Füsunkar Vejnəli, 27 il sonra Qubadlıyla baş tutmayan görüş,  “Jiquli”də gəzən divan və 4 erməni diversant -  YARIMÇIQ REPORTAJ

20:20 / 30.12.2020
Baxılıb: 212

Cəmi bir həftə öncə Ağdam, Füzuli və Cəbrayıla səfər etmək imkanını fövtə vermişdim. Səbəb isə bu idi ki, bir həftə sonra növbəti səfər Zəngilan və Qubadlıya olacaqdı və mənə seçim etmək şansı yaradılmışdı. Seçdim!

Görüş yeri

Həmin bir həftəni iplə dartmışdım sanki. Hər gün ən azı iyirmi dəfə saata baxıram...Vaxt getmir...Eynən əsgərlikdəki kimi...
Və nəhayət vədə yetişir. 25 dekabr 2020-ci il. Vədələşdiyimiz yerdə səfər heyətiylə görüşürük. Səhər saat 6-ya qalır. Bakının vazkeçilməzi külək və yüngülvari şaxtaya bənzər nəsə hiss edirəm. Hiss olunur ki, yolçuluq bizə maraqlı sürprizlər vəd edir. Məsələn, neçə gündür Bakıda az qala bezdiyimiz yağışın daha bolunu, gurunu və son illər görməyə həsrət qaldığımız qar...
Hər kəs yerindədir. Bakıdan çıxırıq və yolüstü “bazarlığımızı” etdikdən sonra üzü Zəngilan və Qubadlıya doğru. 
Plana əsasən əvvəlcə Zəngilana getməliyik. Əvvəlcə Zəngilana getməyimiz çox yaxşı oldu, Qubadlıda daha çox vaxt keçirə biləcəyəm-ürəyimdə düşünürəm... 

Həmkar olsaq da, yol yoldaşlarımla demək olar ki, ilk səfərimdir. Samir İsayev bizdən daha təcrübəlidir. Bu mənada ki, o, artıq son bir ayda yanılmıramsa üçüncü dəfədir ki, Qarabağa səfər edir. Könül Cəfərli və Cəmilə xanım isə mənim kimi Qarabağ səfərinin debütantları hesab edilir. Digər yoldaşlarımızla isə qarşıdakı sətirlərdə tanış olarıq...

“Jiquli”də gəzən divan...

...Yolu yarılamışıq. Artıq necə deyərlər, hamı açılışıb, arabir ənənəvi yol zarafatları da öz yerində. Sürücümüz Riyad bəy qarşıdan üstündə divan olan “Jiquli”ni göstərib deyir ki, artıq dördüncü səfərdir eyni maşın və eyni mənzərəylə qarşılaşıram. Ardınca əlavə edir: “Deyəsən bu kişi hər səhər bu divanı gəzdirir. Hər dəfə eyni vaxtda qarşıma çıxır”. Gülüşürük... Zatən uzun yolçuluğun qaydası bu. Danışıb gülməsən nə yol, nə vaxt getmir...


...Birinci kəndin mərkəzinə gedərəm, sonra məktəbimizə qalxaram, sonra məscidə, ordan isə evimizə-yolboyu beynimdən, düşüncəmdən kino lenti kimi bəlkə əlli dəfə keçirirəm bu cümlələri. Fikrimdə var ki, əgər həyətimizdəki qoz indiyə qalıbsa, iş yoldaşlarıma, tanışlarıma da pay gətirəcəyəm. Hə, bir də evimizin arxasında bir köz ütüsü var idi. Uşaqlıqda o ütüdən həm “tank”, həm də “maşın” kimi istifadə edirdim. Düşünürəm ki, bəlkə də elə axırıncı dəfə harada oynayıb tullamışamsa yerindədir... Axı nəyinə lazımdır erməninin o ütü? 

Zəngilan və Füzuli

... Füzuliyə çatırıq. Hərbçi və polislərimizin yoxlamasından sonra işğaldan yenicə azad edilmiş yerlərə daxil oluruq. Müşahidələrimdən belə qənaətə gəldim ki, Füzuli və Cəbrayıl təbiəti ilə bir-birinə oxşadığı kimi viranə qalmış yurd yerləri də sanki əkizdirlər. Evlərin əskəriyyəti çay daşlarıyla tikilib. Cəbrayılın Füzulidən yeganə fərqi Araz qırağı kəndlərdə yolboyu uzanan üzüm kələsərləridir. Əkin sahələrinin isə yenicə şumlandığını görməmək mümkün deyil. Deyilənə görə, bu yerlərin şumlanmasında İranın Cəbrayılla üzbəüz kəndlərinin sakinləri də ermənilərə canı-dildən kömək edirmişlər. İrəliləyirik...Soltanlı, Əmirvarlı, Mahmudlu kəndləri... Və Zəngilan yazılan lövhəni görüncə həyəcanım bir az da artır. Çünki növbəti dayanacağa cəmi bir addım qalır. Düz 27 il 3 ay 25 gündən sonra qovuşacağıq...
Zəngilan deyiləndən gözəlmiş

Bu arada deyim ki, Zəngilan rayonu haqqında danışılandan daha gözəl imiş. Yolboyu yaşıllıqlar, yarpaqlarını “itirmiş” budaqları meyvəsinin ağırlığından az qala yerə dəyən xurma ağacları, Araz çayı... 
Mincivan qəsəbəsindəyik. Sərhədçilərimizlə görüşürük. Bizə bələdçilik edirlər. Yolüstü bir evə baş çəkirik. Hiss edilir ki, burada sentyabr ayına qədər yaşayış olub. Hətta həyətin girəcəyindəki əl damını avtomobil təmirxanası kimi istifadə ediblər. Zəngilan xurmasından və narından ilk dəfə məhz bu həyətdə dadıram... 

Vejnəlinin burma-burma yolları...

Yolumuz məşhur Vejnəli yatağındadır. O Vejnəli yatağı ki illərlə istismara məruz qalıb. Amma yoldan aydın olur ki, bizi burdan elə daha çətin yollar gözləyir. Ona görə də maşınımızı dəyişib hərbçilərin idarə etdiyi maşınla davam edirik. Yüksəklik getdikcə artır, elə həyəcanımız da. Çünki Vejnəliyə gedən yol Ağsu dolaylarına, Gədəbəylə Şəmkiri birləşdirən Yasamal dağı dolaylarına şükr oxutdurmaq gücündədir. Yeri gəlmişkən, hərbçilərimizin dediyinə görə, Vejnəliyə 27 il sonra səfər edən ilk jurnalistlər məhz bizik. 
Aramızda ən çox həyəcan keçirən isə Cəmilə xanımdır. Belə olan halda həyəcanı büruzə vermək yersizdir. Çünki onu az da olsa sakitləşdirən bizim nisbətən təmkinli olmağımızdır. Özümü elə aparıram ki, Vejnəli yolu öz ləhcəmizlə desək, heç vejimə də deyil. Ancaq dilimin altında ivrit, yapon və digər çətin öyrənilən dillərdə dualar zikr etdiyimin fərqindəyəm. Təbii ki, zarafatdır. Amma yolçuluq bir az da davam etsə, pis fikir deyil. Uzun və ağır yolçuluqdan sonra Vejnəliyə yetişirik. Havanın qaralmağına maksimum bir saat qalır. Bacardığımız qədər daha çox hərbçimizlə həmsöhbət olmalı, daha mox informasiya toplamalıyıq. 

Ayağımızın altındakı erməni postu

Hərbçilərimiz bizə aşağıdakı erməni postlarını göstərirlər. Heç bir mübaliğəsiz filansız erməni postu bizim əsgərimizin ayağının altında yerləşir. Soruşuruq ki, qarşı tərəfdən hər hansı təxribat olurmu? Çox maraqlı cavab alırıq. Sən demə, məğlub ordunun əsgərləri boş vaxtlarında öz ərazilərində ovla məşğul olurmuşlar. Hansı gününüzə?- içimdən keçən sual. 


DSX-nın Çevik Hərəkət Qüvvələrinin hərbi qulluqçusu, Baş leytenant Murad Abbasov deyir ki, Vejnəlidəki postlar bu ərazinin erməni işğalından təmizlənməsində şücaət göstərmiş hərbçilərimizin adlarını daşıyır:

“Zəngilan rayonu Vejnəli qəsəbəsinin, həmçinin burada yerləşən strateji obyektlərdən ən vacibi olan qızıl mədəninin azad olunmasında biz və bizim bölmələrimiz iştirak etmişdir. Bu ərazilərdə çox qızğın döyüşlər getdi. Ermənlər bu əraziləri qəti surətdə vermək istəmirdilər. Bu döyüşlərdə bizim tabordan səkkiz nəfər şəhidimiz oldu. Döyüşlər gedən ərazilərdə təyin olunmuş postlara şəhidlərimizin adı verilib. Hazırda yerləşdiyimiz post isə buranı azad edən baş leytenant Ülvi Aslanovun şərəfinə “Aslan postu” adlandırılır. Şükür ki, özü hazırda sağ-salamatdır, xidmətini davam etdirir, DSX rəisi tərəfindən təltif edilib. İstənilən hava şəraitində postda sayıq xidmət aparılır, dövlət sərhədi tam sayıqlıqla mühafizə edilir. Həmçinin postların təminatı, şəxsi heyətin isti yeməyinin, geyimlərinin çatdırılmasında heç bir problemimiz yoxdur. Hər kəs xidmətindən razıdır, mənəvi-psixoloji hazırlığımız çox yüksəkdir”. 

Sizi tam səmimiyyətimlə inandırıram ki, yazacağım cümlələrdə zərrə qədər mübaliğə yoxdur. Hərbçilərimizin gözündə elə bir əzm, iradə, özünəinam hiss edilir ki, bu dəqiqə dünyanın istənilən ordusuna qarşı mübarizə aparmağa hazırdırlar sanki. Hətta nəticə nə olsa belə buna hazırdırlar.

...Toran çalır, hava qaralır, görünməyən günəş olan-qalan işığına da götürüb yoxa çıxmaq üzrədir. Tədricən aşağı düşməliyik. Əvvəlcə Mincivana, sonra Zəngilanın mərkəzinə və oradan Qubadlıya...

Qaranlıq düşür, ümidlərim getdikcə azalır. Doğrudanmı 27 il 3 ay 25 gündən sonra da alınmayacaq? 

...alınmır. Ərazidə Ermənistanın mərkəzi hakimiyyətinə tabe olmayan bir neçə erməni diversantın gizlənməsiylə bağlı xəbərlər var. Qayıtmalı oluruq...
Gecə saat 3 tamamdır. Bakıya Qubadlısız yarımçıq reportajla qayıdıram...

İntiqam VALEHOĞLU
Bakı-Zəngilan-Bakı

Ölkə.Az


Etiket:
Xəbərlər

Yüz il əvvəlin məqaləsi – Məşhur Azərbaycan marşı

15.01.2021

Vətən müharibəsinin xanım şəhidi Arəstənin büstü hazırlandı

12.01.2021

MN 2841 şəhid haqda məlumatları açıqladı - Yeni siyahı

12.01.2021

SƏYYAD VƏLİOĞLUNUN ÇAP OLUNMAYAN ŞEİRLƏRİ

10.01.2021

Yurd hekayəsi 

09.01.2021

3 aydır ki, ailəsi Aydından xəbər ala bilmir... - Fotolar

08.01.2021

II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı

08.01.2021

Əsgərin yanında olan general-mayor

02.01.2021

Tofiq Şahmuradov - "Müharibə xatirələrimindən"

01.01.2021

Yazıçı Prezidenti təbrik etdi
 

31.12.2020

“Əfsuslar olsun ki, müharibədən sonra da şəhidlərimiz var”  

31.12.2020

Qarabağ Azərbaycanın ayrılmaz hissəsidir - Sergey Danilyan

31.12.2020

Dünya Azərbaycanlılarının Həmrəylik Günüdür

31.12.2020

Füsunkar Vejnəli, 27 il sonra Qubadlıyla baş tutmayan görüş,  “Jiquli”də gəzən divan və 4 erməni diversant -  YARIMÇIQ REPORTAJ

30.12.2020

Xankəndidə teatr çıxaran “artistlər” – aktrisa Janna Qalstyan alt paltarında qumbara gəzdirirmiş

28.12.2020

Bir gölün dəniz dərdi

26.12.2020

26.12.2020

Prezidentin təltif etdiyi general Tofiq Hüseynov kimdir?

26.12.2020

Qarabağın fatehi

24.12.2020

Prezidentdən həqiqi hərbi xidmətlə bağlı 

23.12.2020

Xankəndinin qatil həkimləri – ağ xalatlı cəlladlar  

21.12.2020

Ermənilər Ağdam məscidini buna görə dağıtmayıbmış...  

19.12.2020

7 mindən çox hərbçi təltif edildi
 

18.12.2020

Vətən müharibəsində şəhid olan həkimlərin sayı açıqlandı

18.12.2020

Xüsusi təyinatlıların şəhid komandirinin son arzusu: “Dilqəm Əsgərovu azad etmək istəyirdi”

17.12.2020

Əsir düşməmək üçün son gülləsini özünə vuran şəhid gizir - Fotolar

16.12.2020

Prezidentin təltif etdiyi şəhid müəllimlərin adları - Foto

16.12.2020

Şahbaz Quliyev və Dilqəm Əsgərov Vətənə gətirildilər - Foto

14.12.2020

Azərbaycan xalqının Ümummilli Lideri Heydər Əliyevin vəfatından bu gün 17 il keçir. 

12.12.2020

Özümə dost hesab etdiyim Heydər Əliyevin ruhu qarşısında baş əyirəm – Şakir Göyüşov

12.12.2020

ARZUSUNA ÇATAN ŞƏHİD

07.12.2020

Cavidin nəşi üçün gedəndə Bəylər Eyyubov bacımın rəhmətə getdiyini dedi” - Fotolar

04.12.2020

Bərdədə doğulub, Zəngilanda şəhid olan, Ağdamı görməyən ağdamlı

03.12.2020

Laçınım, Laçınım mənim...

02.12.2020

Vətən müharibəsi iştirakçılarına veriləcək medallar - Fotolar

01.12.2020

Ermənilər Ağdamda məscidi də yandırıb - Fotolar

30.11.2020

Suqovuşan və Talışa çəkilən yollardan yeni - Fotolar

30.11.2020

Zəngəzur məsələsi aktuallaşır: Kompensasiya

30.11.2020

Həyat yoldaşını və işini eyni gündə itirən Xalq artisti haqda - Faktlar+Fotolar

28.11.2020

Demarkasiya gündəmdə !  - “Sərhəd xətləri yenidən müəyyənləşməlidir”

28.11.2020

Səfir MARAQLI FAKTLARI AÇDI: Rəsmi hissədən sonra Əliyev Köçəryana dedi ki... - FOTO  

26.11.2020

Ağdamla birlikdə Milli Qəhrəmanın məzarı da azadlığa qovuşdu - FOTO

26.11.2020

İşğaldan azad olunmuş Kəlbəcərə doğru irəliləyən bölmələrimizin görüntüsü - FOTO

25.11.2020

Ordumuz Kəlbəcərə iki istiqamətdə daxil olub - RƏSMİ

25.11.2020

Azərbaycan ordusu Kəlbəcərə yola düşüb 
 

24.11.2020

Şuşaya çəkilən yoldan fotolar

24.11.2020

Ermənistan Əsgəran qalasının görkəminə ciddi zərər vurub
 

24.11.2020

Teatr və kino aktyoru Əjdər Həmidov vəfat edib.

24.11.2020

Polkovnik leytenant Rasim İbrahimov

24.11.2020

“Heç vaxt olmamaqdansa, gec olmaq yaxşıdır”- Prezident İlham Əliyev

21.11.2020
Bütün xəbərlər