İntiqamın arzusu: “Mənə elə rəssam verin ki, məni ayaq üstə çəksin”

09:52 / 24.11.2021
Baxılıb: 262

Hər hansı bir şəxsi sevindirmək savabdır, Allaha da xoş gedər, bəndəyə də. Hələ o şəxs fiziki qüsurlu şəxs ola... Atalar demişkən, sən yaxşılıq elə, balığı at dəryaya, balıq bilməsə də, Xaliq bilər. 1-ci qrup əlil İntiqam Hüseynov mənə müraciət etdi: “Məndən yazı hazırlasanız və ya şeirlərimin işıq üzü görməyinə kömək etsəniz, yaxşılıq etmiş olarsınız, məni çox sevindirərsiniz”. Mən əvvəl tərəddüd etdim. Çünki tanımadığım biri haqqında yazı hazırlamaq böyük məsuliyyətdir. Bunun üçün ya şəxsi yaxından tanımalı, ya müsahibə götürməli, ya da gərək o şəxs məhşur olsun ki onun haqqında araşdırma aparılsın, bilgilər əldə edilsin. Bu zaman yazı ortaya çıxa bilər. Bu ürəyitəmiz, saf arzularla yaşayan, arzularına çatmaq üçün əngəlli olduğu üçün mücadilə edə bilməyən İntiqam bəyə ürək ağrısı ilə suallar ünvanladım. Əksər suallarım cavabsız qaldı, çünkü bu şəxsin həyatı əslində ağ və qara rənglərdən ibarətdir, o rənglərin harmoniyasını görə bilmir. Yeddi yaşından Miyopatiya xəstəliyindən əziyyət çəkən Göygöl rayon Həcıməlik qəsəbəsinin sakini İntiqam digər normal uşaqlar kimi məktəbə birinci sinfə gedir, həyətdə uşaqlarla oyunlar oynayır. Yaş irəllədikcə xəstəliyinin əlamətləri ortaya çıxır və bu ailəni məyus edir. Xəstəliyinin səbəbi dəqiq məlum olmasa da, İntiqam bunun qan qohumluğundan və ya müalicənin səhf aparıldığından şikayətlənir: “28 yaşım var. Mənə anam qulluq edir, onun varlığından və yediyim çörəkdən razıyam. Şükür edirəm Allaha. Ən böyük arzum ayaqlarım üzərində durmağım, normal insanlar kimi yeriməyim, işlə təmin olunmağımdır. Amma təhsilim yoxdur”.

Təhsili olmayan, ayaqları üzərində dura bilməyən, qollarını yuxarı qaldırmaqda çətinlik çəkən, yalnız kompüter qaşısında əyləşib, Microsoft Word proqramında yazı, şeir yazıb, sosial şəbəkələrlə maraqlanan fiziki qüsurlu şəxsə iş təklifi edən olarmı?! Bəlkə də olar, ürəyi yanan biri… Bəs Miyopatiya necə xəstəlikdir? Miyopatiya əzələ toxumasını zədələyən xəstəliklər qrupudur, əlaməti əzələ zəifliyi (daha çox ətrafların bud - çanaq və bazu - çiyin hissəsində), gücsüzlük, yorğunluq, ağrıdır. Xəstəlik irəlilədikcə əzələlərdə arıqlama müşahidə olunur. Bəzən isə əzələ toxumasının yerini piy toxumasının tutması nəticəsində əzələ kütləsinin artması baş verir. Vaxtında qoyulmuş düzgün diaqnoz, xəstəliyin səbəbinin araşdırılması və düzgün müalicə sxemi seçməklə xəstəliyin daha da ağırlaşmasının qarşısını almaq olar. Baş və onurğa beyin cərrahı, həkim Bəhruz Eyvazov: “Bu xəstəlik sinir əzələkeçiricinin pozulması ilə gedən xəstəlikdir. Bunun müxtəlif növləri var. Erbin yuvenal forması, Bekker miyopati, Myopati Landuzi-Dezherina, Gözün miyopati, İnflamator miyopatiya. Belə xəstələrdə hərəkətlər məhdudlaşır. Belə ki, xəstələr oturduqları yerdən qalxmaqda, pilləkən çıxmaqda, hətta saçlarını daramaqda, hündürdəki əşyaları götürməkdə belə çətinlik çəkirlər. Sağalmayan bir xəstəlikdir. Bu sahə ilə nevropotoloqlar məşğul olur”. Savadsız, səhlənkar həkimlər insanların arzularını ürəyində qoya, onları ömürlük əlil arabasına məhkum edə bilər. Yaxşı həkimlər səhlənkar qrupun güdazına getməsin deyə, pasiyentlə diqqətli davranmalıdırlar. Pasiyent sağalmaq uğrunda çox əngəllər aşır. Maddi çətinliyi dəf edir, müayinə, doğru diaqnoz, keyfiyyətli dərman, dərmandan sonra sağalmaq... Azərbaycanda pasiyent hüquqları ölkə konstitusiyasının 41-ci maddəsi və 1997-ci ildə qəbul edilən "Əhalinin sağlamlığının qorunması haqqında Qanun"da öz əksini tapır. Qanunda qeyd edilir ki, pasiyentin hüquqları pozulduqda, o, müalicə-profilaktika müəssisəsinin rəhbərliyinə, müvafiq icra hakimiyyəti orqanına və ya qanunvericilikdə müəyyən edilmiş qaydada məhkəməyə müraciət edə bilər. Azərbaycan Respublikasının ali tibb təhsili müəssisələrini bitirmiş və həkim diplomu almış şəxslər “Hippokrat andı” içirlər. Həkim andını pozan həkimlər qanunla müəyyən edilmiş qaydada məsuliyyət daşıyırlar. Vətəndaşların sağlamlığına vurulan ziyanın ödənilməsi tibb və əczaçılıq işçilərini qanunla nəzərdə tutulmuş intizam, inzibati, yaxud cinayət məsuliyyətindən azad etmir. Tibb və əczaçılıq işçiləri öz peşə vəzifələrini lazımi səviyyədə yerinə yetirmədikdə, sağlamlığın qorunması sahəsində vətəndaşların hüquqlarının pozulması hallarında qanuna uyğun olaraq məsuliyyət daşıyırlar. İntiqam ürəyindən keçənləri ağ kağız üzərinə köçürərək, sakitləşir. Bir ürək dağlayan şerində o qeyd edir: “Mənə elə rəssam verin ki, məni ayaq üstə çəksin, heç olmasa şəkildə ayaq üstə özümü görüm. Mənə elə rəssam verin ki, məktəbə getdiyim uşaqlıq şəklimi çəksin, o ötən günlər necə də qayğısız çağlarım idi. Mənə elə rəssam verin ki, anamın boynunu qucaqladığım yerdə çəksin, çünki onu çox istəyirəm”. İnşallah, İntiqam bəy, belə bir rəssam qarşınıza çıxar və sizi istədiyiniz kimi təsvir edər. Allah ananıza, sözün əsil mənasında yaxşı analara ömür versin ki, hər zaman övladlarına dəstək, dayaq olsun! Mən o ananızı çox yaxşı başa düşürəm. Çünkü bütün valideynlər istəyər ki, övladı xoşbəxt olsun…

Pərvanə Fərhadqızı


Etiket:
Xəbərlər

İntiqamın arzusu: “Mənə elə rəssam verin ki, məni ayaq üstə çəksin”

24.11.2021

AŞIQ ABBASƏLİ NƏZƏROV

22.11.2021

Altmış ilin sözə dönən anları 

27.09.2021

Şəhid qardaşıma məktub – Günay Vəlizadə yazır
   

25.09.2021

Nazilə Gültacın təqdimatında könül yolçuluğumuz davam edir. Bu dəfəki könül yolçumuz Gülay Toldur.

08.09.2021

UĞUR ƏNGƏL TANIMIR

07.09.2021

Göyçə mahalının Basarkeçər rayonu İkinci dünya müharibəsində

02.09.2021

Nazilə Gültacın təqdimatında könül yolçuluğumuz davam edir. Bu dəfəki könül yolçumuz Üzeyir Güleçdir.

02.09.2021

Nazilə Gültacın təqdimatında könül yolçuluğumuz davam edir. Bu dəfəki könül yolçumuz  Turğay Değrimencidir.

30.08.2021

Sən özün bir kitabsan - Aygün Xəlilqızı yazır

07.08.2021

Aşıq Ələsgərin gürcü dilində nəşr edilən şeirlər kitabının təqdimatı keçirilib

06.08.2021

"Dədə Ələsgər ocağı" İctimai Birliyinə professor Ələddin Allahverdiyevin təbrik məktubu.

17.07.2021

Azərbaycan təbiəti və Aşıq Ələsgər

08.07.2021

Aşıq Ələsgərin gürcü dilində şeirlər kitabı nəşr olunub.

30.06.2021

Bağırovun NKVD "padvalında" döydüyü qatı bolşevikin dəhşətli aqibəti

08.06.2021

Tbilisidə Mehriban Əliyevaya həsr olunan gürcü dilində kitab təqdim edilib

07.06.2021

QƏRBİN QURUMUŞ GÜLLƏRİ, ŞƏRQİN DÖYÜNƏN QƏLBİ...  

26.05.2021

Ermənilərin QARAGÖL sevdası: "Xəritə üzərində o ərazilər Azərbaycanındır" - İki müəllimin SSRİ-nin fərmanına ÜSYANI 

25.05.2021

Dəmir yumruğun memarı Heydər Əliyevdir

10.05.2021

Daşkənd kəndinin İkinci Dünya Müharibəsi Veteranları

09.05.2021

Nazilə Gültacın şeirləri - İlahi, göylərə bir yuxu göndər.

19.04.2021

"Adım Ələsgərdir, Göyçə mahalım!" adlı online bədii konfrans keçirilmişdir.

19.04.2021

Azərbaycan Silahlı Qüvvələrinin zabiti Orxan Məmmədovu Səlcuq Bayraktar mükafatlandırdı.

06.04.2021

GÖYÇƏYƏ AÇILAN PƏNCƏRƏLƏR...

30.03.2021

AŞIQ ƏLƏSGƏRİN “YÜKÜM” RƏDİFLİ DİVANİSİNİN AÇIQLAMASI

29.03.2021

Milli-mədəni sərvətlər xəzinəmizə misilsiz töhfələr bəxş etmiş dahi sənətkar

21.03.2021

Aşıq Ələsgərin vəfatı

07.03.2021

Xocalı soyqırımı haqqında məlumat

26.02.2021

Onu anasının dolmuş gözlərində gördüm

25.02.2021

Aşıq Ələsgərin kötücəsi "OSCAR"-a layiq görüldü.

23.02.2021

“Mən Göyçə mahalına, sonra Abasqulu bəyin yurduna getmək istəyirəm”!-Zahid Oruc

23.02.2021

Başın sağ olsun, Vətən!

20.02.2021

Azərbaycanlı əməkdar jurnalist vəfat etmişdir.

20.02.2021

Sahib Alıyev: Nizami ilində Dədə Ələsgərin yubileyinin keçirilməsində mən bir rəmzilik görürəm.

19.02.2021

Prezident İlham Əliyev "Aşıq Ələsgərin 200 illik yubileyinin qeyd edilməsi haqqında" sərəncam imzalayıb.

19.02.2021

Lirik etiraf və bədii özünüifadənin lakonik forması

18.02.2021

18.02.2021

MİN  BƏZƏKLİ XALIYDI GÖYÇƏ...

12.02.2021

Erməni silahlıları Göyçənin Şorca kəndinin bütün kişilərini öldürürlər

09.02.2021

Daun sindromlu müəllim Noelia

06.02.2021

Qanun keşiyində dayanan idmançı

05.02.2021

40 min muzey sərvəti, 900-dən çox tarixi mədəniyyət abidəsi, 403 tarixi-dini məkan…

04.02.2021

Səadət Şıxıyeva: "Ədəbi dilimizlə bağlı bənzər təhdid və təhlükəli məqamlar bu gün də var"
 

03.02.2021

ADIM ƏLƏSGƏRDİ, GÖYÇƏ MAHALIM !

26.01.2021

Müharibə necə başladı? - Tofiq Şahmuradovun döyüş gündəliyindən 

25.01.2021

Azad Qarabağın Azad Qəhrəmanı

23.01.2021

Sənətin seçdiyi adam – şəhid Həmdəm Ağayev

21.01.2021

20 Yanvar - Azərbaycan xalqının qəhrəmanlıq salnaməsi

20.01.2021

Yüz il əvvəlin məqaləsi – Məşhur Azərbaycan marşı

15.01.2021

Vətən müharibəsinin xanım şəhidi Arəstənin büstü hazırlandı

12.01.2021
Bütün xəbərlər