Həsən-nənə, Həsən-baba qoşadı,
Xaşbulaq yaylağı xoş tamaşadı.
Arsız aşıq elsiz niyə yaşadı,
Ölsün Ələsgər tək qulların, dağlar!
Göyçəsiz olmur, bir ömrün yurdsuz nə faydası… Düz, 36 il də belə gəlib keçdi, biz Qərbi Azərbaycanlıların sinəsi 36 min dəfə belə dağlandı. Amma cənnət guşəmiz Qarabağın azadlığına qovuşması ürəyimizə sərin su səpdi, bizim də həsrətimizin bir gün sona yetəcəyinə ümid yaratdı. Azərbaycan Prezidenti, Cənab Ali Baş Komandanın əzmkarlığı, hər gün daha bir uğura imza atması bizi əmin edir ki, o gözəl yurd-yuvamıza dönəcəyik və bu həsrət bitəcək.
Əslində yurd adamları olmadan bir torpaq parçasıdır. Düşünürəm ki, 36 il həsrətə tab gətirə bilməyimizin bir səbəbi də yurddaşlardır, yurdu öz içində daşyan adamlarımızdır.
Onlar olmadan yurdun da qiyməti olmazdı. Yurd adam-adam yurd olar, adam-adam da yurd azalar.
Göyçəni də yurd eliyən adamlardan biri, hamımızın sevimlisi, Azərbaycanın əməkdar jurnalisti Qədir Aslandır. Qədir Aslan(Aslanov) imzası ilə 1970-ci illərdən qiyabi olaraq tanış idim. Demək olar ki, hər ikimiz Göyçə gölünün sağ və sol sahillərində eyni mühitdə doğulub boya başa çatmışıq. Mən İcevan rayonunun Göyərçinli kəndində, Qədir müəllim isə Göyçə mahalının Basarkeçər rayonunun ucqar dağ kəndində anadan olmuşuq.
Xatırlayıram, rəhmətlik atam İcevan rayonunun Salah kəndində kolxoz sədri vəzifəsində çalışdığı üçün, payız aylarından başlayaraq rayonumuzun sıx meşəliklərindən odun tədarük edib, qışda Basarkeçər rayonunun kəndlərinə göndərərdilər. Bizim rayondan fərqli olaraq Basarkeçər rayonunun kəndləri meşəsiz, yaşıl dağların ətəyində yerləşirdi. Kəndlərin heç birində qaz yox idi. Əksəriyyətində isə elektirik enerjisi olmadığı üçün insanlar yanacaq kimi yalnız təzəyin ümidinə yaşayırdılar.
Göyçədə qış son dərərcə sərt keçərdi. Oktyabr, noyabr aylarından başlayaraq, may ayının ortalarına qədər şaxtalı, sazaqlı olardı. Eləki may ayı gəldi, təbiət Göyçənin üzünə gülərdi. Dağlar al əlvan geyərdi, laləzərli göyçəmənlər, min dərdin dərmanı olan buz sulu bulaqların şırıltısı nəğməkar quşların səsinə səs verərdi.
Qədim aşıq sənətinin vətəni olan bu gözəl yurdda təbiət çox istedadlı insanlar yetişdirib tarixən. Orada hər 3 nəfərdən biri ya şair, ya da aşıq olardı. Qədir Aslan da o saf mühitin yetirdiyi istedadlardan biri idi.
Xatırlayıram, 70-ci illərin əvvəllərində Basarkeçər rayonunda çıxan “Bolluq uğrunda” və “Sovet Ermənistanı” qəzetlərində Qədir Aslanov adlı bir gəncin çox maraqlı məqalələri, xüsusən də felyeton janrında yazdığı yazılar dillər əzbərinə çevrilmişdi.
Onun bu mətbu orqanlarda çıxan “Hamam əhvalatı”, “Sədrlə anbardarın söbəti”, “Aşot bazar açıb” felyotonları dərc ediləndə hamı o haqda danışardı. Onun satirik yazıları çıxanda rayon partiya komitəsinin plenumunda müzakirə olunardı və Qədir Aslanın qələminə tuş gələnlər haqda ciddi ölçü götürülərdi. O dövr jurnalist peşəsinə sahib olmaq çox çətin idi. Bu ideoloji sahə olduğu üçün, ermənilər xüsusən bu sahədə Azərbaycanlı kadrların yetişməsinə imkan vermirdilər.
Basarkeçər rayonunda birinci katib işləyən, Yunus Rzayev, təhsil şöbəsinin müdiri Tapdıq Əmiraslanov, Basarkeçər rayon partiya komitəsinin katibi Qəşəm Aslanov çətin də olsa, azərbaycanlı kadrların Göyçədə qalıb işləmələri üçün gücləri çatan qədər imkan yaratmağa çalışırdılar.
Qədir müəllim də gənc kadrlardan biri kimi, qısa zamanda peşəkar jurnalist olaraq özünü təsdiqləmişdi.
Sözün düzü, o zamanlar elə düşünürdüm ki, Qədir müəlllim rəhmətlik Qəşəm Aslanovun qardaşı və yaxud əmisi oğlu olduğu üçün qəzetdə müxbir fəaliyyətinə başlaya bilib.
O dövrlər Göyçə basarağında elm və mədəniyyət adamlarının, tanınmış simaların Qərbi Azərbaycan ictimaiyyətinə çatdırılması, onların haqq və hüquqlarının qorunmasının ağırlıq yükü daha çox jurnalistlərin üzərinə düşürdü.
Qədir müəllim də bu sahədə üzərinə düşən tarixi missiyanı böyük cəsarət və məharətlə yerinə yetirən şəxsiyyətlərdən biri idi. Tale elə gətirdi ki, Qədir müəllimlə 1990-ci illərin sonlarında təhsil nazirliyində keçirilən bir tədbirdə görüşdük. Adını, soyadını deyən kimi, qiyabi olaraq onu tanıdığımı bildirdim. O zaman bildim ki, Qədir müəllim Azərbaycanın tanınmış ictimai-siyasi xadimlərindən biri, millət vəkili, professor Səfiyar Musayevin əmisi oğludur.
Etiraf edim ki, Göyçə basarağında Nərimanlı kəndi elm mərkəzi kimi şöhrət qazanmışdı. O kənddən Bakıda bir neçə elmlər doktorları, professorlar, millət vəkilləri var idi. Keçmiş millət vəkilləri Səfiyar Musayev, Maksim Musayev, professor Qurban Bayramov, fəlsəfə elmləri doktoru Maqsud Cəlilov, uzun illər Ermənistanda yüksək vəzifələrdə çalışmış Talıb Musayev, Zərbalı Qurbanov və çox sayda tanınmış həkimlər balaca bir dağ kəndinin yetirdiyi şəxsiyyətlərdi.
Bir məqamı xüsusi vurğulamaq istəyirəm ki, o insanlar bir mənalı olaraq Ulu Öndər Heydər Əliyevin rəhbərliyi ilə ölkəmizdə həyata keçirilən hüquqi, demokratik dövlət quruculuğu islahatlarına xüsusi töhfələr veriblər. Bu gün də Prezident İlham Əliyevin rəhbərliyi ilə Azərbaycanda məqsədyönlü islahatlararın həyata keçirilməsində o kəndin yetirmələri əllərindən gələni əsirgəmirlər.
Mən təhsil naziri olduğum illərdə hər gün “Respublika” qəzeti masamın üzərinə gətirilərdi.
“Respublika” qəzetinin elə bir sayı olmazdı ki, Qədir Aslanovun müxtəlif sahələri özündə əks etdirən yazıları dərc olunmasın. O, ölkəmizdə təhsil sahəsində həyata keçirilən islahatlarla bağlı fundamental yazılarla çıxış edər, təhsil sahəsində olan uğurlarla yanaşı mövcud problemləri təkliflər qismində o qədər ustalıqla yazardı ki, o problemlərin aradan qaldırılması istiqamətində həyata keçirtdiyimiz tədbirlərdə onları nəzərə alardıq.
Heç də təsadüfi deyil ki, 1771-ci ildə İngiltərə parlamentində çıxış etmiş Cek Keyder jurnalistikanı “dördüncü hakimiyyət” adlandırırdı. Həqiqətən də bu peşə böyük məsuliyyət və şərəf deməkdir. Jurnalistika həm də cəmiyyətin güzgüsüdür. Yəni jurnalist ölkədə baş verən xırda hadisədən böyük tədbirlərə qədər hər şeyi xalqa çatdıran, dünya ictimaiyyətinə xəbər verən və bilavasitə təmsil etdiyi cəmiyyət haqqında müsbət və ya mənfi rəy yaradan şəxsdir.
Əsl Jurnalistlər dövlətin sütunlarıdır. Onları böyük bir okeanda üzən gəminin kapitanları adlandırmaq olar: hansı istiqamətə getsələr, nə yazsalar, xalq da onlarla gedəcək, həmin məlumatı oxuyacaq. Bu baxımdan hesab edirəm ki, Qədir müəllim istər Qərbi Azərbaycanda çalışdığı illərdə, istərsə də çağdaş dövrümüzdə əsl vicdanlı jurnalist, yazıçı və publisist kimi öhdəsinə düşən tarixi missiyanı ləyaqətlə yerinə yetirərək, daima müstəqil dövlətimizin keşiyində duran ziyalı obrazını özündə cəmləşdirib.
Əminliklə deyə bilərəm ki, Qədir Aslan, iti qələminə, fitri istedadına söykənərək Göyçə mahalının ucqar dağ kəndindən başlanan yaradıcılıq uğurunun Bakı zirvəsini fəth edib. Əməkdar jurnalistin alın təri ilə böyütdüyü övladları da bu gün atalarının şərəfli yolunu yorulmadan davam etdirirlər.
Onun oğlu Möhsüm Qədir oğlu və qızı Esmira Aslanova uzun illər Lider və Azərbaycan Televiziyasının Ukrayna və şərqi Avropa ölkələri üzrə xüsusi müxbiri postunda çalışıblar. 20 ildən çoxdur onlar da atalarından sonra qoşa zirvə kimi qələmə sarılaraq, ölkəmizi Avropada və Türkiyədə ləyaqətlə təmsil edirlər. Ata və övladlarının dünya azərbaycanlılarının vahid Azərbaycançılıq məfkurəsi ətrafında birləşməsində misilsiz xidmətləri var.
Qədir müəllim, peşəkar jurnalist olmaqla yanaşı, həm də, yazıçı, publisist kimi bir çox kitabların müəllifidir. Onun,” Goranboy Qartalları”, “Qədim oğuz yurdunun Milli Qəhrəmanları”, “Göyçə şəhidləri”, “20-ci əsrin Koroğlusu” kitabları Azərbaycanın müstəqilliyi uğrunda canlarından keçmiş oğul və qızlarımızın qəhrəmanlıq tarixinin gələcək nəsillərə çatdırılmasında müstəsna rol oynayır. Qədir Aslanın yaradıçılıq imkanları çoxşaxəli və çox vektorludur. O, qələmini bütün sahələrdə sınaqdan keçirərək, uğur qazanıb. Bu baxımdan onun peşəkar jurnalist fəaliyyətini indiki gənc nəslə örnək və nümunə göstərmək olar.
Qədir müəllim ömrününün 80-ci baharına qədəm qoyur.
Həyatının 44 ilini qədim oğuz yurdu olan Göyçə mahalında, 36 ilini Bakıda yaşayıb yaradan Qədir Aslanı 80 illik yubileyi münasibəti ilə ürəkdən təbrik edir, ona sağlam ömür arzulayıram.Əminəm ki, tezliklə qədim yurd yerlərimiz olan Göyçə Mahalı, İcevan, Dilcan rayonu, İrəvan şəhəri, Vedibasar, Qaraqoyunlu dərəsi, Dərələyəz mahalı möhtərəm prezidentimiz İlham Əliyevin uğurlu siyasəti nəticəsində yenidən öz doğma sakinlərini qoynuna alacaq.
Qədir müəllim ömürünün ahıl çağlarını o yerlərdə yazıb yaradacaq. Onun 90-100 illik yubileyini əzəli torpaqlarımızda qeyd edəcəyik.
Əminəm ki, Qədir Aslan yaradıcılığının qoşa zirvəsi həm maddi, həm mənəvi anlamda öz doğma yurd-yuvasında bir daha ən uca zirvəsinə qovuşacaq!
Professor Misir Mərdanov, AMEA-nın müxbir üzvü, AMEA-nın Riyaziyyat və Mexanika İnstitunun direktoru
XARİCDƏ YAŞAYAN AZƏRBAYCANLI ALİMLƏRİN I FORUMU
06.09.2024İndiki tarixi mərhələdə Aşıq Ələsgərə olan böyük ehtiyacımız
03.08.2024“Nitq və eşitmə qabiliyyəti məhdud şəxslərlə iş” adlı inkluziv layihəyə start verilib
03.08.2024“MƏDƏNİYYƏTİMİZİN ZƏNGİNLƏŞMƏSİNDƏ AŞIQ ƏLƏSGƏR AMİLİNDƏN İSTİFADƏ MEXANİZMİ” ADLI ELMİ KONFRANS KEÇİRİLİB
01.07.2024“Mədəniyyətimizin zənginləşməsində Aşıq Ələsgər amilindən istifadə mexanizmi” elmi konfransı iştirakçılarına
29.06.2024“DƏDƏ ƏLƏSGƏR OCAĞI” KİTABI NƏŞR OLUNUB
27.06.2024“Qərbi Azərbaycan Kuboku” uğrunda minifutbol turnirinin açılış mərasimi keçirilib
26.06.2024Vətən anam, Vətən eşqim, ovqatım.
Yaddan çıxmaz dəyəri var Göyçənin.
Qərbi Azərbaycan əsilli iki gəncin toy mərasimi təşkil olunacaq. Naxçıvanda “Qərbi Azərbaycana qayıdış” festival-konqres keçirilir.
21.06.2024POEZİYA BİLİCİSİ HƏKİM
18.06.2024Ramiz Əsgər 70 ili belə yaşadı... - MÜSAHİBƏ
24.05.2024Qədir Aslan yaradıcılığının qoşa zirvəsi
15.05.2024Ikinci Dünya savaşında həlak olan Aşıq İdris
12.05.20249 may 2024-cü ildə “Xəmsə” şadlıq evində Basarkeçər rayon Daşkənd icmasının görüşü keçirilmişdir.
11.05.2024Nərimanlı kənd sakinləri, o cümlədən Qarabağ müharibəsinin bir qrup iştirakçısı ilə görüş keçirilib. Nərimanlı sakinlərinə üzvlük vəsiqələri TƏQDİM OLUNUB.
10.05.2024Basarkeçər rayon Daşkənd icmasının görüşündə tədqiqatçı-jurnalist Araz Yaquboğlunun çıxışı
10.05.2024Əhliman Əmiraslanov: Azərbaycan xalqının Ulu Öndərə olan məhəbbəti əbədidir
10.05.2024NARINCI YUXULAR
08.05.2024ÇİÇƏYİN SÖZ KƏRPİCLƏRİ
08.05.2024NƏQA MİNMƏK NƏDİR?
08.05.2024Sona Abbasəliqızı Türkiyədə “İlin tarixi roman yazarı” ödülünə sahib oldu
28.04.2024Oxuduğu məktəbdə adı əbədiləşən - ŞƏHİD ELŞAD HƏMİDOV.
20.04.2024Mədəniyyətimizin zənginləşməsində Aşıq Ələsgər amilindən istifadə mexanizmi
16.04.2024Aşıq Ələsgər xalqımızın Qərbi Azərbaycandan deportasiyası dövrünün qurbanı, canlı şahidi kimi
01.04.2024ORDA BİR KƏND VAR, UZAQDA... DOĞMA QARAQOYUNLUM - FOTO
26.03.2024NOVRUZ XALQIMIZIN MİLLİ BAYRAMIDIR!
20.03.2024Bayram Aslanov “Heydər Əliyevin 100 illiyi” yubiley medalı ilə təltif edilib - Fotolar
19.03.202416 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023