HAVASINA
Könlüm həsrətindən qırov bağlayıb,
Gəl isit, qızınsın yaz havasına.
Təzələ eşqinlə nimdaş ruhumu,
Bəzənib, süstlənsin naz havasına.
Dara asta-asta qəm tellərini,
Aç-tök dolaşıqdan nisgillərini.
Ovutsun nəfəsin qar əllərimi,
Donmasın hicranın buz havasına.
Oyansın qisməti yatan arzular,
Ümidi zamanda batan arzular,
Varlığınla kama çatan arzular,
Doysun vüsalının öz havasına.
Dönsün xəyallarla üzən gözlərim,
Sürünüb kölgənlə gəzən gözlərim,
Dərdi damla-damla süzən gözlərim,
Qurusun sevincin köz havasına.
Qaytar Xatirəyə ötən çağını,
Yandır atəşinlə qəlb çırağını.
Qaynatsın ilhamın söz bulağımı,
Köklənim sevdanın saz havasına.
***
GƏL, ÖYRƏT MƏNƏ
Köksümü göynətdi buz xatirələr,
Səni xatırlayıb döndüm dünənə.
Sevməyi öyrədib getdiyin kimi,
İndi unutmağı gəl, öyrət mənə...
Tezcə alışmışdım, sevmək çox asan,
Sızıb qəlbə hopur keçməmiş zaman.
Ancaq bu sevdanın odu nə yaman,
Üfürüb söndürdüm, alışdı yenə...
Baxdıqca gözümdə gözünü gördüm,
Atəşindən düşən közünü gördüm.
Hələ də qəlbimdə izini gördüm,
Süründüm arxanca, çatmadım sənə.
Gecələr laylamı çaldı intizar,
Vüsalın qəm saçdı, həsrətin qübar.
Adınla döyünən bu ürək ki var,
Səni soraqladı hey dönə-dönə.
Unutmaq çox çətin, bacarmadım heç...
Umidim yox oldu, xəyallarım puç.
Xatirə, etdiyin günahdı, ya suç?
Eşqin əzabıyla məhkumsan qəmə.
***
DAĞLAR
Ah-naləm tutub cahanı,
Yet dadıma, çat, ay dağlar.
Leysan olan qəm yaşımı,
Sellərinə qat, ay dağlar.
Cığırların sinəmdə iz,
Yoxluğundu, yandığım köz.
Gül-çiçəyin sinəmə düz,
Məlhəm bilib sat, ay dağlar.
Ağ qarın yorğanım elə,
Tər şehin üstümə çilə.
Ağuşunda oda bələ,
Al qoynuna yat, ay dağlar.
Yuvam olub dərd-qubarın,
Zimistandı yaz-baharın.
Göyçə kimi bir diyarın,
Qəm ahına bat, ay dağlar.
Xatirənin gümanı ol,
Naçar dərdin dərmanı ol,
Son mənzili, ünvanı ol,
Həsrətini at, ay dağlar.
***
BƏNÖVŞƏ
Ətrin bahar nəfəsidi,
Ruhuma çökən bənövşə.
Qayalıqda, kol dibində,
Boynunu bükən bənövşə.
Şehini incitək düzər,
Göy donuna naxış bəzər.
Ərköyündü, tezcə küsər,
Qaşqabaq tökən bənövşə.
Tərpətdikcə dağ küləyi,
Nazlanar incə mələyi.
Ədasından tər çiçəyi,
İntizar çəkən bənövşə.
Qoxusundan doyar aləm,
Gül hüsnündən silinməz qəm.
Həsrət ilə olub həmdəm,
Hicrana məskən bənövşə.
Xatirətək qəlbi küskün,
Gözü yolda məyus, üzgün.
Boylandıqca süzgün-süzgün,
Ömrümü sökən bənövşə.
***
Ayrılıq
Yenə vədəsində kəsib qarşımı,
Zəfər təbilini çaldı ayrılıq.
Vüsaldan umduğum bir ovuc payı,
Qoparıb əlimdən aldı ayrılıq.
Baxmadı gözümdə nəm giləsinə,
Bənzətdi yazımı qış çiləsinə.
Sevinci yükləyib öz şələsinə,
Mənimlə baş-başa qaldı ayrılıq.
Taleyə, qismətə qadağa qoydu,
Ürəyi eşqinə sadağa qoydu,
Dandı öz suçunu darağa qoydu,
Hicranla telimi yoldu ayrılıq.
Qəlbim inlədikcə qəhqəhə çəkdi,
Şumlayıb ömrümü, dərd-kədər əkdi.
Qızmar gün istədim, o leysan tökdü,
Damladan bir ümman oldu ayrılıq.
Boğdu arzuları qəm ağuşunda,
Həsrətin, nisgilin dəm ağuşunda,
Yazıq Xatirəni nəm ağuşunda,
Büküb ahu-zara saldı ayrılıq.
Oxuduğu məktəbdə adı əbədiləşən - ŞƏHİD ELŞAD HƏMİDOV.
20.04.2024Mədəniyyətimizin zənginləşməsində Aşıq Ələsgər amilindən istifadə mexanizmi
16.04.2024Aşıq Ələsgər xalqımızın Qərbi Azərbaycandan deportasiyası dövrünün qurbanı, canlı şahidi kimi
01.04.2024ORDA BİR KƏND VAR, UZAQDA... DOĞMA QARAQOYUNLUM - FOTO
26.03.2024NOVRUZ XALQIMIZIN MİLLİ BAYRAMIDIR!
20.03.2024Bayram Aslanov “Heydər Əliyevin 100 illiyi” yubiley medalı ilə təltif edilib - Fotolar
19.03.202416 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023BÖYÜK MƏZRƏ - GÖYÇƏ MAHALI
10.12.2023Dekabrın 7-də Azərbaycan Rəssamlar İttifaqının Vəcihə Səmədova adına Sərgi Salonunda Qərbi Azərbaycan əsilli rəssamların əsərlərindən ibarət sərgi açılıb.
07.12.2023Tanınmış hərbi ekspert Telman Qasımov İrəvana səfər edib.
05.12.2023HƏYATDA ÖZÜMÜ XOŞBƏXT ADAM HESAB EDİRƏM Ki, HEYDƏR ƏLİYEVLƏ BİRGƏ İŞLƏDİM
04.12.2023AMEA müxbir üzvü, Basarkeçər rayon icma sədri, professor Nuru Bayramov İnönü Universitetinin “Fəxri Doktoru” seçilib - FOTOLAR.
03.12.2023Bax, biz Göyçə torpağındayıq...
29.11.2023BAKI DÖVLƏT UNİVERSİTETİNDƏ “Qərbi Azərbaycanda türk müsəlman abidələrinin erməni vandallığına məruz qalması” mövzusunda elmi seminar keçirilib - FOTOLAR
25.11.2023SƏHRADA YALQIZLIQ
25.11.2023Azərbaycanda ilk dəfə “Qərbi Azərbaycana qayıdış” festival-konqres keçirilir FOTO
23.11.2023İcma: Paşinyan hökumətindən azərbaycanlıların Ermənistanda öz dədə-baba yurdlarına qayıdış hüququnu tanımasını gözləyirik
21.11.2023“Azərbaycan Bayrağı” ordeni və “Vətən uğrunda” medalı ilə təltif olunan - MÜBARİZ QULUYEV BABACAN KƏND İCMASININ SƏDRİ SEÇİLDİ-FOTOLAR
14.11.2023Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirilib
08.11.2023Qərbi Azərbaycan İcmasının Basarkeçər rayonu Dərə kənd sakinləri və Dərəli kökənli gənclərlə görüşü keçirilib.
07.11.2023Ulu Öndər Heydər Əliyev xatirələrdə
31.10.2023"Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı konfrans keçirilib.
30.10.2023Oktyabrın 27-də Qərbi Azərbaycan İcmasında (QAİ) “Ulu Öndər Heydər Əliyev xatirələrdə” kitabının təqdimatı keçirilib.
28.10.2023“Oğul” filminin rejissoru: “Erməni hərbçilərdən biri Natiqin cəsurluğunu etiraf etdi” - MÜSAHİBƏ
26.10.2023Nərimanlı gəncləri ilə görüş keçirilib - FOTOLAR
24.10.2023TANINMIŞ ALİM, İSTEDADLI ŞAİR-PUBLİSİST - RAMİZ HƏSƏNLİ ŞİŞQAYA KƏND İCMASININ SƏDRİ SEÇİLDİ
21.10.2023Ümummilli Lider Heydər Əliyevin 100 illik yubileyinə həsr olunmuş “Qüdrətdən səngərli, qalalı dağlar” adlı konsert proqramı keçirilib.
21.10.2023Erməni dostunun azərbaycanlı yazıçıya hər il yazdığı mesaj: “Axırda...” – Müsahibə
17.10.2023
Göyçə.az saytı müstəqil media orqanı olaraq, Oğuz Türklərinin əzəli vətəni - Qərbi Azərbaycanın bütün mahallarının: tarixini, folklor - etnoqrafiyasını, qədim abidələrini, ədəbiyyat və mədəniyyətini; ictimai-siyasi və elm xadimlərinin həyat və yaradıcılığını; qədim Azərbaycan torpaqlarında süni şəkildə yaradılan Ermənistan dövlətinin işğal faktını işıqlandıracaq, yeni nəsilin maariflənməsi üçün öz töhvəsini verəcəkdir.
Təsisçi və baş redaktor: Qılman İman
Baş redaktorun müavini: İlqar İsmayıl
Redaktor: Günay Vəlizadə
E-poçt: [email protected]
