Sən darıxma, gedəcəyəm, səhərki yağış kimi,
Son ümidi soyunan bir yorğun baxış kimi.
Vallah, hər şey əladır, nar dadır havalar da,
Hələ ki payız gəlib,
Mən gedəcəyəm baharda...
Sevgi deyil mənimki, sadəcə sol yanımsan,
Bir az kövrəkliyimsən, bir az həyəcanımsan.
Yox, yox, hər şey yaxşıdır, sadəcə payız gəlib,
İçimdəki o yetim uşaq yaman kövrəlib.
Qorxma, dəli deyiləm, mən ağıllı qadınam,
Kimsə bilmir, gizlində gəlincik oynadıram.
Dəlilərin saçları belə sığallı olmur,
Gözləri belə qəmgin, belə ağıllı olmur.
Bircə fəsil səbr elə payız gedənə qədər,
Bir ömür yol gəlmişəm özümdən sənə qədər.
Qoy bir payız dincəlim bu nəmli torpaq üstə,
Qoyum yorğun başımı bir dəstə yarpaq üstə.
Yox, yox, səni sevmirəm,
Bir az anam bilirəm, bir az atam bilirəm,
Nazıma dözə bilən doğma adam bilirəm.
Gedəndə aparacağam gümüşü göz yaşımı,
Sonuncu gülüşümü, sonuncu baxışımı.
Bu dünya bir məxməri, yupyumşaq səsdir mənə,
Bircə sənin səsini aparsam, bəsdir mənə!
***
Atam bilir
Var olanın yoxluğu nə ağır imiş,
Ayrılığı dadan bilir.
Adam baxır bir az gendən,
Adamları adam bilir.
Həsrətinin qoxusunu,
Sevgi dadlı yuxusunu,
Tənhalığın qorxusunu
Evim bilir, odam bilir...
Gözləsin, mən gələcəyəm,
Onsuz tənhayam, bircəyəm.
Mən buralarda necəyəm?
Bilsə, bircə atam bilir...
***
Səndən başqa kimsəm yoxdur, bilirsən?
Hərdən vaxt tap, yoxla məni, İlahi!
Beşik kimi qollarında yırğala,
Qucağında saxla məni, İlahi!
Mən sərsəri, külək kimi dərbədər,
Mən ayrılıq, mən göz yaşı, mən kədər.
Sevərsənmi qəlbimdəki bu qədər
Ağrı ilə, dağla məni, İlahi?
Nə iblisəm, nə insanam, nə mələk,
Bəndən varmı yer üzündə mənim tək?
İstəyirsən tellərimdən dara çək,
Şimşəklərə bağla məni, İlahi!
Bu dünyaya qucağından enmişəm,
Mən nə qədər üzüdönük görmüşəm...
Elə bil ki, əzizinəm, ölmüşəm,
Həzin-həzin ağla məni, İlahi!
***
Səndən indi nə qalıb ki?! Quru nəfəs,
quru səs...
Barmaqların kömür kimi, dodaqların kül kimi.
O quruyan arzuların yalvarsan da göyərməz.
Getməsəydin, yaşayırdıq dünyamızda gül kimi.
Səni elə isidirdim nəfəsimlə, odumla,
Sən üstünə su çilədin isindiyin ocağın.
Vidalaşdın bu dünyada ən vəfalı qadınla,
Nə getməyə yerin qaldı, nə ölməyə qucağın.
O dünyanın qapıları min ildə bir açılar,
Göyü-yeri büllur idi, bulud idi, çay idi.
Onda sənin barmaqların dolaşırdı saçıma,
Onda mənim dodaqlarım gilas, qaşım ay idi.
Sonra öldü göy üzündə bəyaz, pənbə buludlar,
O aypara qaşlarım da çatıldılar, sındılar.
Qollarının arasında sürüşdükcə ümidlər,
Sonra mənim kəlmələrim dodağımda dondular.
Sən gedəndən əl üzmüşəm bu ömürdən, bu gündən,
Nə ulduzum, nə ayım var, nə dalğam, nə dənizim.
Biz nə tikmək istəyirik bu boyda qəm yükündən?
Daş üstündə daş qalmadı, görmürsənmi, əzizim?!
Niyə könül daşa döndü, nə yumşaqdı, nə kövrək...
Bir çiçəyə səpələn gəl, bir buluda yığıl gəl.
Nə bu gün var xəyalımda, nə keçmiş, nə gələcək,
Səni belə sevməyəcəm, get, təzədən doğul gəl!
***
BAĞIŞLA
Sənə toxuna bilmirəm,
Bu şəkildə donmuşuq.
Tanrı göydə qan ağlayır,
Biz də yerdə donmuşuq.
Birim-bircəm, neylədilər?
Bu sən, o sən deyilsən.
“Sevirəm” deyən dilinlə,
“Unuduram” deyirsən.
Xatirələr gül kimidir,
Solub gedir yağışla.
Nə Tanrı ola bilmədim,
Nə də qadın, bağışla.
Deyirdilər, deyirdilər,
Gözəl qızlar yarımır.
Giley dolu dodaqların
Öpüş üçün yaramır.
Neylədin ki, neylədin ki,
Ürəyində sıxıldım?
Oğlun üçün danışarsan,
Deyərsən ki, nağıldı.
Vəfa Mürsəlqızı
Bilsə, bircə atam bilir...
21.11.2026Bala Məzrə kənd məktəbinin tarixinə işıq salan nəşr təqdim olunub
19.11.2026Köklərinə bağlı, peşəsinə sadiq: Həkim Məryəm Məmmədovanın uğur yolu
18.11.2026Rauf Kasimov: İfaçılıq məktəbi, mühacirət və pedaqoji irsin vəhdəti
17.11.2026Firdus Kərimov: Zoddan “Buran” kosmik layihəsinə uzanan əmək yolu
16.11.2026Beynəlxalq Diaspor Mərkəzinin Avropa təmsilçisi
16.11.2026Mübariz Həsən oğlu Qocayev – zəhmət və uğurlarla dolu həyat yolu
14.11.2026TUNZALƏ BAYRAMOVA: TƏCİLİ CƏRRAHİYYƏDƏ PEŞƏKAR İNKİŞAF VƏ ELMİ FƏALİYYƏT
13.11.2026Ramiz Vəliyev: onkoloji cərrahiyyədə elmi bilik, peşəkarlıq və cərrahi təcrübə
12.11.2026 11.11.2026Azərbaycan əsilli alim Rusiyanın nüfuzlu onkoloji mərkəzində: Tibb elmləri doktoru Aslan Vəliyev
11.11.2026Prezident İlham Əliyev Zəfər Günü münasibətilə Azərbaycan xalqını təbrik edib
08.11.2026Prezidentdən Mürvət Həsənli ilə bağlı SƏRƏNCAM
30.10.2026“Sındırılmış saz, yandırılmış aşıq” kitabının təqdimatı keçirilib
16.10.2026Araz Yaquboğlunun Qərbi Azərbaycan İcmasında keçirilən “Sındırılmış saz, yandırılmış aşıq” adlı kitabın təqdimatındakı çıxışı
16.10.2026“Sındırılmış saz, yandırılmış aşıq”
10.10.2026Basarkeçər kökənli 347 gənc ali məktəblərə qəbul olunub
05.10.2026Elmin və şəxsiyyətin akademiki
24.09.2026Qalib Qasımov: Qafqaz Albaniyasının memarlıq yaddaşı və tarixi gerçəkliklər - ŞƏRH
19.09.2026Adın özü bir düşüncədir
19.09.2026Şəhid Daşkəndli Aşıq Nəcəfin 160 illik yubileyinə hazırlıq məsələləri müzakirə olunub
19.09.2026Mədəni irs siyasi mübahisələrin deyil, tarixi yaddaşın bir hissəsidir
17.09.2026Göyərən qəbir
09.09.2026Tanınmış şair Qılman İmanın "Keçmişdəki gələcək" adlı yeni şeirlər kitabı nəşr edilib.
10.08.2026DAŞKƏNDLİ AŞIQ NƏCƏF HANSI İLDƏ DOĞULUB?
10.08.2026“Biz sərhədlərimizin bərqərar edilməsini istəyirik”
14.07.2026AŞIQ NƏCƏF DAŞKƏNDLİ (1867–1919)
14.07.2026AŞIQ ALIDAN QALAN SƏRVƏT
14.07.2026Qərbi Azərbaycan qadınları: yaddaşın görünməyən daşıyıcıları
14.07.2026Mən Lənkəranı əvvəl şəhər kimi yox, insan kimi tanıdım; sonra o insanlarda bir şəhər gördüm.
25.06.2026Ağrı dağı qədər uca, Tanrı dağı qədər hidayətli adam
25.06.2026Qərbi Azərbaycan sədası Göygöldə
23.06.2026Dədə Ələsgərin “Bəli deyib, yol-ərkana gəlmişəm” qoşmasının ideya-məzmun xüsusiyyətləri
06.06.2026ZENİTDƏKİ ZENİTÇİ
(oçerk)
Zeynalov Amin Asif oğlu uğurlarına daha iki uğur əlavə edib
06.06.2026Sözlə çəkilən şəkil
06.06.2026“Qayıdış hüququ” mövzusunda dəyirmi masa və eyniadlı kitabın təqdimatı olub - FOTOLAR
03.06.2026"Baxdı, baxdı, qayıtdı ki, səninlə Bakıda danışacağıq." - Heydər Əliyevin fotoqrafı
10.05.2026Daşkənd sakini Ağababa Qəmbərəli oğlu İsgəndərovun anadan olmasının 100 illik yubileyində Araz Yaquboğlunun çıxışının tam MƏTNİ
04.05.2026İkinci Dünya müharibəsi veteranı, uzunömürlü Ağababa İsgəndərovun anadan olmasının 100 illik yubileyi keçirildi
04.05.2026İlham Əliyevin İrəvandakı tədbirdə videobağlantı formatında çıxışının TAM MƏTNİ
04.05.2026Aşıq Ələsgərin “Köynəyinə” qoşmasının bədii təhlili
11.04.2026Xalq şairi Zəlimxan Yaqubu düşünərkən...
20.01.2026Qanlı Yanvar qırğını
20.01.2026XII əsrdə Göyçədən yüksələn dua
16.01.2026Milli Kitabxanaya oxu zalı lazım deyil?
09.01.2026Zəlimxan Yaqubun yetimləri - Şərif Ağayar
09.01.2026Ayrı salınmış xalqın yaralarına əlac edən həkim
28.12.2025“Vedibasar mahalı” filminin təqdimatı keçirilib
27.12.2025Yusif Nəğməkar yaradıcılığında Ələsgər reallığı
27.12.2025