Bir qədər qabaq Vətəndən aldığım ağır xəbər məni sarsıtdı. Türk poetik dünyasının, çağdaş ədəbiyyatımızın görkəmli nümayəndəsi, xalqımızın sevimli şairi, əziz dostum, qardaşım Eldar İsmayılın vəfatı xalqımız üçün, el-obası üçün, xüsusilə öz doğma yurdundan didərgin salınmış Göyçə camaatı, insanları üçün çox ağır, böyük itkidir.
Sevimli şairimiz ürəyində Göyçə həsrətiylə tərk etdi bu dünyanı...
Allahdan ona rəhmət diləyirəm! O nurlu insanın o dünyası da nurlu, cənnətməkan olsun!
Bu ağır dəqiqələrdə Eldar müəllim haqqında bir neçə söz demək istərdim.
İlk növbədə demək istərdim ki, şair, jurnalist, yazıçı, dramaturq, publisist Eldar İsmayılın çoxşaxəli yaradıcılığı uzun illərdən bəri söz sərraflarının maraq dairəsində olmuşdur. Bəxtiyar Vahabzadə, Hüseyn Arif, Yaşar Qarayev, Teymur Bünyadov və bir çox başqaları onun bədii-sənədli əsərləri barədə dəyərli mülahizələr söyləmişlər.
Şeiri, ədəbiyyatı sevən bir oxucu kimi deyə bilərəm ki, Eldar İsmayıl həm poeziyasında, həm nəsr və publisistika əsərlərində Vətəninin, xalqının, millətinin – bütün Türk dünyasının çırpınan ürəyi, bugünkü taleyi ümman kimi dalğalanır.
Eldar İsmayıl çox duyğusal şair olaraq, bədii sözün gücüylə, poetik obrazlarla insanların qəlbində incə duyğular, hisslər yaradaraq oxucusunun beyninə, şüuruna, düşüncəsinə təsir etməyə qadir bir şair idi.
Onun sehrli qələmindən doğulmuş “Ulu Göyçə” epik poeması bunun parlaq timsalıdır. İstərdim bu poema haqqında bir qədər dayanım.
“Ulu Göyçə...” poeması Göyçə ədəbi irs ənənəsindən qidalanmış, onun bədii söz xiridarlarının məktəbindən süzülüb gələn, o məktəbdən doğulmuş yalnız ecazkar Eldar İsmayıl qələminə mənsub olan epik bir bədii yaradıcılıq zirvəsidir.
Göyçədə doğulub boy atmış bir insan kimi deyə bilərəm: Eldar İsmayıla qədər heç kəs bu mahalın təbiətini, ədəbi mühitini, tanınmış dövlət, elm, mədəniyyət xadimlərini, ərənlərini, kəndlərini, oylaqlarını bu qədər dəqiqliklə öyrənərək bənzərsiz bədiiliklə tərənnüm edə bilməmişdir.
Eldar İsmayılla tanışlığımızın ilk anlarından şairin öz yurduna-yuvasına, Vətəninə, türk dünyasına nə qədər bağlı bir insan olduğunu hiss etdim. Mənə bağışladığı kitablar içərisində “Ulu Göyçə” poemasını birnəfəsə oxudum, elə ilk sətirlərdən Göyçəyə yenidən səyahət elədim…
Cığır-cığır, bələn-bələn o dağları, düzləri dolandım... Göyçə təbiətinin ətrini duydum, süsənli, sünbüllü dağların havasını uddum, diş göynədən büllur bulaqlarından su içdim... Gəzə-gəzə doğma Göyçə ləhcəmizdə ağsaqqal və ağbirçəklərimizlə salamlaşıb görüşdüm...
Şair poemada qədim Göyçənin adət-ənənələrini, özünəməxsus mətbəxini, folklorunu, söz, sənət adamlarını, xadimlərini yada salaraq Göyçəni tərk etmişlərin yaddaşlarını təzələyir, yetişməkdə olan nəslə isə onları tanımağı, öyrənməyi tövsiyə etmişdir.
Onun canından əziz bildiyi Göyçəsinə, onun adi insanlarına sevgisi, məhəbbəti atəşli və sonsuzdur:
Ulu Göyçə, məlhəm olum yarana,
Canım qurban möhnət dağın yarana!
İnanma ki, Eldar bir də yarana,
Bir ömürü “Vətən” deyib əritdi,
Söz atını “millət” deyib səyritdi.
Bu gün qədim, ulu Göyçə yağı tapdağı altındadı. Bu gün Göyçənin üzünü görməmiş Göyçə soylu böyük bir nəsil yetişməkdədir. Onlar Göyçəni görməsələr də, Eldar İsmayılın "Ulu Göyçə"sini oxuyandan sonra necə füsunkar, bənzərsiz bir məkana mənsub olduqlarını tam dolğunluğu ilə hiss edib başa düşəcəklər!
Əminliklə deyə bilərəm, fikri, düşüncəsi, ruhu daim Göyçədə gəzən, yaşayan şair Eldar İsmayıl "Ulu Göyçə" poeması ilə, özünə başı onun əngin göylərinə ucalan əbədi bir heykəl qoymuşdur.
Tanışlığımız, eləcə də dost-tanışların Eldar İsmayıl haqqında söylədikləri onu xeyirxah, ədalətin tərəfdarı olan, fitnə-fəsada dözməyən, bir şair-vətəndaş kimi tanıdır. Özü dediyi kimi:
Mən insaf yolçusu, mən haqq buyruğu,
Ürəyim mərhəmət, mürvət qoruğu...
Şərin-şamatanın dəmir yumruğu
Haqqı yenə bilməz mən olan yerdə.
Yaradıcılığında türkçülük ideyasına sadiq olan, Vətəninə, el-obasına, xalqına sevgisini tərənnüm edən və bu yoldan dönməyən şair elə dəyərlərin təməlində nəyin durduğunu gözəl ifadə edir:
Məni yanlış yola çəkə bilməzsən,
Həmişə el qəhri çəkən olmuşam.
Zəhmətsiz bir loxma dadmamışam mən,
Torpağa tər töküb əkən olmuşam.
Eldar İsmayılın şəxsiyyəti və yaradıcılıq dünyası hələ sirrləri açılmamış, müəmmalı bir xəzinədir! Onun özünə məxsus poetik düşüncə, təfəkkür tərzini ifadə edən bu qiymətli sətirlər dediyimə sübutdur:
Çölüm kürə, Eldar, içim ayazdı,
Tanrı dedim, taleyimi o yazdı...
Məni məndə tapmısansa o azdı,
Məndən yana bir dünya var o mənəm!
Şairin bu sirli dünyasının möcüzələrini açmaq, anlamaq üçün bizlər, gələcək nəsillər onun yaradıcılığını diqqətlə, maraqla, minnətdarlıq hissi ilə araşdıracaq, o müəmmaları, hikmətləri kəşf etdikcə şairin ruhuna rəhmət oxuyacağıq!
Sevimli şairimiz, əziz dostum Eldar İsmayıl haqqında bu gün, bu anlarda bu sətirləri yazmaq çox ağır və sıxıntılıdır.
Xatirəsi daim yaddaşlarımızda, ürəyimizdə poeziya mücəssəməsi, vətənsevər, xeyirxah insan kimi yaşayacaq sevimli şairimizə, əziz dostum Eldar İsmayıla Allahdan rəhmət diləyir, doğma və yaxınlarına, hər birinizə dərin hüznlə başsağlığı verirəm!
Ələddin ALLAHVERDIYEV
professor
Moskva
Sona Abbasəliqızı Türkiyədə “İlin tarixi roman yazarı” ödülünə sahib oldu
28.04.2024Oxuduğu məktəbdə adı əbədiləşən - ŞƏHİD ELŞAD HƏMİDOV.
20.04.2024Mədəniyyətimizin zənginləşməsində Aşıq Ələsgər amilindən istifadə mexanizmi
16.04.2024Aşıq Ələsgər xalqımızın Qərbi Azərbaycandan deportasiyası dövrünün qurbanı, canlı şahidi kimi
01.04.2024ORDA BİR KƏND VAR, UZAQDA... DOĞMA QARAQOYUNLUM - FOTO
26.03.2024NOVRUZ XALQIMIZIN MİLLİ BAYRAMIDIR!
20.03.2024Bayram Aslanov “Heydər Əliyevin 100 illiyi” yubiley medalı ilə təltif edilib - Fotolar
19.03.202416 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023BÖYÜK MƏZRƏ - GÖYÇƏ MAHALI
10.12.2023Dekabrın 7-də Azərbaycan Rəssamlar İttifaqının Vəcihə Səmədova adına Sərgi Salonunda Qərbi Azərbaycan əsilli rəssamların əsərlərindən ibarət sərgi açılıb.
07.12.2023Tanınmış hərbi ekspert Telman Qasımov İrəvana səfər edib.
05.12.2023HƏYATDA ÖZÜMÜ XOŞBƏXT ADAM HESAB EDİRƏM Ki, HEYDƏR ƏLİYEVLƏ BİRGƏ İŞLƏDİM
04.12.2023AMEA müxbir üzvü, Basarkeçər rayon icma sədri, professor Nuru Bayramov İnönü Universitetinin “Fəxri Doktoru” seçilib - FOTOLAR.
03.12.2023Bax, biz Göyçə torpağındayıq...
29.11.2023BAKI DÖVLƏT UNİVERSİTETİNDƏ “Qərbi Azərbaycanda türk müsəlman abidələrinin erməni vandallığına məruz qalması” mövzusunda elmi seminar keçirilib - FOTOLAR
25.11.2023SƏHRADA YALQIZLIQ
25.11.2023Azərbaycanda ilk dəfə “Qərbi Azərbaycana qayıdış” festival-konqres keçirilir FOTO
23.11.2023İcma: Paşinyan hökumətindən azərbaycanlıların Ermənistanda öz dədə-baba yurdlarına qayıdış hüququnu tanımasını gözləyirik
21.11.2023“Azərbaycan Bayrağı” ordeni və “Vətən uğrunda” medalı ilə təltif olunan - MÜBARİZ QULUYEV BABACAN KƏND İCMASININ SƏDRİ SEÇİLDİ-FOTOLAR
14.11.2023Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirilib
08.11.2023Qərbi Azərbaycan İcmasının Basarkeçər rayonu Dərə kənd sakinləri və Dərəli kökənli gənclərlə görüşü keçirilib.
07.11.2023Ulu Öndər Heydər Əliyev xatirələrdə
31.10.2023"Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı konfrans keçirilib.
30.10.2023Oktyabrın 27-də Qərbi Azərbaycan İcmasında (QAİ) “Ulu Öndər Heydər Əliyev xatirələrdə” kitabının təqdimatı keçirilib.
28.10.2023“Oğul” filminin rejissoru: “Erməni hərbçilərdən biri Natiqin cəsurluğunu etiraf etdi” - MÜSAHİBƏ
26.10.2023Nərimanlı gəncləri ilə görüş keçirilib - FOTOLAR
24.10.2023TANINMIŞ ALİM, İSTEDADLI ŞAİR-PUBLİSİST - RAMİZ HƏSƏNLİ ŞİŞQAYA KƏND İCMASININ SƏDRİ SEÇİLDİ
21.10.2023Ümummilli Lider Heydər Əliyevin 100 illik yubileyinə həsr olunmuş “Qüdrətdən səngərli, qalalı dağlar” adlı konsert proqramı keçirilib.
21.10.2023