Göyçənin uzaqlardakı səsi...

Ulu Göyçə mahalında adı min illərin o tayından xəbər verən qədim bir kənd vardı... Sıldırım qayalarla, yastı çəmənlərlə, başı buludlara dəyən dağlarla əhatələnmiş böyük coğrafi əraziyə malik Şişqaya kəndi. Zəngin təbiət gözəlliyinə malik bu ulu oğuz yurdunda – Şişqaya kəndində neçə - neçə düşüncə, fikir adamları dünyaya gəlmişdir ki, onların hər biri bu gün dövlət və dövlətçiliyimizə sadiq tanınmış ictimai-siyasi xadim, görkəmli elm adamları, ümumbəşəri hisslərlə yaşayan mübariz vətən övladlarıdı. O, adıyla öyünüb, qürur duyduğumuz şəxsiyyətlərdən biri də günümüzün məşhur isimlərindən, beynəlxalq hüquq arenasında dəqiqliyi və ədalətli mövqeyi ilə seçilən, tanınan Elman Məhərrəm oğlu Paşayevdi.

Elman Məhərrəm oğlu Paşayev 22 dekabr 1971-ci ildə Şişqaya kəndində doğulsa da, sonralar ailəlikcə Şəki şəhərinin Şəki kəndinə köçmüş, orta məktəbi də həmin kənddə bitirmişdir. 1989-1991-ci illərdə Odessa və Pridnestrovya vilayətində hərbi xidmət keçdikdən sonra Bakıda hüquq -mühafizə orqanlarında çalışmışdır. Böyük arzuları onu 1997-ci ildə təhsilini davam etdirmək üçün Moskva şəhərinə gətirmiş, burada əvvəl Moskva Hüquq İnistitutunu, Moskva (indiki Kutafin adına) Dövlət Hüquq Akademiyasını, sonra həmin akademiyanın aspiranturasını bitirmişdir.

Təhsilin insan həyatındakı böyük əhəmiyyətini, onun zəruri məqamlarını dərindən dərk edən Elman Paşayev aldığı iki hüquq təhsili ilə kifayətlənməmiş, daha sonra Mediasiya İnstitutunu  (медиация) oxumuş, bir müddət mediatr kimi fəaliyyət göstərmişdir. Eyni zamanda Prezident yanında Moskva Dövlət İdarəçilk Akademiyasında da təhsil almışdır. 2003-cü ildən hüquqşünas kimi fəaliyyətə başlayan Elman Paşayev həmişə qanunun aliliyi uğurunda prinsipal mövqe sərgiləyərək ədalətli hüquqşünas kimi keçmiş MDB məkanında, Avropa ölkələrində, Amerka Birləşmiş Ştatlarında və dünyanın başqa inkişaf etmiş aparıcı dövlətlərində böyük şöhrət qazanmışdır.

Hz.Məhəmməd Peyğəmbərin “ Elm Çində də olsa get ” kəlamını həyat devizinə çevirən Elman Paşayev təhsilini Fransanın Starsburq şəhərində Beynəlxalq İnsan Hüquqları İnstitutunda təkmilləşdirmişdir. Daima öz üzərində işləyən Elman Paşayev, dünyada gedən beynəlxalq hüquqi prosesləri dərindən öyrənmək üçün dünyanın bir çox ölkələrində  - Amerka Birləşmiş Ştatlarında, Nyu-Yorkda, Vaşiqtonda, Holivudda Müəllif Hüquqları Yüksək İxtisaslaşma kurslarının dinləyicisisi olmuş, eyni zamanda qazandığı elmi-praktiki təcürbəni beynəlxalq arenada da tətbiq etmişdir.

İngiltərədə, Londonda, Yaponyada, Tokiyoda (dünyanın ən qabaqcıl Üniversitetlərində (Amerkada, Oksvortda) tanınmış təhsil ocaqlarında mühazirələr oxumuşdur. 15 ildən artıq beynəlxalq səviyyədə vəkillik fəaliyyəti ilə məşğul olan Elman Paşayev yaşadığı Moskva şəhərində Rusiya Federasiyasının ən ali orden və mükafatlarına layiq görülmüşdür.

Hazırda dünyanın bir çox dövlətlərində - Avropa ölkələrində, Amerkada, Yaponiyada şəbəkə şəklində fəaliyyət göstərən “ Elman qrup ” Beynəlxalq Hüquq Holdinqinin rəhbəridir. Rusiyada bir çox nüfuzlu şirkətlərlə bərabər Rusiya Federsiyası Müdafiə Nazirliyində Veteranlar Şurasının hüquqlarının qorunması və müdafiəsi də Elman Qrupun faəliyyətinə daxildir.

İki övlad atası olan Elman Paşayevin oğlu Elvin Paşayev Rusiya Müdafiə Nazirliyinin Hərbi Akademiyasında Hüquqşünaslıq ixtisası üzrə təhsil alır. O, futbola maraq göstərməklə yanaşı, incəsənətə də bir hobbi kimi maraq göstərir. Elvin həm də həvəskar aktyor kimi bir çox filmlərdə də özünü sınayıb. Moskvada Avstriski Gimnaziyada təhsil alan qızı 15 yaşlı Paşayeva Riyana Koliforniyada keçirilən olimpiada da birinci yer tutub. London olimpiadasına da dəvət alıb.

Dörd dildə - İngilis, Alman, Rus,Türk dillərində sərbəst danışan Riyananın arzusu diplomat olmaqdır.“ Göyçə mənim qibləgahımdı ” – deyib ürəyi həmişə Azərbaycanımızın bütövlüyü uğurunda döyünən; vətənimizin haqq səsini hüququ müstəvidə uca kürsülərdən söyləyən Elman Paşayevə öz nəcib peşəsində uğurlar, ailə səadəti, bir də doğma Göyçəmizə dönməyi diləyirik.

Hazırladı:Qılman İman, Elnur Məmmədov

Goyce.az