Qan içində sevgi, 27 illik həsrət, “məni öldür, get...” – FİLM KİMİ HEKAYƏT – II HİSSƏ

17:25 / 27.07.2019

I hissə

http://goyce.az/news.php?id=1011 

Belə deyirlər; sevgidə son yoxdur. Bitən sevgi yoxdur, bitmiş kimi görünən sevgilər vardır. Sevgi bir ürəkdən o biri ürəyə ən qısa yoldu, düzxətli bir yol. Heç bir yerə ani də olsa dönməyən bir yol. Və əgər o yol cəbhə xəttindən keçibsə, illərin, nə illər e, on illərin sınağından çıxıbsa...

Əslində, buna sınaq da demək olmaz. Harada sınayacaqdılar ki? 27, hə, düz 27 il idi ki bir-birini itirmişdilər. Amma hər şey belə başlamışdı…

24 mart 1992-ci il, Şuşa.

Nəbilərdə bir gün qalır. Bundan sonra kənd ətrafında başqa bir yerdə post qurmaq tapşırığı alır. Çəkisi az qala 60-70 kiloqrama çatan iri çadırları, onlara bağlı əşyaları çiyinlərinə alıb, üzü dağa qalxırlar. Postu qurub, yenidən Nəbilərdəki istinad yerinə gəlirlər.

- Biz əsasən Şişqaya postunda olurduq. İki gün idi ordaydım, posta nəzarət edən dəstənin komandiri məzuniyyətə göndərildi. Məni komandir əvəzi qoydular. Postdakıların da çoxu Şuşaya təzə gəlmiş cavan uşaqlar idi. Müharibənin primitiv qanunlarından belə xəbərsiz idilər. Elə özüm, nə olsun ki, sovet ordusunda xidmət etmişdim, müharibə, döyüş görməmişdim axı. Məsələn, yadımdadır, gecə bir də gördük ki, çox yaxın məsafədən bizə tərəf atəş açdılar. Böyük ehtimal, erməni kəşfiyyatçıları idi. Fişəng atdıq, gördük Daşaltı yoluyla iki nəfər qaçır. Postda olan 22 nəfər hamımız az qala o iki nəfərin dalınca qaçırıq. Birtəhər saxladım ki, hara qovursuz, qayıdın posta, bəlkə bizi aldadıb postu ələ keçirmək istəyirlər. Bax, belə vuruşa-vuruşa öyrənirdik. Ya da mina hazırlamağı. Bunu harada öyrənəsiydik sovetin ordusunda.

Deyir, ən böyük problemlərindən biri su daşımaq olub. Suyu Daşaltının ətəyindən 40 litrlik bidonla daşıyırmışlar.

- Hər dəfə iki nəfər atəş altında 200 metrlik yolu əldə 40 litrlik bidon ildırım sürətilə qaçaraq gedib-gəlirdi. Təsəvvür edin, güllə yağış kimi yağır, amma heç kimə heç nə olmurdu.

28 mart, 1992-ci il. Şuşa

Kiçik, yarıqaranlıq tibb məntəqəsinə hər gün yaralılar gəlir. Dərman, tibb ləvazimatları çatmır. Ağır şərait, stress, bir yandan da mühasirədə olan tənha şəhər.

- İlk işimiz məntəqəni qaydaya salmaq oldu. Raygüllə demək olar ki, yatmırdıq. Yüngül yaralıları burada müalicə edirdik. Ağırları isə hospitala göndərirdik. Avtomat? Yox, verməmişdilər. Eləcə tibb çantamız vardı, vəssalam.

Deyir, ona ən çox təsir edən Şuşanın boş evləri, adamsız küçələri olub.

- Gündüzlər belə adamı vahimə basırdı. Bomboş şəhər, bir kimsə yox, ancaq əsgərlər, qan, avtomat səsləri, raket partlayışları. Mən bütün bunları, buna oxşayan vəziyyəti kinolarda görmüşdüm. Amma ağlıma da gəlməzdi ki, həyatda yaşayacam. Təsəvvür edin, mühasirə altında şəhər, sabahın da necə olacağını belə bilmirsən. Yenə deyirəm, həyəcanlı günlər idi. Amma qorxu hissini öldürmüşdüm. Hələ Laçından gələndə, Daşaltını keçəndə o hiss ölmüşdü. Əsil qorxu hissini bilirsiniz nə vaxt keçirdim? Xaçmazlı Samir mənə əl qumbarası verəndə...

28 mart 1992-ci il, Daşaltı.

Həmin gün səkkiz nəfər kəşfiyyata gedirlər. Məqsədləri ətraf ərazini yoxlamaq, ermənilərin haradan hücum etmə ehtimalını öyrənmək olub. Mart ayının sonu olsa da, buralarda qar hələ əriməmişdi. Minaya düşməmək, düşmənlə qəfil rastlaşmamaq üçün dəstə ətrafı sanki dörd gözlə müşahidə edirdi.

- Birdən qəfil kimsə qışqırdı – “bura baxın!” Sifəti qarın altında aydın görünürdü onun. Tez çıxardıq. Məlum oldu ki, şəhid olmuş əsgərimizin nəşidir. Bu barədə komandirə, Tofiq Oğuza məlumat verdik. Təsəvvür edin, erməninin qulağının dibindəyik, amma meyiti də götürüb, azı bir kilometr yol qət etməliyik. Tofiq bəy qəti şəkildə dedi ki, risk etməyin, nişangah altındasınız, sonra erməni meyiti ilə dəyişərik. Deyirdi, duyuq düşsələr, sağ qalmaq şansınız yoxdur. Amma bütün bunlara baxmayaraq, komandirin əmrini pozduq. Risk etdik. Uşaqlardan biri “fatihə” verdi. Onun əynindəki zirehli gödəkçəni çıxardıq. Çünki çox ağır idi, daşıya bilmirdik. Bundan sonra üstünü aramağa başladıq. Ermənilərdən hansı alçaqlığı desən, gözləmək olardı. Meyiti belə minalaya bilərdilər. Üstünü axtaranda kiçik bir kitabça çıxdı. Müxtəlif planlar, qeydlər, parollarla dolu bir kitabçaydı. Daha sonra cibindən avtomatın kiçik bir detalı tapıldı. Son anda çıxarıbmış ki, ermənilər avtomatını götürüb getsələr də, ondan istifadə edə bilməsinlər. Biz səkkiz nəfər qarlı-buzlu yollarla onun meyitini Şuşaya qaldıra bildik və təhvil verdik. Səhəri televizorda eşitdik ki, həmin şəxs Namazov Azər Rəhim oğluymuş. Milli Ordumuzun baş leytenantı. Yanvarın 26-da Daşaltıda həlak olub. Təsəvvür edin, yanvarın 28-də 26 yaşı tamam olacaqdı. Bizə buna görə, səhv etmirəmsə, 2 min manat mükafat da yazdılar. Hamılıqla imtina etdik, şəhidin ailəsinə bağışladıq.

5 aprel 1992-ci il, Şuşa, tibb məntəqəsi.

Həmin gün nəyə görəsə tibb məntəqəsinə gəlir. Hansısa dərman, ya sarğı üçün özünün də yadında deyil.

- Düzü, ilk dəfəydi ki, Şuşada olduğum zaman tibb məntəqəsinə gəlirdim. Gördüm oturub stulda. Salam verdim. İlk baxışda da çox xoşuma gəldi. Danışdırmaq istədim. Başladım hal-əhval tutmağa. Haralı olduğunu öyrənməyə. Baxdım ki, bunun danışığı uşaq danışığıdır. Uşaq ürəyi var. Fikirləşdim ki, ay Allah, bu uşaq bu müharibədə nələr çəkir görəsən? Niyə gəlib bura? Sonradan anladım ki, adamın qorxu deyilən bir hissi olmayıb.

Hə, şəkili balası ilk görüşdəcə vurulur bu gəncəli qıza. Amma hər gün də bu tibb məntəqəsinə gəlmək olmur axı. Bütün günü postlarda. Və həm də niyə gəlsin ki? Nə yaralıdı, nə də harasısa ağrıyır…

- Tərslikdən qızdırmam da qalxmır (Gülür). Birinci görüşdən sonra ağlımdan çıxmadı. Bir həftə gözləməliydim ki, hamama gedim. O bir həftə sanki bir il oldu mənə. Nəhayət, postdan çıxıb getdim şəhərə. Yenə hal-əhval tutdum. Kefini soruşdum. İndi bilmirəm daha nə deyim. Erməni qabağında bu qədər həyəcan keçirməmişdim. Qəfildən ağlıma gəldi ki, əsgərlərdən kimisə soruşum, söhbətə başlayım. Tərslikdən, o da həmin adamı tanımadığını dedi. İndi bilmirəm nə deyim. Key-key üzünə baxıram. O da gülümsəyir. Nəhayət, dözmədim.

Hə, dözə bilmir. Elə konkret, uzatmadan deyir: “Səndən çox xoşum gəlir. Mənimlə evlənməyini istəyirəm”.

 

O isə gözlərini döyərək maddım-maddım bu şəkili balasına baxır. Şuşa, mühasirə, ətrafı düşmən sarıb, bundan sonra nələr olacağını Allahdan başqa bir kimsə bilmir. Evlilik?

- Qəfil dilləndi ki, müharibə gedir, bu mümkün deyil. Mən də qayıtdım ki, əlbəttə, müharibə qurtarsın sonra və “hə” alırmış kimi ümidlə onun üzünə baxdım.

O, isə dillənmir, sadəcə gülümsəyib başını yana çevirir. Bu, elə “hə” idi deyəsən…

Amma hələ heç biri bilmirdi ki, qarşıda onları hansı dəhşətlər gözləyir…(lent.az)

 

Davamı olacaq...


Etiket:
Xəbərlər

Ermənilərin gülünc və absurd iddiaları - ŞƏRH

19.10.2019

Müstəqilliyimiz əbədidir.

18.10.2019

İlham Əliyev Zəngəzurun Ermənistana verilməsi barədə danışdı

18.10.2019

Ərəblinski niyə öldürüldü?

17.10.2019

Ermənilər tarixi bu cür SAXTALAŞDIRIB: Əslində isə indiki İrəvan şəhəri...

17.10.2019

İradə Aytel – “Türkəm, kürdəm, talışam, ləzgiyəm, avaram, udinəm…”

16.10.2019

Milli Ordu quruculuğunun ilk hərbi məktəbləri

16.10.2019

Rizvan Talıbov: “1988-1991-ci ilər ərzində Ermənistandan qaçqın düşmüş 500000 (beş yüz min) bu günkü faktiki sayları 1.000000-u (bir milyonu) keçmiş Ermənistan qaçqınlarının məsələsi sülh danışıqlarının predmeti olmalıdır”

15.10.2019

Azərbaycanda çadra əleyhinə hərəkat - Səriyyə Xəlilovanın Bakını ayağa qaldıran qətli

14.10.2019

"Qara bağ": SSRİ dağılmağa nədən başladı

11.10.2019

“Nobel” almış qadınlar

11.10.2019

Uğur böcəyi  

10.10.2019

Qeyrətimiz olarsa, yaxud sonuncu dayaq nöqtəsindən reportaj - FOTOLAR

09.10.2019

Sahilsiz qəlbinin dalğalarını misralara çevirən şair…  ABDULLA FARUQ

09.10.2019

Məşhur azərbaycanlı aktyor və bolşevikin sui-qəsdi ilə öldürülən Həsən bəy Ağayev - “Qürbətin doğma məzarları”

08.10.2019

Təsəvvüf, Vəhdəti-vücud və An-i daimin qısa şərhi

07.10.2019

Ermənilər Azərbaycan Xalq Cümhuriyyətinin ən uğurlu diplomatı haqda ARXİVLƏRİ AÇDILAR

04.10.2019

3 oktyabr tarixinin Türk Dünyası üçün önəmi

03.10.2019

90 min uşağı ölümdən xilas edən həkimin inanılmaz həyat hekayəsi

03.10.2019

Tibb bacısıyla evləndi, tibb bacısı da onu öldürdü – Maraqlı faktlar

02.10.2019

Bu gün günlərdən Vaqif Bayatlı...

01.10.2019

“Şəhidlərə müqəddəs məkan, qazilərə Vətən olan - Azərbaycan”... və yaxud Acıdərə döyüşlərinin tale yazısı...

01.10.2019

FƏTƏLİ XAN XOYSKİNİN İNGİLİS GENERALINA DEDİKLƏRİ

30.09.2019

İrəvan şəhəri

28.09.2019

Haylar necə erməni oldu?

27.09.2019

Türklərin inanc tarixi: “uçmaq”, “tin”, “Tanrının oğlu”... – I YAZI

27.09.2019

Şeir təhlilləri: M.Ə.Sabir "Neylərdin, İlahi"

26.09.2019

Basarkeçər
(Basatkeçən)

25.09.2019

Çarli Çaplini niyə ABŞ-dan qovmuşdular və onu niyə kommunist casusu adlandırırdılar

24.09.2019

Heydər Əliyevin anası haqda maraqlı XATİRƏLƏR

24.09.2019

“Ülvimə bir məktub yazdım” kitabı çap olunub

23.09.2019

ADAM YAŞAMAQDAN QORXUR

23.09.2019

"Bir alman - möhtəşəm insan, iki alman - ittifaq, üç alman - müharibə deməkdir!"

20.09.2019

Goyce.az saytı Rüstəm Dastanoğlu ilə müsahibəni təqdim edir.

20.09.2019

Şahbulaq Qıfılı saray kompleksi - Qarabağ abidələri  

20.09.2019

Cəlalilər: qanlı üsyan, izi itmiş Koroğlu, öldürülən Dəli Həsən

19.09.2019

Nərimanlı kökənli 27 abituriyent "tələbə" adını qazandı

18.09.2019

Əfsanəvi Mixaylo Rəsulzadəni öldürməkdən imtina etmişdi- GİZLİ TARİX

18.09.2019

Üzeyir Hacıbəyovun həyat və yaradıcılığı

18.09.2019

İşğal altında olan torpaqlarda 330 yerli əhəmiyyətli abidə dağıdılıb

17.09.2019

NİL ADAM

16.09.2019

Rəhim Əliyev. Birinci Türkoloji Qurultayın iki qərarı haqqında

14.09.2019

Tereza ana ilə bağlı İNANILMAZ FAKTLAR: 12 yaşında... - FOTO

14.09.2019

"Ey Firdovsi, qalx, küfr etdiyin türkü gör" - Əmir Teymurun türkü aşağılayan Firdovsiyə cavabı

13.09.2019

Baninin “Qafqaz Günləri” – köhnə Bakının hekayəsi

12.09.2019

Tarixdə iz qoyanlar: Təbrizdə ana dilində ilk məktəb açan MÜƏLLİM – Şahın Tehrana çağırdığı azərbaycanlı

12.09.2019

“Azərbaycanda erməni qırğınları və deportasiyaları” haqqında baxışların tənqidi təhlili

11.09.2019

Mükəmməl kitab yazmaq istəyirsinizsə... - DAHİLƏRİN TÖVSİYƏSİ

11.09.2019

M.Ə.Rəsulzadənin və N.Nərimanovun İmam Hüseyn haqqında fikirləri - Layihə
 

10.09.2019

Kərbəla nədir?

10.09.2019
Bütün xəbərlər