Qan içində sevgi, 27 illik həsrət, “məni öldür, get...” - FİLM KİMİ HEKAYƏT - V HİSSƏ

20:05 / 31.07.2019
Baxılıb: 1008

Belə deyirlər; sevgidə son yoxdur. Bitən sevgi yoxdur, bitmiş kimi görünən sevgilər vardır. Sevgi bir ürəkdən o biri ürəyə ən qısa yoldu, düzxətli bir yol. Heç bir yerə ani də olsa dönməyən bir yol. Və əgər o yol cəbhə xəttindən keçibsə, illərin, nə illər e, on illərin sınağından çıxıbsa... Əslində, buna sınaq da demək olmaz. Harada sınayacaqdılar ki? 27, hə, düz 27 il idi ki bir-birini itirmişdilər. Amma hər şey belə başlamışdı…

Əvvəli: http://goyce.az/news.php?id=1011 

http://goyce.az/news.php?id=1012 

http://goyce.az/news.php?id=1015 

http://goyce.az/news.php?id=1017 

11 sentyabr, 1992-ci il. Gəncə.

...Bakıdan qəfil zəng gəlir. Onunla birgə Ağdamda vuruşmuş Növrəstə xanım idi. Elə beləcə də deyir: “Sabah Bakıda, “Əzizbəyov” metrosunun yanında gözləyirəm.

Həmin vaxt deyilən yerdə olur. Məlum olur ki, hərəsində 10 nəfər olmaqla kəşfiyyat qrupları yaradılır.

 

- 10 nəfərlik çoxlu qrup vardı. Hamısı kişilər idi. Qadın ancaq bizim qrupdaydı - Növrəstə xanım və mən. Bütün günü təlimlərdəydik; müxtəlif taktiki hazırlıqlar, xəritədən istifadə etmə, əlbəyaxa döyüş, bir sözlə, başımızı qaşımağa vaxtımız yox idi. Bir müddət hazırlıqdan sonra ilk əməliyyata getdik. Qubadlı istiqamətində. Hə, yadımdan çıxmamış, Samirin Şuşada mənə verdiyi qumbaranı da cibimə qoydum. Əslində kəşfiyyatçı kimi bizə qumbara verirdilər. Amma nədənsə, həmin qumbaranı da özümlə götürməli oldum.

Döyüş yoldaşı Növrəstə Yusifovanın dediklərindən:

- Sentyabrın 11-də evə zəng etdilər. Dedilər ki, səni Müdafiə Nazirliyinin Kəşfiyyat İdarəsindən soruşurlar. Dedim, xeyir ola, nə etmişəm? Fikirləşdim ki, bəlkə Nail şikayət edib. “Əzizbəyov” metrosunun yanına, çağırılan yerə getdim. Gördüm ki, uşaqlardan Əfqanıstanda olmuş Mehdi, tağım komandirimiz Mehman da oradadır. Habil Hüseynov adlı bir nəfər gəlib bizimlə danışdı. Dedilər ki, 10 nəfərlik kəşfiyyat qrupları formalaşdırılacaq. Mehdi Əfqanıstanı, Mehman da müharibəni görmüş insan idi, onun üçün bu, sadə işdir. Razılıq verdim. Mənimlə Ağdamda olmuş tibb bacısına da zəng vurdum ki, o da gəlsin. 10 nəfər olduq. Bizə erməni dilini öyrətməyə başladılar. Mən söyüşləri bilirdim. Əvvəllər işlədiyimiz idarə və təşkilatlarda ermənilər vardı. Ermənilər yavaş danışanda başa düşürdüm, ancaq ləhcəylə danışırdım. Bizə müəllim tutmuşdular, erməni dilində dərs deyirdi. Təzə növ silahlarla bizi tanış edirdilər. Birinci dəfə oktyabrın 7-də çağırılacağımızı söylədilər. Silah-sursatımızı götürdük. Qubadlıya getdik. Qubadlı meşəsində döyüş gedirdi. Orada polkovnik Firudin Şabanovu görmüşəm, bilməmişəm ki, bu kimdir. 2 gün yağışın altında meşədə qaldıq. Yağışın altında bütün pal-paltar islanmışdı. Sonra Tək Qız adlı yerdə kəşfiyyatda olduq, müsbət nəticə ilə qayıtmışdıq.

...Və bununla da keçmiş tibb bacısının kəşfiyyat fəaliyyəti başlayır. 1993-cü ilin mayına qədər, tərxis olunana kimi 10-dan çox kəşfiyyat əməliyyatına gedir. Neçə dəfə düşmən arxasına keçir. Bəzən bir gün, bəzən üç gün, bəzən 10 gün düşmən arxasında qalıblar.

- Müxtəlif tapşırıqlar alırdıq. Döyüş şəraitini, ətraf ərazini öyrənmək, “dil” gətirmək. Nə deyim, hər dəfəsində müxtəlif tapşırıqlar. Hansı riskliydi deyirsiz? Hamısı. Amma ən dəhşətlisini Drmbon kəndi ərazisində yaşamışıq. 1993-cü ilin fevralında. Həmin vaxt açıq döyüşə girdik. Bir ağır yaralımız oldu. Təsəvvür edin, yanımızda da cavan, körpə uşaqlar. Avtomatı bəlkə ilk dəfəydi görürdülər. Amma o döyüşün bir xeyirli tərəfi oldu. O uşaqlar döyüş təcrübəsi qazandılar. Bizim qrup bir ağır yaralıyla çıxdı həmin döyüşdən, amma o uşaqlar əməlli dərs aldılar.

1993-cü ilin mayında onu geri çağırırlar. Səbəbi isə o olur ki, Müdafiə Nazirliyində yeni struktur yaradılır. Buna görə də o ordudan tərxis olur… evlərinə qayıdır. Samirin verdiyi, bir ildir üstündə gəzdirdiyi qumbaranı təhvil verib Gəncəyə gedir.

- Çox çətin idi. Həddən artıq (Susur). Təsəvvür edin, müharibənin dəhşətlərini unutmaq mənim bir ilimi aldı. Düz, bir ilimi. İlk günlər, ümumiyyətlə dözülməz idi. Gəlmisən dinc həyata, şəhidlər, yaralılar, qan görmüsən, yadından çıxara bilmirsən. Və baxırsan, hərə öz həyatını yaşayır. Sanki ölkədə müharibə getmir. Adam aqressiv olur, belədə. Valideynlərim də bunu hiss edirdilər. Narahat olmuşdular. Başımı qatmaq üçün məni mühasibat kursuna yazdırdılar. Oranı bitirdim. Gəncə şəhər Əlillərin Sosial Müdafiəsi Fondunda işləməyə başladım. Sonra elmi tədqiqat institutuna keçdim. Məlum oldu ki, burda işləmək üçün ali təhsil lazımdı. Mənimlə eyni zamanda qiyabiçi tələbələr işləyirdi, oxuya-oxuya. Dedim, durmaq olmaz, mütləq ali təhsil almalıyam. Cəmi iki fəndən hazırlaşıb qiyabi qəbul oldum Aqrar Universitetinə. Oxudum, işlədim. Ta indiyədək. Amma bilirsinizmi nə idi uşaqlıq arzum? (Bir müddət susur – S.S.) Memar olmaq! Memar! Qurub-yaratmaq, tarixdə qalmaq! Allahın işinə baxın, memar olmaq istəyən qızın bəxtinə dağıdıcı müharibə yazılıbmış… (Kövrəlir).

***

…Silahını verib Şəkiyə qayıtmışdı. Batalyonda hərə pərən-pərən düşdüyündən o da nə edəcəyini, hara gedəcəyini bilmirdi, zamanını gözləyirdi. Bu ərəfədə ölkədə hakimiyyətə yeni qüvvələr gəlmişdi. Nəyin necə olacağını heç kim təxmin edə bilmirdi.

- Mən silahımı Laçında Arif Paşayevə təhvil verib çıxdım. Əl pulemyotu idi. Nömrəsi də indiyədək yadımdadır: 3010388. Yaralıları də Laçın hospitalına apardım. Oradan kəndimizə gəldim. Bir müddət dincələndən sonra batalyonun uşaqlarını axtarmağa başladım. Kimi dedi, Bakıdadı, kimi dedi filan yerdə. Amma xəbər tutdum ki, batalyon komandirimiz Nail Kazımov Papanində, hospitaldadı. O, çiynindən ağır yaralanmışdı. Gedib onu tapdım. Dedi ki, Allah qoysa tezliklə yığışacağıq. Şəkiyə qayıdıb ondan xəbər gözləməyə başladım.

Və bir gün Şəkidəykən, Abdal-Gülablıda 5 nəfər həmyerlisinin minomyot atəşi ilə şəhid edildiyini eşidir.

- Mənə çox pis təsir etmişdi. Müraciət etdim ki, mən Şuşada vuruşmuşam, təcrübəm var, məni cəbhəyə aparın. Amma dedilər ki, hələ lazım deyilsən, lazım olanda özümüz çağıracağıq. Mən haradan biləydim ki, o, Ağdamda ,elə həmin cəbhədədir. Ayaqyalın gedərdim…

Hə, beləcə hər ikisi müharibəsiz dinc həyata başlayır.

***

Aylar, yox, aylar nədir, illər nədir, on illər keçir. Bacı-qardaş, qohum-əqrəba təkidlə evlənməsini tələb edir. Hamıya “yox” deyir. “Müharibə başlayacaq, döyüşməyə gedəcəyəm, camaatın qızını bədbəxt etməyim” deyib yola verir.

Əslində isə hələ də hansısa möcüzəyə ümid edirdi: “Tapacam onu, mütləq tapacam”.

...Gəncədə Mikayıl kişinin evinə dəfələrlə elçi göndərmişdilər. Hamısına “yox” demişdi. Ata qızını zorən məcbur etməmişdi, ərə getməyə. “Özü istəyən olsun” demişdi.

- Unutmamışdım təbii. Amma haradan tapaydım. İstəsəydi, özü məni tapardı (Gülür),. Bilirdim ki, şəkilidir. Amma Şəkidə yaşayır, Bakıda yaşayır, nə işlə məşğul olur, məlumatım yox idi. Elə mən də təkcə adını bilirdim, soyadını yox.

...Və bir gün… Hə, yazının əvvəli yadınızdadırmı? Ax, səni FACEBOOK, nələrə qadir imişsən?

Sosial şəbəkələrin üzvü olsa da, amma onu aktiv istifadəçi saymaq olmaz. Həmin gün səhifəsini gözdən keçirirmiş. Dostluğunda olan döyüş yoldaşlarının paylaşımlarına baxırmış.

Birdən qəfil gözünə bir status dəyir. Müharibəylə bağlı qeydlər, veteran vəsiqəsi. Və…

Və qəfil yerindən atılıb bağırır:

- Bu, sənsəəəənnnn…

Tələsməyin, hər şey hələ indi başlayır...(lent.az)

Səbuhi Sədəf


Etiket:
Xəbərlər

Rəsulzadənin yaxın dostu olan Kəngərlinın qızı İNANILMAZ SİRLƏRİ AÇDI.

28.05.2020

"Cümhuriyyətin yaradıcıları millətimizin şərəfini xilas edərək..."

28.05.2020

Məmməd Oruc: “Səməd Vurğun olmaq istəyirdim”

27.05.2020

Müharibənin məhkum etdiyi talelər

26.05.2020

İlhamə Nasirin hekayəsi - Xudaverdi

24.05.2020

Rusiya Qars müqaviləsini uzadacaqmı? - Ermənistanın Naxçıvana iddialar

23.05.2020

Belarusun “Şərəf”li azərbaycanlısı
 

22.05.2020

İrəvan xanlığının varisi Bakıda: nələr danışdı? - Müsahibə

22.05.2020

Azərbaycan qadını. Həmidə xanım Cavanşir

21.05.2020

"Müqəddəs Məryəm və Müqəddəs körpə İsa Məsih"... Bu əsərin çox maraqlı tarixçəsi var.

20.05.2020

Poçt göyərçinləri məktubu neçə daşıyırdı?

19.05.2020

Laçınsız 28 il

18.05.2020

Kürəkçay sazişinin orijinalı tapıldı; ermənilərin Qarabağda izi-tozu olmayıb

16.05.2020

Tanıdığımız və tanımadığımız Vəli Axundov

15.05.2020

Dünya ayağa qalxdı - İrəvan və Zəngəzur Azərbaycana qaytarılacaq - Müqavilə QÜVVƏSİNİ İTİRİB

14.05.2020

"M.Ə.Rəsulzadənin oğlu Azər Rəsulzadə ilə Qazaxıstanda görüşlərim" - Nəsiman Yaqublu

14.05.2020

İrəvan da daxil olmaqla Arazın hər iki tayının Azərbaycan adlandırlması ilə bağlı daha bir sənəd

13.05.2020

Zərdüştlük dini

12.05.2020

Peyğəmbərlər (ə) haqqında bilmədikləriniz

11.05.2020

QƏRBİ AZƏRBAYCAN (İRƏVAN) RESPUBLİKASI ELAN OLUNDU.

10.05.2020

Bu gün Ümummilli lider Heydər Əliyevin doğum günüdür

10.05.2020

Göyçə həsrətli veteran - Fotolar

09.05.2020

Faşizm üzərində qələbədə Azərbaycan böyük töhfələr verib

09.05.2020

GÖYÇƏDƏN BAŞLAYIB AMERİKADA BİTƏN YOL        

09.05.2020

Şuşanın ən son görüntüləri - FOTOLAR

08.05.2020

8 May Qarabağın ürəyi Şuşanın işğalı günüdür

08.05.2020

1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar

07.05.2020

Tabu - Rəşid Bərgüşadlı

07.05.2020

Mümkünmü ayırsın bizi "İNCİL" İLƏ "QURAN"?

06.05.2020

İrəvan əhalisinin tərkibinin dəyişdirilməsi

05.05.2020

Fərqanə Mehdiyevanın məşhur şeirləri 

03.05.2020

Cümhuriyyəti yıxan adam – ARAŞDIRMA

02.05.2020

BARBAROSDA QƏTL

01.05.2020

Vətənə və xalqa xidmət nümunəsi

01.05.2020

Bu gün Azərbaycan Dövlət Neft Akademiyasında tələbə və müəllimlərin güllələnməsindən 11 il keçir.

30.04.2020

Zaur Ustac – qələmdar olmaq missiyası

29.04.2020

Vladimir İliç Ulyanov...

29.04.2020

İrəvanda qalmayan xalın sirri: Bir mahnının tarixi-ARAŞDIRMA

28.04.2020

Professor Abuzər Xələfov və Azərbaycan kitabxanaşünaslıq elmi

28.04.2020

Avropanın Türkiyədəki gizli erməni casus şəbəkəsi - Tarixi faktlar

27.04.2020

Milli Qəhrəman Albert Aqarunovun doğum günüdür

25.04.2020

KQB-nin təklifini rədd edib süpürgəçi işləyən şərqşünas

25.04.2020

Heydər Əliyev Göyçədə – Heç kimin bilmədiyi FAKT - FOTO

24.04.2020

"Azərbaycan bu bəlanı da dəf edəcək” - Ağalar Vəliyev

24.04.2020

Mənim bir dostum var - Aida Eyvazlı  

23.04.2020

Əhliman Əmiraslanov: “Ölkə Prezidenti üçün əhalinin sağlamlığı bir nömrəli prioritet məsələdir” 

23.04.2020

Tikanlı cığırlar (esse)

22.04.2020

BÖYÜK NƏRİMANLILAR SİLSİLƏSİNDƏN HƏTƏM MÜƏLLİM ƏLİ oğlu ƏKBƏROV

22.04.2020

HƏSƏN XƏYALLININ ŞEİRLƏRİ

21.04.2020

1-ci vitse-Prezidentə səhiyyənin roluna göstərdiyi diqqət və həssaslığa görə təşəkkür etdilər

21.04.2020
Bütün xəbərlər