardıcıl mane olmağa çalışan ermənipərəst qüvvələr var idi. Hətta, Bakı- Basarkeçər marşurutunun açılışı günü ermənilər Bakıdan gələn avtobusu daşa basmış, sürücüləri təhqir və təhdid etmişdilər. Rəşid İbrahimovla səbrlə, təmkinlə və tədricən bu işləri yoluna qoymuş və marşrutun normal işləməsinə nail olmuşdur. Deyilənlərə görə, Bakı-Basakeçər marşrutu işə düşən günü, Rəşidin sevincdən gözləri yaşarmışdır. Lakin ədalət naminə deməliyik ki, bu marşrutların təşkilində və açılmasında görkəmli dövlət xadimi, göyçəlilərin ağsaqqalı Yunis Rzayevin də böyük əməyi olmuşdur. 1988-ci ildə Azərbaycanlılar ata-baba yurdları Ermənistandan qovularkən Rəşid İbrahimov onların çıxarılmasında və yerbəyər edilməsində əsl vətənpərvərlik göstərmişdir. Qaçqınların avtobus və digər nəqliyyatla təmin olunmasında, işsizlərin işlə, evsizlərin evlə təmin olunmasında xüsusi fədakarlıq göstərmiş, onların prablemlərini yerində həll etmişdir. Məlum olduğu kimi, 1989-cu ildə Qarabağ hadisələri ilə əlaqədar Bakının Azadlıq meydanında izdihamlı mitinqlər keçirilirdi. O zamanlar Azərbaycana rəhbərlik edən Ə.Vəzirov mitinqin bir qrup təşkilatçılarını, o cümlədən Rəşid İbrahimovu həbs etdirir. İl yarım həbsdə qaldıqdan sonra, həqiqət öz yerini tutur, Rəşid İbrahimov həbsdən azad edilir, yenidən Bakı şəhər Baş Nəqliyyat İdarəsinə rəis təyin olunur. Rəşid İbrahimov da Azərbaycanın başqa qabaqcıl ziyalıları kimi xalqın nicat yolunu Heydər Əliyevin hakimiyyətə gəlməsində gördüyü üçün bu yolda dayanmadan fədəkarlıq göstərirdi. Sadə bir həyat tərzi keçirən Rəşid İbrahimov böyük ürəyə sahib xeyriyyəçi, kütləni arxasınca apara bilən həm də nüfuzlu ictimai xadim idi. Bilavasitə onun təşəbbüsü ilə yaradılmış “ Ağrıdağ ” xeyriyyə cəmiyyəti Azərbaycanda sosial partlayışın və müharibənin qarşısının alınmasında xeyli işlər görmüşdür. Rəşid İbrahimovun xalqa, vətənə xidmət etmək arzuları çox olsa da, təəssüf ki, vaxtsız ölüm onun kəpənək qanadları qədər zərif arzularının həyata keçməsinə mane oldu. Bakı şəhəri Nərimanaov rayonuna icra başçısı kimi məsuliyyətli bir vəzifəyə təyin olunduğu bir məqamda ölüm onun başını üstünü kabus kimi kəsdirdi. 1995-ci yayında dostlarının, doğmlarının çiynində göz yaşları ilə son mənzilə yola salındı. Tale Rəşid İbrahimova Azərbaycan xalqına istədiyi qədər xidmət göstərməyə ömür verməsə də, ancaq onun təmiz əməlləri, xeyirxah işləri, yüz illər boyunca qəlblərdə yaşadacaq. Ruhun şad, məkanın cənnət olsun, əbədiyaşar Rəşid müəllim!
Bəhrəm Avılov
Oxuduğu məktəbdə adı əbədiləşən - ŞƏHİD ELŞAD HƏMİDOV.
20.04.2024Mədəniyyətimizin zənginləşməsində Aşıq Ələsgər amilindən istifadə mexanizmi
16.04.2024Aşıq Ələsgər xalqımızın Qərbi Azərbaycandan deportasiyası dövrünün qurbanı, canlı şahidi kimi
01.04.2024ORDA BİR KƏND VAR, UZAQDA... DOĞMA QARAQOYUNLUM - FOTO
26.03.2024NOVRUZ XALQIMIZIN MİLLİ BAYRAMIDIR!
20.03.2024Bayram Aslanov “Heydər Əliyevin 100 illiyi” yubiley medalı ilə təltif edilib - Fotolar
19.03.202416 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023BÖYÜK MƏZRƏ - GÖYÇƏ MAHALI
10.12.2023Dekabrın 7-də Azərbaycan Rəssamlar İttifaqının Vəcihə Səmədova adına Sərgi Salonunda Qərbi Azərbaycan əsilli rəssamların əsərlərindən ibarət sərgi açılıb.
07.12.2023Tanınmış hərbi ekspert Telman Qasımov İrəvana səfər edib.
05.12.2023HƏYATDA ÖZÜMÜ XOŞBƏXT ADAM HESAB EDİRƏM Ki, HEYDƏR ƏLİYEVLƏ BİRGƏ İŞLƏDİM
04.12.2023AMEA müxbir üzvü, Basarkeçər rayon icma sədri, professor Nuru Bayramov İnönü Universitetinin “Fəxri Doktoru” seçilib - FOTOLAR.
03.12.2023Bax, biz Göyçə torpağındayıq...
29.11.2023BAKI DÖVLƏT UNİVERSİTETİNDƏ “Qərbi Azərbaycanda türk müsəlman abidələrinin erməni vandallığına məruz qalması” mövzusunda elmi seminar keçirilib - FOTOLAR
25.11.2023SƏHRADA YALQIZLIQ
25.11.2023Azərbaycanda ilk dəfə “Qərbi Azərbaycana qayıdış” festival-konqres keçirilir FOTO
23.11.2023İcma: Paşinyan hökumətindən azərbaycanlıların Ermənistanda öz dədə-baba yurdlarına qayıdış hüququnu tanımasını gözləyirik
21.11.2023“Azərbaycan Bayrağı” ordeni və “Vətən uğrunda” medalı ilə təltif olunan - MÜBARİZ QULUYEV BABACAN KƏND İCMASININ SƏDRİ SEÇİLDİ-FOTOLAR
14.11.2023Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirilib
08.11.2023Qərbi Azərbaycan İcmasının Basarkeçər rayonu Dərə kənd sakinləri və Dərəli kökənli gənclərlə görüşü keçirilib.
07.11.2023Ulu Öndər Heydər Əliyev xatirələrdə
31.10.2023"Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı konfrans keçirilib.
30.10.2023Oktyabrın 27-də Qərbi Azərbaycan İcmasında (QAİ) “Ulu Öndər Heydər Əliyev xatirələrdə” kitabının təqdimatı keçirilib.
28.10.2023“Oğul” filminin rejissoru: “Erməni hərbçilərdən biri Natiqin cəsurluğunu etiraf etdi” - MÜSAHİBƏ
26.10.2023Nərimanlı gəncləri ilə görüş keçirilib - FOTOLAR
24.10.2023TANINMIŞ ALİM, İSTEDADLI ŞAİR-PUBLİSİST - RAMİZ HƏSƏNLİ ŞİŞQAYA KƏND İCMASININ SƏDRİ SEÇİLDİ
21.10.2023Ümummilli Lider Heydər Əliyevin 100 illik yubileyinə həsr olunmuş “Qüdrətdən səngərli, qalalı dağlar” adlı konsert proqramı keçirilib.
21.10.2023Erməni dostunun azərbaycanlı yazıçıya hər il yazdığı mesaj: “Axırda...” – Müsahibə
17.10.2023