YAZ AXŞAMI
Bu yaz axşamı
Bir baxış yuyur göz yaşımı.
Üzümə səpilir yaz çiçəkləri,
Sərilib köksümə məsum duyğular,
İlahi nəğmələr oxuyur dilim.
Ay da göy üzündən qibtəylə baxır,
Bir tale ulduzu yanıb yaxılır.
Gecə başdan - başa şeir kimidir,
Bu yaz axşamı sevginin özüdür...
YAZDIR
Bu nə bahar, bu nə yazdır?
Çiçək açıb, yenə yazdır.
Qələm tutub yazı yazan,
Bizi ikimizə yazdır.
Gəl, gülümsə gül üzünə,
Şeh düşübdü gül üzünə,
Sonalar cüt- cüt düşər,
Qanad salıb göl üzünə.
Təklik dünyanı təklədi,
Dünyanı yıxan tək əldi,
Allı- güllü həyat gözəl,
Güllər ömrümü rənglədi.
Şirin- şirin de sözünü,
Gəl aldatma sən özünü.
Könül gül açan yerdəsən ,
Yumub keçmə sən gözünü.
Bakı gecələri
(Nəğmə)
Nazilə Gültac tərəfindən bəstlənmişdir
Şirin təbəssümüm,
nurlu üzümdür,
sehirli aləmdir,
Bakı gecələri.
Ayı ulduzuna naz eylər,
Küləyi buluda əl eylər,
Məni məftun eylər,
Bakı gecələri.
Könlümün kəməndi,
Ruhuma vətəndi.
Ətirli çəməndi,
Bakı gecələri.
Nəğməli ömrümün, həzin zümzüməsi,
Nağıldı sehirli,
Bakı gecələri
MAT QALMIŞAM
Olanlara mat qalmışam,
Yuyub məni yaş aparır.
Görürsən ki, sızqa bulaq,
Götürüb bir daş aparır.
Baxışlarda donur dərdi,
Sinəmizə qonur dərdi,
Namərd dura- dura mərdi,
Əcəl bağrıdaş aparır.
MƏN
Mən dağda bitən çiçək kimiyəm,
Soyuğa, şaxtaya dözən.
Yağışa, dumana düşən,
Əlçatmaz yerlərdə bitən.
Əlçatmzlığın özüyəm.
Üfüqlərdən başlayan ,
Başı daşa dəyən ,
Qayalardan atlanan
şəlalə kimiyəm.
KÖNLÜMÜN ÇİÇƏKLƏRİ
Açıbdı könlümün al çiçəkləri,
Qalmasın qoy məndə al, çiçəkləri.
Götür naxış- naxış ürəyin üstə
Bir güllü yaylıqtək sal, çiçəkləri.
Şeirdi, nəğmədi, eşq pərisidi,
Dərib yelə vermə ləçəklərini.
Şirindi, kövrəkdi, gözü nəmlidi,
Qoxla dodağınla bal çiçəkləri.
Qəmi, qüssəsi var uca dağın da,
Biz də bir çiçəyik ömür bağında,
Nurlu baxışınla oxşa, əzizlə,
Bağrımın başında xal çiçəkləri.
GÖNDƏR
Qərib-qərib titrəyirəm,
Gözlərim batır yuxuya.
Sinəm səssiz inləyir,
Qərq oluram
zülmətlərin dərinliyinə.
Mən üzü göylərə dua edirəm:
Allahım, çiçək qoxulu yuxu dolsun gözümə.
Yuxuda bir yuxu görüm,
Sevinc olsun dərdimə.
Dualar göylərdə didərgin, itkin.
Sən demə, göylər də yuxusuz imiş.
Min illik yuxuya həsrətmiş göylər,
İlahi, göylərə bir yuxu göndər.
ADIN
Adını buludlara yazdım.
Hərf-hərf, heca- heca.
Yağdı damla-damla.
Axdı üzümə-gözümə.
Ovuclayib içdim.
Adın da özüntək acı.
Kaş bu yağış yağmayaydı ...
Adın pozulmayaydı.
Ürəyimin səmasında
adının yeri boş qaldı.
XXX
Yıxılma var,
qalxmalardan gözəldir.
Güllü dərə,
sal qayadan əzəldir.
Yıxılanda qucağıma,
gözlərimdəki bahar,
sevindi kəpənəklər.
Gülümsədi ləçək üstə şeh,
əksi düşdü könlümə.
Naz eylədi yarpağa meh.
Yıxıldı qucağıma
ulduzlu gecə..
qoxusu həsrət,
qorxusu həsrət....
Yıxıldım qucağına,
Sevgi gülünün....
Yıxıldım ucalığa!
ÖLMƏYİB HƏLƏ
Gözümü buluddan çəkə bilmirəm,
Ömrün səmasına yağışlar yağır.
Könül gülşənimi gəzə bilmirəm,
Qəlbimin bağına yarpaqlar yağır.
İçimdə arzular boylanır qəmli,
Bir sevda nəğməsi oxuyur bəmli,
Çoxdandır gülməyi yadırğayıbdır,
Gülən gözlərimin baxışı nəmli.
Bilirəm, ağlında mən varam hələ,
Gördüyüm yuxular söyləyir mənə.
Göylərdə ulduza, dağlarda çənə,
Üz tutan xəyallar ölməyib hələ.
Gültacın taleyi qışdı, ayazdı.
Həyat sarı simə köklənən sazdı.
Bircə təsəllim var qoca dünyada,
Bahara can atan qar da bəyazdı.
Ömürlərə bəzək və töhfə verən ömrünüz bərəkətli olsun!
01.04.2025Bakı qırğınları Mart soyqırımının kulminasiya nöqtəsi idi, amma sonu deyildi
31.03.2025Kəlbəcərdə "Novruz" adətləri
19.03.2025Suraxanıda Novruz bayramı təntənəli qeyd olunub
18.03.202517 mart 2025-ci ildə ADA Universiteti və Qərbi Azərbaycan İcmasının Gənclər Şurasının birgə təşkilatçılığı ilə “Qərbi Azərbaycan mövzusu 100 ildə ” adlı dəyirmi masa keçirilib.
17.03.2025FƏDAKAR ELM VƏ İNSANLIQ MÜCƏSSƏMƏSİ
14.03.2025Əhliman Əmiraslanov: Qərbi Azərbaycan məsələsində əsl ədalətin bərpa olunacağına əminik
11.03.2025FİTRİ İSTEDAD SAHİBİ
08.03.2025Azərbaycan Yazıçılar Birliyində “Adım Ələsgərdi…” kitabının təqdimatı olub
07.03.2025XOCALIYA ƏDALƏT!
26.02.2025Balaxanıda bir əsrlik tarixi olan neft quyusuna “ADNSU-100” adı verilib.
20.02.2025“Tariximizin işığında - Qərbi Azərbaycanın izi ilə”
16.02.2025Gənc vətənpərvər Pensilvaniya Universitetində
16.02.2025Şair-publisist Yusif Nəğməkarın “Ələsgər zirvəsi” kitabının təqdimat mərasimi iştirakçılarına!
13.02.2025Sənin görüşünə sürünə-sürünə də olsa gələrəm, Göyçəm
12.02.2025Paşinyan unudur ki...
11.02.2025ATALARIN YOLU OĞULLARIN YOLUDUR
10.02.2025...yazmasam, gələcəyimizin işığını sönməyə qoymayacaq gənclik məni bağışlamaz.
06.02.2025Gənclər Günü münasibətilə “Qərbi Azərbaycana qayıdış” mövzusunda tədbir təşkil edilib
01.02.2025MƏŞƏDİ QASIMIN ŞƏHİD NƏTİCƏSİ
01.02.2025GÖYÇƏ MAHALI, BASARKEÇƏR RAYONU BALA MƏZRƏ KƏNDİNİN QISA TARİXİ
30.01.2025BÖYÜK NƏRİMANLILAR SİLSİLƏSİNDƏN - ŞAHMALI QASIM OĞLU QURBANOV
28.01.2025Şirazi İbrahimov Basarkeçər gəncləri tərəfindən “GƏNCLƏRİN DOSTU” adına layiq görüldü.
27.01.2025Mükafat qalibi: "Daha çox gənci elmi fəaliyyətə cəlb edəcəyik"
26.01.2025Azərbaycan Respublikasının Prezidenti İlham Əliyev Şəhidlər xiyabanında 20 Yanvar şəhidlərinin əziz xatirəsini yad edib.
20.01.2025Aşıq Nəcəfin övladları necə qətlə yetirildi?
19.01.2025Qərbi Azərbaycan gənclərinin birliyi tarixi torpaqlarımıza qayıdışın gələcəyinə atılan güclü təməldir
17.01.2025Gümrü avtovağzalı, siyasi büro və 35 qəpiklik daraq - Hikmət Babaoğlu yazır
16.01.2025GÜCLÜ DÖVLƏT
11.01.2025Qərbi azərbaycanlıların doğma yurdlarına qayıtması dayanaqlı sülhün təminatıdır
11.01.2025AŞIQ ƏLƏSGƏR FENOMENİNƏ YENİ POETİK BAXIŞ
11.01.2025
"Yeni dünya düzəninin formalaşmasına Azərbaycanın öz strateji baxışı var"- MÜSAHİBƏ
Ter-Petrosyanın açıq etirafları məhkəmə araşdırması üçün təkzibolunmaz faktlardır ŞƏRH
08.01.2025Azərbaycan Respublikası Milli Məclisinin Qərbi Azərbaycana Qayıdış üzrə Təşəbbüs Qrupunun Bəyanatı
08.01.2025Qərbi Azərbaycan İcması Prezident İlham Əliyevin Qərbi azərbaycanlılarla bağlı fikirlərinə dair bəyanat yayıb
08.01.2025Petrosyanın vaxtilə azərbaycanlılarla bağlı səsləndirdiyi ifadələr xalqımıza qarşı deportasiyaların açıq şəkildə bəyan edilməsidir - Ülviyyə Zülfiqar
08.01.2025Bunu hamı bilsin, həm Ermənistan, həm onun arxasında duranlar ki, bu məsələ gündəlikdən çıxmayacaq, o vaxta qədər ki, azərbaycanlılar təhlükəsizlik şəraitində Qərbi Azərbaycana və o cümlədən Qərbi Zəngəzura yerləşəcəklər - Prezident İlham Əliyev
08.01.2025Prezident İlham Əliyev telekanallara müsahibəsində Qərbi Azərbaycan məsələsindən danışıb
07.01.2025AĞAYARIN ŞƏYİRDLİYİ
05.01.2025Qərbi azərbaycanlılara möhtəşəm bir xəbərim var - MÜSAHİBƏ
26.12.2024Dekabrın 26-da Azərbaycanda matəm elan edilib
25.12.2024Şanlı qələbə və İlham Əliyevin ad günü
24.12.2024Prezident cənab İlham Əliyevə "QAİ - Basarkeçər İcması" adından təbrik məktubu.
24.12.2024Dekabrın 21-də Qərbi Azərbaycan İcmasının cari ilin yekunlarına dair Ümumi Yığıncağı keçirilib.
21.12.2024Azərbaycan Prezidenti Rusiya telekanalına müsahibəsində Qərbi azərbaycanlılar məsələsindən danışıb
18.12.2024Şamil Ənvəroğlu şeirlərində fəlsəfi notlar
16.12.2024Qərbi Azərbaycan İcmasının kollektivi Ümummilli Liderin məzarını ziyarət edib
12.12.2024Akif Əli: “Qoy sənə deməsinlər - niyə getmirsən? Qoy desinlər - niyə gedirsən?!”
28.11.2024Londonda yaşayan azərbaycanlı yüksək dərəcəli fəxri ada layiq görülüb
01.11.20241948-1953-CÜ İLLƏRDƏ AZƏRBAYCANLILARIN QƏRBİ AZƏRBAYCANDAN DEPORTASİYASI
22.10.2024
Göyçə.az saytı müstəqil media orqanı olaraq, Oğuz Türklərinin əzəli vətəni - Qərbi Azərbaycanın bütün mahallarının: tarixini, folklor - etnoqrafiyasını, qədim abidələrini, ədəbiyyat və mədəniyyətini; ictimai-siyasi və elm xadimlərinin həyat və yaradıcılığını; qədim Azərbaycan torpaqlarında süni şəkildə yaradılan Ermənistan dövlətinin işğal faktını işıqlandıracaq, yeni nəsilin maariflənməsi üçün öz töhvəsini verəcəkdir.
Təsisçi və baş redaktor: Qılman İman
Baş redaktorun müavini: İlqar İsmayıl
Redaktor: Günay Vəlizadə
E-poçt: [email protected]
