Ustad Aşıq Hacı Göyçəlinin yeganə müsahibəsi...

20:25 / 27.05.2019

Goyce.az Göyçə aşıq məktəbinin görkəmli nümayəndəsi, unudulmaz Aşıq Hacı Göyçəlinin 26 fevral-1993-cü ildə "Ədəbiyyat" qəzetində yazıçı Rüstəm Dastanoğluna veridiyi nadir müsahibəsini təqdim edir.

Aşıq Hacı Bayramov Göyçə mahalının Daşkənd kəndində anadan olub. Uşaqlığı otuzuncu illərə düşüb. Üçüncü sinifdə oxuyanda anası rəhmətə gedib və ondan sonra atası Abbas kişi onu daşkəndli Aşıq Abbasəlinin(Nazarov) yanına şəyird qoyub. 
Aşıq Hacının atası Abbas kişi el arasında Qərib Abbas kimi tanınıb. Su dəyirmanı işlədib. Çoxlu nağıllar bilirmiş, bildiyi nağılları da o qədər şirin, yerli-yataqlı danışırmış ki, elə bil hamısını öz gözləri ilə görübmüş. 
İndi Aşıq Hacının da danışığı elə şirindi, yumorludu, yerli-yataqlıdı. Qərib Abbas nağılı danışanda avazla oxuyurmuşsa da, amma saz çalmırmış.

Aşıq Hacı sonra Bala Mərzəli Aşıq Hüseyndən, daha sonra Aşıq Ələsgərin şəyirdi Aşıq Əsədin yanında  şəyirdlik eləyib. Aşıq Hacı deyir ki, zəngulələrimdə, haradasa, Aşıq Əsədə yaxınlıq var. Aşıq Əsədin "İrəvan çuxuru"su indiyə qədər məşhurdur.
Axırıncı ustadı qanlılı Aşıq Mehdi olub. Aşıq Mehdi, məşhur Aşıq Alının şəyirdi Aşıq Qulunun şəyirdiymiş. Aşıq Hacı danışır ki, üç-dörd il Aşıq Mehdinin yanında şəyirdlik etdim. Dastanları danışmaqda rəhmətliklərdən çox şey öyrəndim. 
Aşıq Hacıyla söhbət edirik.

Hacı əmi, sizin oxumağınız ustadlarınızdan hansına oxşayır?

- Heç hansına. Ustad şəyirdə gərək onun kimi oxumağı yox, özünü, öz səsini, öz danışığını tapmağı öyrətsin. Oxumaq nə deməkdir?( Bir xeyli iç dünyasına çəkiləndən sonra, öz verdiyi suala cavab verir). Hər adamın içində bir göynərti olur, gərək o səsi tapasan ki, o səslə oxuyanda həmin göynərti canından çıxa. Başqasının səsi ilə oxusan, başqasını yamsılasan, heç vaxt canından o yanğı çıxmaz, ancaq öz səsin çıxardır o yanğını.

Bax, Hacı əmi, məsələn, məndən aşıq olarmı?

Bilmirəm, səni sınağa çəkməmişəm. Aşıq olmaq üçün çox keyfiyyətlər lazımdır, lap çox. Birincisi, gərək adamda aşıqlığa həvəs, vurğunluq ola. İçində işıq ola. Sonra rəhmətlik qağam deyirdi ki, üç cür səs var; səs var qarından gəlir, səs var sinədən gəlir, səs də var, beyindən gəlir. Qarından gələn səs heç, gec-tez batır, sinədən gələn səsdə yanğınlıq, şirinlik, həzinlik olur. Ən yaxşı səs beyindən gələn səsdi. O səs heç vaxt batmır. Aşığa qulaq asan kimi mən bilirəm ki, onun səsi haradan gəlir.

Hacı əmi, onu necə təyin eləyirsiniz?

- Vallah, nətəri təyin eləməyi sözlə ifadə eləyə bilmərəm, amma aşıq oxuyanda bu mənə agah olur.

Tanıdığımız aşıqlardan deyin görək, hansının səsi dediyiniz hansı qrupa daxildir?

- Kiminsə xətrinə dəymək istəmirəm. Amma elə ki, istəyirsən bir-iki ad çəkim. Məsələn, Aşıq Ədalətin səsi sinədən gəlir. Aşıq Museyib "Qaragöz" ha oxuyur, eşidibsənmi? Bax, o səs beyindən gəlir.

Hacı əmi, bəs, sizin səsiniz hansındandır?

- Mənim səsim də beyindən gəlir. Özü də, vallah, bunu mən özümü tərifləyib eləmək üçün demirəm. O səs-zad mənlik deyil. Nətəri olubsa, o da mənim baxtıma düşüb. Çox vaxt, məsələn, sən oxuyursan, oxuduğunu dərk eləmirsən, sonra üstündən neçə illər keçəndən sonra, oxuduğunu yaşaya-yaşaya çox şeylər sənə agah olur.

...Aşıq Hacının 80-ci illərdə birinci dəfə Filarmoniyada, Respublika Sarayında çıxışları oldu. Və onun oxumağının, danışmağının, şirinliyi aşıq bilicilərinin diqqətindən yayınmadı. Radioya, televiziyaya, xarici dövlətlərə dəvət olundu. Televiziyada "Aşıq Alı" dastanını söylədi. Məmməd Aslanın dediyi kimi, televiziyada çox dastanlar danışılmışdı, amma bunların heç biri dastan kimi alınmamışdı. Təkcə Aşıq Hacının danışdığı "Aşıq Alı" dastanından başqa. "Aşıq Alı" dastanı televiziyanın qızıl fonduna düşdü.

Aşıq Hacı bu yaxınlarda - 1992-ci ilin noyabrında Türkiyədə keçirilən Konya aşıqlar bayramına dəvət olunmuşdu. Bütün Türk dünyasının ən məşhur aşıqlarının iştirak etdiyi bayramda Aşıq Hacı Süleyman Dəmirəlin imzası ilə Atatürk adına qızıl medala layiq görüldü. 1991-ci ilin may-iyun aylarında Almaniya-Azərbaycan dostluq cəmiyyətinin dəvəti ilə gedib. Berlin, Frankfurt-Mayi, Köln, Düsseldorf və başqa şəhərlərdə konsertlər verib. Vaxtını uzadıb 10 gün də artıq saxlayıblar onu Almaniyada. Söhbəti davam etdiririk.

Hacı əmi, valınız varmı?

- Elə bayaq onu demək istəyirdim. Almaniyada, Türkiyədə tez-tez mənə yaxınlaşırdılar ki, çox rica edirik, mümkünsə, valınızdan, kasetinizdən birini bizə bağışlayasınız. Deyirdim ki, valım, kasetim yoxdu. İnciyirdilər, başa düşə bilmirdilər ki, doğrudan da indiyə qədər mənim valım, kasetim buraxılmayıb
Bunu elə-belə söz düşdü deyirəm, kimnənsə nə isə ummaq üçün yox.

Sizin "Gilənar", "Ağır Şərili" havalarınız daha məşhurdu.

- Yəqin mənim içimdəki yanğılar, dərdlər daha çox o havalar üstündə köklənib.

Xoşlamadığınız, oxumaq istəmədiyiniz havalar varmı?

Bəlkə də var, amma incimə, deməyəcəm.

Qaça-qaçdan sonra niyə Çardaxlını(Çənlibel) seçdiniz? Bakı daha yaxşı deyildimi?

- Bakıda mən nə evi özümünkü kimi hiss eləyə bilirəm, nə ayağımın altındakı asfaltdan torpağı hiss eləyə bilirəm, nə də özüm özümü. Nə bilim, bəlkə başqa səbəblər də var...

Neçə şəyirdiniz olub?

- Şəyidlərim çox olub, amma onlardan Aşıq İslam və Aşıq Nuridindən daha çox razı qalmışam.

Hacı əmi, bax, televiziyada, ya kasetdə öz oxumağınıza qulaq asanda özünüzdən xoşunuz gəlirmi?

- Yaman yerdə yaxaladın məni. Hələ heç kimə deməmişəm, deyəsən, sənə bir sirri açasıyam... Bilirsən, ən çox ürəyimcə oxuduğum nə vaxt olur? Yuxuda. Tez-tez yuxuda oxuyuram, bəzən elə olur ki, ağlaya-ağlaya oxuyuram, sabahısı günü ayılıb yuxuda oxuduğum havanı başlayıram oxumağa. Oxuyuram...Oxuyuram, amma görürəm ki, yox. Yuxudakı kimi alınmır ki, alınmır... Yəqin yuxudakı kimi oxusam, bir də yuxuda oxumaram. Heyf ki, yuxuda oxuduqlarımı özümdən başqa heç kim eşitmir.

Aşıq Hacı bunu deyib çəkilir öz iç dünyasına və mən onu öz dünyasından bir daha ayırmaq istəmirəm.

Rüstəm Dastanoğlu

 "Ədəbiyyat" qəzeti

26-fevral 1993-cü il

Goyce.az


Etiket:
Xəbərlər

Aktrisa ilə evlənib, onu kinoya həsrət qoyan REJİSSOR

23.08.2019

Qul kimi ölən sultan, sultan kimi ölən qul - TARİXİ FAKT

22.08.2019

Yaşamaq üçün özgə həyatını yeyirik - Vislava ŞİMBORSKAYA

22.08.2019

Çingiz xanın çadırına zəncirlənən qadın sultan - TARİXİ FAKT

21.08.2019

Reyxstaqa qədər döyüşən aktyor - Hüseynağa Sadıqovun ömrü boyu unutmadığı dəhşətli EPİZOD

20.08.2019

Toni Morrison əfsanəsi

20.08.2019

Azərbaycan dili aşiqlərin dilidir... -Buludxan Xəlilov, filologiya üzrə elmlər doktoru, professor

19.08.2019

Fətəli xan Xoyski - Erməni gülləsi ilə arxadan vurulan Azərbaycanın ilk Baş naziri

19.08.2019

Gec deyil... - Oqtay Rzanın - ŞEİRLƏRİ

18.08.2019

Xəlil bəy nə zaman vəfat edib? - Övlad acısı, ağır xəstəlik

18.08.2019

Aman Allah 

17.08.2019

ADIYAMAN

17.08.2019

Kiçik Vyetnam böyük Çinin burnunu necə “ovdu”? - 28 günlük müharibənin tarixi

16.08.2019

Əli bəy Hüseynzadənin açılmayan sevgi məktubu - Mətn

15.08.2019

REY BREDBERI  “Dəryaz” 

14.08.2019

Onun həyatındakı qadınlar ya dəli oldu ya intihar etdi - Pikasso

14.08.2019

Tuvalılar Böyük Vətən Müharibəsində

12.08.2019

Oğuzlar və Türk kimliyi - Cahandar Bayoğlunun elmi məqaləsi

11.08.2019

Ən qədim insanların 500 min il əvvəl Naxçıvanda yaşadıqları təsdiqləndi

10.08.2019

“Yeni Gundem” İnformasiya Agentliyinin 2 yaşı tamam olur.

10.08.2019

Böyük Nərimanlılar silsiləsindən - Şair Şahmalı Əliyev  Bəlkə qala sözüm, dünya.  

09.08.2019

Uşaq yaşlarından məhkum olan görkəmli jurnalistimiz

09.08.2019

Vampirlər həqiqətdirmi? – İlginc faktlar

08.08.2019

MƏCNUN GÖYÇƏLİ RÜBAİLƏRİ

08.08.2019

Şadlinskilər

07.08.2019

Yazıçı olmaq istəyənlərə Stefen Kinqdən 22 vacib məsləhət

06.08.2019

Atasından miras qalmış taxta 52 il sahib çıxmış hökmdar

06.08.2019

Xəstəsinin evinə bazarlıq edən həkim – MARAQLI ADAM

05.08.2019

General Sisianovun erməniləri “İT” adlandırdığı 214 illik tarixi məktubu  

04.08.2019

Mən də ölülərin xalq şairiyəm - Telman Hüseyn Anadilin şeirləri

03.08.2019

Misir fironları əslən qafqazlıdır - Alman alimlərindən sensasion tədqiqat

03.08.2019

TİTANİK GƏMİSİ HAQQINDA BİLMƏDİYİNİZ BÜTÜN MARAQLI MƏLUMATLAR BİR ARADA

02.08.2019

Qan içində sevgi, 27 illik həsrət, “məni öldür, get...” - FİLM KİMİ HEKAYƏT – VI HİSSƏ - SON - VİDEO

01.08.2019

Qan içində sevgi, 27 illik həsrət, “məni öldür, get...” - FİLM KİMİ HEKAYƏT - V HİSSƏ

31.07.2019

Ərəb Əmirliklərində çalışan xanım alimimiz: Hər il  28 Mayla bağlı müsabiqə keçirir, tələbələri milli hədiyyələrlə mükafatlandırıram  

31.07.2019

Qan içində sevgi, 27 illik həsrət, “məni öldür, get...” - FİLM KİMİ HEKAYƏT - IV HİSSƏ

30.07.2019

Böyük rəhbərə son dəfə qurban gedən kiçik adamlar.

30.07.2019

Qan içində sevgi, 27 illik həsrət, “məni öldür, get...” - FİLM KİMİ HEKAYƏT - III HİSSƏ

29.07.2019

Tanrının “Oxu” təlimi

29.07.2019

Qan içində sevgi, 27 illik həsrət, “məni öldür, get...” – FİLM KİMİ HEKAYƏT – II HİSSƏ

27.07.2019

Qan içində sevgi, 27 illik həsrət, “məni öldür, get...” – FİLM KİMİ HEKAYƏT – I HİSSƏ

26.07.2019

Qondarma bəylər

25.07.2019

Eldar Baxış oğlunun cəsədi qucağında evə keçdi – Hadisənin şahidi yazır...

25.07.2019

ƏLİBALA HACIZADƏ: HEÇ NƏ ƏZİZ DEYİL XATİRƏN QƏDƏR

24.07.2019

26 il Ağdamsız

23.07.2019

BÖYÜK NƏRİMANLI SİLSİLƏSİNDƏN YAZIÇI, PUBLİSİST QƏDİR ASLAN 
 

22.07.2019

Azərbaycan mətbuatı-144

22.07.2019

“Rəvan” sözünün əvvəlinə “i” hərfi əlavə olunaraq “İrəvan” adı əmələ gəlmişdir

20.07.2019

"Deportasiyadan Etnik Təmizləməyə Gedən Yol" adlı sənədli filmi ictimaiyyətə təqdim olundu.

19.07.2019

Oğlunun ölümündə özünü günahkar bilən ateist Xalq şairi- Maraqlı Faktlar

18.07.2019
Bütün xəbərlər