YAŞ YETMİŞİ AŞANDA
Yaxın-uzaq çənlənir,
Güneylər quzeylənir.
Fikir çəmənliyində
Qərib quşlar dənlənir
Yaş yetmişi aşanda.
Düşündükcə elləri,
Şirin-şirin dilləri.
Ağrılarından keçir,
Gəzdiyin yurd yerləri
Yaş yetmişi aşanda.
Otlar: Saraldım – deyir,
Ocaq: Qaraldım – deyir,
Ana keçir könlündən!
Ömür: Azaldım – deyir!
Yaş yetmişi aşanda.
Diş qıcayır yalquzaq,
Cana sarmaşır sazaq.
Gözlərin dediyini
Deyə bilmir dil-dodaq
Yaş yetmişi aşanda.
Vaxt çəkir diləyindən,
Yanırsan kürəyindən.
Atdığın hər addıma
Köz düşür ürəyindən
Yaş yetmişi aşanda.
Dərdindən tez durursan,
Qəmnən ximə qurursan.
Dünyanın dərd-qəmini
Tüstülədib, udursan
Yaş yetmişi aşanda.
Saç darağa dolaşır,
Söz dodağa dolaşır,
Elə bil ev-eşik də
Əl-ayağa dolaşır
Yaş yetmişi aşanda.
Ümid başını qatır,
Zilin bəmində batır,
Tütünqoxulu sözün
Ürəyində pas atır
Yaş yetmişi aşanda.
Yalan özünü öyür,
Baxt gerçəkdə sürünür.
Qapın döyülməyəndə
Ürək sinəni döyür
Yaş yetmişi aşanda.
Hey özünü əyirsən,
Öz xətrinə dəyirsən.
Hərdən əcəldən küsüb,
Ölümə "gəl" deyirsən!
Yaş yetmişi aşanda.
Doğma gəlir, yad gedir,
Tale sınır, ad gedir,
Göz görəni diş yemir,
Ağızdolu dad gedir!
Yaş yetmişi aşanda.
Durnalar uçub gedər,
Göyçəni qucub gedər,
Səksən, doxsan bir yana,
Anlar: Ya qismət – deyər
Yaş yetmişi aşanda.
BU DÜNYA, BELƏ DÜNYA
Hər gecəm umud əmdi,
Nə bildim ki, nədəndi?
Anam gözümlə baxdı,
Qundağım bulud əmdi! –
Bu dünya, belə dünya.
Dərd qovmadı öyündən,
Asıldım göynəyindən,
Yastığıma çən düşdü
Qonşunun köynəyindən, –
Bu dünya, belə dünya.
Haqdan çıraq istədim,
İsti bucaq istədim,
Atamın sağ qoluna
Hər gün barmaq istədim! –
Bu dünya, belə dünya.
Çaya baxtım – çağladı,
Günə baxdım – dağladı.
Tikan batdı səbrimə,
Güllər məni ağladı! –
Bu dünya, belə dünya.
Hərdən göylər kövrəldi,
Duman tüstümə gəldi,
Arzum sınıq qalsa da
Quzularım kökəldi –
Bu dünya, belə dünya.
Kürək verdim zülümə,
Döngələrə, dönümə.
Atamın buludundan
Gün düşmədi ömrümə –
Bu dünya, belə dünya.
Canda möhnət yetirdim,
Qubar gülü bitirdim.
Anamın gözyaşında
Qardaşımı itirdim –
Bu dünya, belə dünya.
Sahilsizəm, üzürəm,
Haqq payına dözürəm.
Ölüncə yorulmaram,
Üç balamı gəzirəm! –
Bu dünya, belə dünya.
Kaman təki quruldum,
Duyğulandım, duruldum.
Söz mənə yiyə durdu,
Ölmədim, şair oldum –
Bu dünya, belə dünya.
Min sehrdə mənadır,
Göyü yerdə qaynadır,
Onun bir havası var,
Ölümü də oynadır! –
Bu dünya, belə dünya.
Hər çınqıda odu var,
Yandıran buludu var,
Xeyir-şər arasında
Onun da öz "kodu" var –
Bu dünya, belə dünya.
Sirli-Xuda özüdü,
Əvvəl, son da özüdü.
Əzrailin adı var,
Can alan da özüdü
Bu dünya, belə dünya.
Gözəldi, sevmək üçün,
Yol kəsməz gəlmək üçün,
Hərəyə bir iz açıb,
Yaşadar ölmək üçün! –
Bu dünya, belə dünya.
HACI HANI? – DEDİLƏR
Ustad aşıq Hacı Bayramovun
əziz xatirəsinə
Payız hənalı gəldi,
Dağlar cunalı gəldi,
Xonçalar çiçək açdı,
Əllər dualı gəldi,
Hacı hanı? – dedilər.
Toyun qəlbi döyündü,
Saz coşdu, tar öyündü.
Məclisin kefli vaxtı
Kimlər, kimlər göründü:
Hacı hanı? – dedilər.
Gəldi çeşmə başına,
Sual qondu qaşına…
Bəyi fikir apardı,
Gəlin minmir maşına,
Hacı hanı? – dedilər.
Könüllərdən pay gələ,
Oğlan qıza tay gələ,
Qəlyanlara köz düşüb,
Elçilərə çay gələ,
Hacı hanı? – dedilər.
Dəllək sözü balladı,
Uşaq işi anladı.
Kiçiktoyun xoruzu
Həna yaxıb banladı,
Hacı hanı? – dedilər.
Neçə fəsil, il ötdü,
Qar yeridi, sel ötdü,
El yaylağa yığışdı,
Durnalar tel-tel ötdü,
Hacı hanı? – dedilər.
Bu gerçəkdi, yuxudu?!
Səsdən dünya toxudu.
Yüz-yüz meydan içində,
Min-min “aşıq” oxudu,
Hacı hanı? – dedilər.
Saz dondu, zilə gəlmir,
Bülbüllər gülə gəlmir,
Dastanlar “yetim” qalıb,
Heç biri dilə gəlmir,
Hacı hanı? – dedilər.
Fikir dərd qoşan oldu,
Nə toy, nə nişan oldu.
“Göyçə gülü” çalındı,
Ölüm pərişan oldu,
Hacı hanı? – dedilər.
GÖZYAŞIMDAN GÖYÇƏ KEÇDİ
Zaman ötür, tarix laldı, –
Gözyaşımdan Göyçə keçdi!
Əllərim göylərdə qalıb, -
Gözyaşımdan Göyçə keçdi!
Aşıq sındı, saz ağladı,
Kəlmə yandı, söz ağladı,
Məni görüb, yaz ağladı! –
Gözyaşımdan Göyçə keçdi!
Qəribliyin sınmaz oxu,
Ələmdi hər gələn yuxu.
Qocalmamış köçür çoxu! –
Gözyaşımdan Göyçə keçdi!
Payıza xına qatdılar,
Nənələri "oynatdılar!"
Bayramda papaq atdılar
Gözyaşımdan Göyçə keçdi!
Gülçü gülünnən danışır,
Dilçi dilinnən danışır,
Hamı elinnən danışır, -
Gözyaşımdan Göyçə keçdi!
Məcnun, sünbülsüz zəmiyəm,
"Zarıncı"yam, "Dilqəmi"yəm.
Mələmiş quzu kimiyəm, -
Gözyaşımdan Göyçə keçdi!
MƏLƏMƏ, CEYRAN, MƏLƏMƏ
Yuxusunu qatır meşə,
Mələmə, ceyran, mələmə.
Cığırlar qana aparır,
Mələmə, ceyran, mələmə!
Yaz gəlsə də həvəsində,
Qurşun çəkir nəfəsin də.
Qurd dişi var hər səsində,
Mələmə, ceyran, mələmə!
Ovçu sərxoş, tələ yaxın,
İnsafmı var, gələ yaxın?
Dişə yaxın, ələ yaxın,
Mələmə, ceyran, mələmə!
Küləklər xına axtarır,
Gölləri sona axtarır,
Balan da ana axtarır,
Mələmə, ceyran, mələmə!
Üç balamın ruhu yara,
Səni qoyub, gedim hara?!
Məcnun kimi baxtı qara,
Mələmə, ceyran, mələmə.
ATƏŞKƏSLƏ "KEFDƏYİK"
Pis gündə axşamladıq,
Od bişirmir çörəyi.
Allahla yaşatmırıq
Allah verən ürəyi!
Çörəyində canı yox,
Diri qalıb ölənin!
Çiyni qana söykənib
Xalq çiynində gələnin!
Vallah bəndəlik deyil
Əməlimiz, işimiz.
Fırıldaqda kişidir,
Arvadağız kişimiz!
Haqqın tərəzisində
Şeytan yükü çəkən var!
Bir iynənin sapına
Yurdu-yurda tikən var!
Rüşvət buludlarında
Şimşək təki çaxırıq.
Tanka, topa, tüfəngə
Cehiz kimi baxırıq!
Vətən gəzir erməni
Qarabağın daşında!
Atəşkəslə "kefdəyik"
Torpağın gözyaşında!
Qanadı çoxdan sınıb
Səfalətin, zillətin.
Arvadlıq kursu keçib
Kişiliyi millətin!!!
BİRCƏ KƏLMƏ SÖZƏM MƏN
Yaman yerdə qəza vurdu, yıxıldım,
Elə billəm qəm-qüssəyə izəm mən.
Sahil uzaq, ümman dərin, zaman dar,
Bir yol qalır - qəmdən-qəmə üzəm mən.
Qəfəsdəyəm, ney könlümdə köklənib,
Mətləbimə zaman yükü yüklənib!
Ah-amanım buludlara söykənib,
İllər boyu yaş tökəsi gözəm mən!
Məzar daşın nida kimi dikəlmiş,
Yan-yörənə qərib güllər səpilmiş.
Bala, dərdin ciyərimə çəkilmiş!
Bir də çətin bu ağrıya dözəm mən.
Göyüm tutqun, həyalanmır hələ dan,
İliyimdə sızıldayır ötən an.
Dil-dodaqda "yazıq" adı yaşadan
Məcnun yoxdu, bircə kəlmə sözəm mən!
Qızım Ayselin xatirəsinə
Neyləmişdim yerə, göyə?!
Çökdü qəsrim, qalam mənim.
Haqq axtarıb, Allah gəzir,
Göydən enmir nalam mənim!
Dinim yandı qibləgahda,
Görkə döndüm qopan ahda!
Çıxdaş olub çəməngahda
Nə tez soldu lalam mənim?!
Fələyin çərxi sökülsün,
Sınıx könlümə tökülsün.
Daşa dönmüş atan ölsün,
Daşa dönmüş balam mənim!
Oxuduğu məktəbdə adı əbədiləşən - ŞƏHİD ELŞAD HƏMİDOV.
20.04.2024Mədəniyyətimizin zənginləşməsində Aşıq Ələsgər amilindən istifadə mexanizmi
16.04.2024Aşıq Ələsgər xalqımızın Qərbi Azərbaycandan deportasiyası dövrünün qurbanı, canlı şahidi kimi
01.04.2024ORDA BİR KƏND VAR, UZAQDA... DOĞMA QARAQOYUNLUM - FOTO
26.03.2024NOVRUZ XALQIMIZIN MİLLİ BAYRAMIDIR!
20.03.2024Bayram Aslanov “Heydər Əliyevin 100 illiyi” yubiley medalı ilə təltif edilib - Fotolar
19.03.202416 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023BÖYÜK MƏZRƏ - GÖYÇƏ MAHALI
10.12.2023Dekabrın 7-də Azərbaycan Rəssamlar İttifaqının Vəcihə Səmədova adına Sərgi Salonunda Qərbi Azərbaycan əsilli rəssamların əsərlərindən ibarət sərgi açılıb.
07.12.2023Tanınmış hərbi ekspert Telman Qasımov İrəvana səfər edib.
05.12.2023HƏYATDA ÖZÜMÜ XOŞBƏXT ADAM HESAB EDİRƏM Ki, HEYDƏR ƏLİYEVLƏ BİRGƏ İŞLƏDİM
04.12.2023AMEA müxbir üzvü, Basarkeçər rayon icma sədri, professor Nuru Bayramov İnönü Universitetinin “Fəxri Doktoru” seçilib - FOTOLAR.
03.12.2023Bax, biz Göyçə torpağındayıq...
29.11.2023BAKI DÖVLƏT UNİVERSİTETİNDƏ “Qərbi Azərbaycanda türk müsəlman abidələrinin erməni vandallığına məruz qalması” mövzusunda elmi seminar keçirilib - FOTOLAR
25.11.2023SƏHRADA YALQIZLIQ
25.11.2023Azərbaycanda ilk dəfə “Qərbi Azərbaycana qayıdış” festival-konqres keçirilir FOTO
23.11.2023İcma: Paşinyan hökumətindən azərbaycanlıların Ermənistanda öz dədə-baba yurdlarına qayıdış hüququnu tanımasını gözləyirik
21.11.2023“Azərbaycan Bayrağı” ordeni və “Vətən uğrunda” medalı ilə təltif olunan - MÜBARİZ QULUYEV BABACAN KƏND İCMASININ SƏDRİ SEÇİLDİ-FOTOLAR
14.11.2023Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirilib
08.11.2023Qərbi Azərbaycan İcmasının Basarkeçər rayonu Dərə kənd sakinləri və Dərəli kökənli gənclərlə görüşü keçirilib.
07.11.2023Ulu Öndər Heydər Əliyev xatirələrdə
31.10.2023"Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı konfrans keçirilib.
30.10.2023Oktyabrın 27-də Qərbi Azərbaycan İcmasında (QAİ) “Ulu Öndər Heydər Əliyev xatirələrdə” kitabının təqdimatı keçirilib.
28.10.2023“Oğul” filminin rejissoru: “Erməni hərbçilərdən biri Natiqin cəsurluğunu etiraf etdi” - MÜSAHİBƏ
26.10.2023Nərimanlı gəncləri ilə görüş keçirilib - FOTOLAR
24.10.2023TANINMIŞ ALİM, İSTEDADLI ŞAİR-PUBLİSİST - RAMİZ HƏSƏNLİ ŞİŞQAYA KƏND İCMASININ SƏDRİ SEÇİLDİ
21.10.2023Ümummilli Lider Heydər Əliyevin 100 illik yubileyinə həsr olunmuş “Qüdrətdən səngərli, qalalı dağlar” adlı konsert proqramı keçirilib.
21.10.2023Erməni dostunun azərbaycanlı yazıçıya hər il yazdığı mesaj: “Axırda...” – Müsahibə
17.10.2023