EYLƏ
Könül, bu dünyada beş gün ömrün var,
Qovğadan başını salamat eylə.
İstəsən ki, başın ola salamat,
Həmişə dilini farağat eylə.
Mərhəmət et, yet özgənin halına,
Yıxılan kimsəni düzəlt yoluna.
Mərd ol, xain baxma qonşu malına,
Dostun ilqarına sədaqət eylə.
Naqabil adama sirrini açma,
Nanəcibdən kənar dolan, yanaşma.
Kəc baxıb gəlinə, qıza sataşma,
Hörmətli tutmağı sən adət eylə.
Özünə güvənib danışma oddan,
Xəyallı, düşərsən hörmətdən, daddan.
O şahlar şahını çıxarma yaddan,
Həmişə baş endir, ibadət eylə.
OLMASA
Kor qız ərə gedər – yaxşı deyiblər,
Qonşun paxıl, qohumun bəd olmasa.
Dost dostdan inciməz, qonşu qonuşdan,
Aralıqda giley, qiybət olmasa.
Mərd igidlər yeməz namərd balını,
Arif olan gözlər işin dalını.
Alan alar, satan satar malını,
Əgər yandan qoloy söhbət olmasa.
Xəyallı, şahiddi hər işə zaman,
Yaxşıya yaxşı de, yamana yaman.
Sabah pozulacaq bugünkü peyman,
Düz sədaqət, pak məhəbbət olmasa.
ARASINDA
Nadan nə dərd qanar, nə qəlbi yanar,
Görsə bir sağır var yol arasında.
Olmaz düz etibar, nə namus, nə ar,
Hərcayı söz saxlar dil arasında.
Özündən çox basan olar kəmhünər,
İşi dara düşsə, sözündən dönər.
Hamının yerinə məclisdə dinər,
Hörmətdən tez düşər el arasında.
Sözüm təsir etməz ağıldan kütə,
Varlısan, lağ etmə kasıba, lütə!
Mərifət ot deyil hər yerdə bitə,
Yetən taya vura kol arasında.
Dünya vəfasızdı, nahaq qan eylər,
Könlümü yaralar, nəmnişan eylər,
Bülbül cəfa çəkər, ah-fəqan eylər,
Xar isə kef çəkər gül arasında.
Xəyallı, sən qazan elin hörmətin,
Çox qaçma dalınca varın, dövlətin.
Alimlik asandı, insanlıq çətin,
Dərsini mərdlərin al arasında.
TƏCNİS
Ağlamaqdan zari-bidad olmuşam,
Bir gözüm Abbasdı, bir gözüm Qurban.
O hüsnü camala mənim bir gözüm,
O mina gərdənə bir gözüm qurban.
Bilməz idim, camalı nə, hüsnü nə?
Yüz gözəlin hüsnü çatmaz hüsnünə.
Göz dəyməsin təki sənin hüsnünə,
Bir gözüm təsaddıq, bir gözüm qurban.
Qoyma yağım döyə, bu dağ isdana,
O dağ şölə sala, bu dağ isdana.
Xəyallı, yar gəlsə bu Dağıstana,
Olar qədəminə bir gözüm qurban.
ALIM
"Qara" – deyib toxunmuşam könlünə,
Qadan-balan hər nə varsa gəl alım.
Hicran xəstəsiyəm, qəm bəzirganı,
Qəlbin dolu ahu-zarsa gəl alım.
Sərraf zərrəsindən tanıyar zəri,
Eyvandan qıyqacı baxmaynan bəri.
Qaşın almaz, gözün tacir gövhəri,
Yanaqların xiridarsa gəl alım.
Xəyallını bir yada sal biilqar,
Ürəyimdə səndən özgə de, kim var?
Dilin şirin, məmələrin şirin nar,
Müştəriyəm, sinən qarsa gəl alım.
AXTAR MƏNİ
Bir azca geciksən, ay əziz balam,
Evdə yox, məzarda gəl axtar məni.
Ötsə son nəfəsim, çatmasan əgər,
Bu qara torpağı dəl, axtar məni.
Qəlbim paralanıb hər diyardadı,
Biri intizarda, biri dardadı.
Soruşsa uşaqlar: “Qağam hardadı”,
Axıt gözlərindən sel, axtar məni.
Nə qədər çalışdım yaşayam bir az,
Atalıq yükünü daşıyam bir az,
İndi görürəm ki, naşıyam bir az,
Yığılıb üstümə el axtar məni.
Səni yandırmasın söhbətim, sözüm,
Xətrinə dəymişəm, peşmanam özüm.
Tez gəl, yollarına dikilib gözüm,
Mənəm xəstə yatan bil, axtar məni.
Həsən Xəyallıyam, keçib zamanım,
Kəsilib el üstdən şirin zəbanım.
Daha sağalmağa yoxdu gümanım,
Dərd salıb sinəmdən yol axtar məni.
Dağa bələndik
Başına döndüyüm, qurban olduğum,
Çıxdıq qırmızıdan, ağa bələndik.
Eşqindən tutuşub, büryan olduğum,
Gəlib gözəl işrət-çağa bələndik.
Keçməz əlimizə belə gözəl çağ,
Sürək bu dövranı, eləyək damağ.
Ləblərin ağzımda tam verir qaymaq,
Baldan da artırıb yağa bələndik.
Yer diqqət kəsilib, göy tamaşanda,
Misli-bərabərin yoxdu cahanda.
Gəl gedək Həsənlə, qalma aranda,
Deyək daha bəsdi, dağa bələndik.
Alma yarı yar əlindən
Zalım fələk, insaf eylə,
Alma yarı yar əlindən.
Qoyma sola qönçələri,
Gülü qurtar xar əlindən.
Qoy öyünsün özün öyən,
Qamçı çəkən, fəqir döyən.
Barmaq silkib, mənəm deyən,
Dad çəkəcək dar əlindən.
Xəyallıyam, bəddi yaram,
Mərizi xəstə bimaram.
Kim qutarsa minnətdaram,
Cəsədimi nar əlindən.
Goyce.az
16 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023BÖYÜK MƏZRƏ - GÖYÇƏ MAHALI
10.12.2023Dekabrın 7-də Azərbaycan Rəssamlar İttifaqının Vəcihə Səmədova adına Sərgi Salonunda Qərbi Azərbaycan əsilli rəssamların əsərlərindən ibarət sərgi açılıb.
07.12.2023Tanınmış hərbi ekspert Telman Qasımov İrəvana səfər edib.
05.12.2023HƏYATDA ÖZÜMÜ XOŞBƏXT ADAM HESAB EDİRƏM Ki, HEYDƏR ƏLİYEVLƏ BİRGƏ İŞLƏDİM
04.12.2023AMEA müxbir üzvü, Basarkeçər rayon icma sədri, professor Nuru Bayramov İnönü Universitetinin “Fəxri Doktoru” seçilib - FOTOLAR.
03.12.2023Bax, biz Göyçə torpağındayıq...
29.11.2023BAKI DÖVLƏT UNİVERSİTETİNDƏ “Qərbi Azərbaycanda türk müsəlman abidələrinin erməni vandallığına məruz qalması” mövzusunda elmi seminar keçirilib - FOTOLAR
25.11.2023SƏHRADA YALQIZLIQ
25.11.2023Azərbaycanda ilk dəfə “Qərbi Azərbaycana qayıdış” festival-konqres keçirilir FOTO
23.11.2023İcma: Paşinyan hökumətindən azərbaycanlıların Ermənistanda öz dədə-baba yurdlarına qayıdış hüququnu tanımasını gözləyirik
21.11.2023“Azərbaycan Bayrağı” ordeni və “Vətən uğrunda” medalı ilə təltif olunan - MÜBARİZ QULUYEV BABACAN KƏND İCMASININ SƏDRİ SEÇİLDİ-FOTOLAR
14.11.2023Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirilib
08.11.2023Qərbi Azərbaycan İcmasının Basarkeçər rayonu Dərə kənd sakinləri və Dərəli kökənli gənclərlə görüşü keçirilib.
07.11.2023Ulu Öndər Heydər Əliyev xatirələrdə
31.10.2023"Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı konfrans keçirilib.
30.10.2023Oktyabrın 27-də Qərbi Azərbaycan İcmasında (QAİ) “Ulu Öndər Heydər Əliyev xatirələrdə” kitabının təqdimatı keçirilib.
28.10.2023“Oğul” filminin rejissoru: “Erməni hərbçilərdən biri Natiqin cəsurluğunu etiraf etdi” - MÜSAHİBƏ
26.10.2023Nərimanlı gəncləri ilə görüş keçirilib - FOTOLAR
24.10.2023TANINMIŞ ALİM, İSTEDADLI ŞAİR-PUBLİSİST - RAMİZ HƏSƏNLİ ŞİŞQAYA KƏND İCMASININ SƏDRİ SEÇİLDİ
21.10.2023Ümummilli Lider Heydər Əliyevin 100 illik yubileyinə həsr olunmuş “Qüdrətdən səngərli, qalalı dağlar” adlı konsert proqramı keçirilib.
21.10.2023Erməni dostunun azərbaycanlı yazıçıya hər il yazdığı mesaj: “Axırda...” – Müsahibə
17.10.2023Azərbaycan Respublikasının Prezidenti cənab İlham Əliyevə
Qərbi Azərbaycan İcmasının TƏBRİKİ
Azərbaycan Respublikasının Prezidenti İlham Əliyev oktyabrın 15-də Xankəndi şəhərində Azərbaycan Respublikasının Dövlət Bayrağını ucaldıb və çıxış edib.
15.10.2023"News.ru" informasiya agentliyi “Səbir və uzaqgörənlik: İlham Əliyev ölkənin ərazi bütövlüyünün bərpası missiyasını necə yerinə yetirdi” adlı məqalə dərc edib.
15.10.2023Mərhəmlik və mərhəmət nümunəsi
09.10.2023Qərbi Azərbaycan İcmasında Basarkeçər rayon icmasının üzvləri ilə görüş keçirilib
07.10.2023TÜRK DÜÇÜNCƏSİ ELMİ VƏ BƏDİİ MÜSTƏVİDƏ
05.10.2023