Belə deyirlər; sevgidə son yoxdur. Bitən sevgi yoxdur, bitmiş kimi görünən sevgilər vardır. Sevgi bir ürəkdən o biri ürəyə ən qısa yoldu, düzxətli bir yol. Heç bir yerə ani də olsa dönməyən bir yol. Və əgər o yol cəbhə xəttindən keçibsə, illərin, nə illər e, on illərin sınağından çıxıbsa... Əslində, buna sınaq da demək olmaz. Harada sınayacaqdılar ki? 27, hə, düz 27 il idi ki bir-birini itirmişdilər. Amma hər şey belə başlamışdı…
Əvvəli: http://goyce.az/news.php?id=1011
http://goyce.az/news.php?id=1012
http://goyce.az/news.php?id=1015
http://goyce.az/news.php?id=1015
http://goyce.az/news.php?id=1019
.Bir daha baxır telefonun ekranına. Doğrudanmı bu odur? Tez-tələsik siqaretə əl atır. Əlləri titrəyə - titrəyə mesencerinə yazır: “Salam, Vəfa”.
- Oxudu, amma cavab vermədi. Mən bir daha yazdım: “Mənəm, Ülfət”. Yenə oxudu, yenə cavab vermədi.
Və nəhayət…
Vəfa danışır:
- İsrarla yazırdı. Əl çəkmirdi. Sonda cavab verdim. Sadəcə, “salam” yazdım.
Bu məqamda bir qədər geriyə qayıtmalı olacağıq.
Vəfa müharibədən sonra Gəncədə elmi-tədqiqat institutunda çalışmışdı. Ülfət isə xeyli işə baş vurmuşdu. Amma uzun illərdən sonra təsadüf onları bir dəfə üz-üzə gətirmişdi.
Zaman, 1999-cu ilin dekabrı.
Həmin vaxt Ülfət “20 yanvar” metrostansiyasında qatara minir. İşdən gəlirmiş. Yorğun imiş. “İnşaatçılar”da, qapılar açılanda birdən gözü o biri vaqondakı qıza sataşır. Dəli kimi “Vəfa!!!” qışqırıb, ora qaçır. Basabasda vaqondan birtəhər çıxır. Amma o biri vaqona çata bilmir. Qapılar bağlanır üzünə…
Və ən dəhşətlisi bu da deyil. Ən dəhşətlisi odur ki, təxminən 2011-ci ildən hər ikisi facebook-dadılar. Və bu sosial şəbəkədə dost da olublar. Birinin profilində gül şəkli olub. Digərinkində də tamam başqa bir şəkil. Və bu adamlar illərlə bir-birinə yazdıqlarına rəy bildiriblər, bəyənmə ediblər. Amma...
Ülfət danışır:
- Yadımda deyil, profilimə nə şəkli qoymuşdum. Soyadım da Cıdıroğlu. Abdullayev kimi yox, məhz Cıdıroğlu. Vəfa isə Əliyeva kimi gedirdi. Haradan biləydim budur. Mən onun soyadını bilmirdim. Mən isə bilirsənmi profil şəkli yerinə niyə öz şəklimi qoymamışdım? Xırda bir səbəbə görə. Sadəcə, bunu bacarmırdım. Vəssalam.
***
Zaman: 2018-ci il, Bakı.
Vaxtıyla döyüş yoldaşı olmuş Nizami kişinin yas mərasimi imiş. Yas çadırında oturubmuş. Başqa bir döyüş yoldaşı Mərziyə xanım Ülfəti bayıra çağırır.
- Mənə dedi ki, bir nəfər “Azadlıq” metrosunun yanındadır, yolu tanımır. Onu bura gətirmək lazımdır. Soruşdum ki, kimdir, mən tanıyan adamdımı? Dedi, hə, Vəfadır. Bir anlıq özümü itirdim. Necə? İnan ki, metronun yanına necə gedib çıxmağım yadımda deyil. O idi. Dəyişməmişdi. Salamlaşdıq. Yas yerinə qədər kəlmə kəsmədik. Telefon nömrəsini götürdüm. Bundan sonra tez-tez zəngləşməyə başladıq.
Onlar növbəti dəfə dekabrda görüşürlər. Ülfət qərara alır ki, artıq vaxtdır. Bundan o yana keçmək olmaz.
- Mənim bir istəyim vardı. Ailəm olsun, vətənim bütöv olsun. Bu illər ərzində nə ailəm oldu, nə də vətənim bütöv oldu. Amma ürəyim həmişə Vəfanın yanında olub. Görüşəndə elə beləcə də dedim. Dedim ki, həyat bizi çox sınağa çəkdi. Mən baba, sən nənə yaşındasan. Bəlkə sən məni mən istəyəndən də çox istəyirsən. Qayıtdı ki, mən heç nə bilmirəm, heç nə deyə bilmərəm. Zarafatla dedim ki, kim bilir, gedim ona deyim. Dedi ki, mənə vaxt ver.
Vəfa:
- Qapımıza çox elçi gəlmişdi. Amma həmişə yox demişdim. İndi… İndi isə tərəddüd edirdim. Baxmayın, yaş keçib, görün neçə yaşımız var. Onun 53, mənim 49. Bu yaşda ailə qurmaq istəmirdim. Amma əl çəkmədi. Elə hey israr edirdi. Canımı qurtarmaq üçün razılaşdım (Gülür).
Ülfət:
- Mən hərtərəfli danışdım Vəfayla. Hətta o məqama kimi ki birdən fikirləşərsən, övladımız olmaz-filan, qəti bu barədə düşünmə. Allah verər, qurban olum, çox yaxşı. Verməz, yenə də Allah bilən məsləhətdir. Bir az fikirləşdi. Sonra üzü güldü.
Zaman: 2019-cu il, aprelin 7-si.
Məkan: Samux.
Vəfagil Gəncədə yaşasalar da, əslən samuxludurlar. Onların nişanı da məhz Vəfanın ata-baba yurdunda, Samuxda baş tutur.
Ülfət danışır ki, nişan barədə çox məhdud dairədə məlumatlıydılar.
- Mən maksimum çalışırdım ki, az adam bilsin. Heç toy da istəmirdim.
Vəfa:
- Əksinə, mən toyda israrlıydım (Gülür). Dedim, gəlin paltarında çıxacam evimizdən.
Əvvəl Vəfanın toyu olur. Gəncədə. Özü də toyu hansı günə salsa yaxşıdır? 30 iyun - Sevgililər Gününə.
Ülfət:
- Qəsdən bu günə salmışdılar (Gülür). Düzü, onun yanında oturmaq istəmirdim. Utanırdım. Bu yaşla bəy kürsüsündə? Dedim, bəlkə rəfiqələrinlə oturasan? Gördüm, küsdü. Tez razılaşdım.
Vəfa:
- Yox, toyun 30 iyuna salınması təsadüf idi. Düzdü, Ülfət onu da demişdi ki, ay nə bilim şampan şəlaləsi, fişəng-filan da olmasın. Dedim, hər şey olacaq (Gülür).
***
Qız toyunu yola verəndən sonra Ülfət bacı və qardaşlarına israr edir ki, oğlan toyu keçirilməsin. Gedib gəlini gətirsinlər, vəssalam. Bu dəfə qardaşı hökm edir: “Get, toya çağıracağın adamların siyahısını tut”.
Ülfət:
- Mən yalandan yola verirdim ki, hə, yaxşı, tutaram. Qardaşım Məmmədlə aramızda 10 yaş fərq var, məndən böyükdür. Yanında siqaret belə çəkmirəm. Bir gün bacım qayıtdı ki, Məmməd deyir siyahını tutdu? Gördüm, vəziyyət qəlizdir (Gülür). Dedim, yaxşı tuturam. Beləcə, qohum-əqrəba və döyüş yoldaşlarından, yaxın dostlardan ibarət siyahı tutduq. Toyu 1 həftə sonraya, iyulun 7-nə təyin etmək istəyirdik, amma fikrimizi dəyişdik. Çünki Vəfanın toyunda iştirak edən qazi qardaş və bacılarımıza bir həftə ərzində iki dəfə əziyyət vermək istəmirdik. Ona görə də iyulun 12-nə təyin etdik.
Toy Şəkidə, Baş Göynük kəndindəki şadlıq evində baş tutur. Keçmiş döyüş yoldaşları həyatda da yoldaş olurlar. Azərbaycanın hər yerindən Ülfət və Vəfanın toyunda iştirak etmək üçün qazilər təşrif buyururlar. Toy salonu Azərbaycan bayraqları ilə bəzədilir. Elə onların oturduğu masanın üstündən də milli bayrağımız asılır.
Ülfət:
- Qazilərimizin rəqsinə baxıb, düşünürdüm. İlahi, mən onların çoxunun öz toyunda, hətta övladlarının toyunda belə iştirak etmişəm. Allahın qismətinə bax, deyirdim. Bu nə maraqlı ömür idi yaşamışam. Necə gözəl bir gündür...
Vəfa xanımdan soruşuram:
- Gözünüzün önündə qazi qardaşlarınız, bacılarınız. Heç o qan-qada, lənətə gəlmiş müharibə yadınıza düşdümü?
- Bircə kəlmə deyəcəm. Həmin an xoşbəxt idim.
- Bəs gələcək övladınıza ad fikirləşmisiniz?
...Bir-birinə baxıb, gülümsəyirlər. Necə xoşbəxtdilər, İlahi…
https://www.youtube.com/watch?v=DKS3wJfkeMo
Səbuhi Sədəf
Lent.az
Oxuduğu məktəbdə adı əbədiləşən - ŞƏHİD ELŞAD HƏMİDOV.
20.04.2024Mədəniyyətimizin zənginləşməsində Aşıq Ələsgər amilindən istifadə mexanizmi
16.04.2024Aşıq Ələsgər xalqımızın Qərbi Azərbaycandan deportasiyası dövrünün qurbanı, canlı şahidi kimi
01.04.2024ORDA BİR KƏND VAR, UZAQDA... DOĞMA QARAQOYUNLUM - FOTO
26.03.2024NOVRUZ XALQIMIZIN MİLLİ BAYRAMIDIR!
20.03.2024Bayram Aslanov “Heydər Əliyevin 100 illiyi” yubiley medalı ilə təltif edilib - Fotolar
19.03.202416 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023BÖYÜK MƏZRƏ - GÖYÇƏ MAHALI
10.12.2023Dekabrın 7-də Azərbaycan Rəssamlar İttifaqının Vəcihə Səmədova adına Sərgi Salonunda Qərbi Azərbaycan əsilli rəssamların əsərlərindən ibarət sərgi açılıb.
07.12.2023Tanınmış hərbi ekspert Telman Qasımov İrəvana səfər edib.
05.12.2023HƏYATDA ÖZÜMÜ XOŞBƏXT ADAM HESAB EDİRƏM Ki, HEYDƏR ƏLİYEVLƏ BİRGƏ İŞLƏDİM
04.12.2023AMEA müxbir üzvü, Basarkeçər rayon icma sədri, professor Nuru Bayramov İnönü Universitetinin “Fəxri Doktoru” seçilib - FOTOLAR.
03.12.2023Bax, biz Göyçə torpağındayıq...
29.11.2023BAKI DÖVLƏT UNİVERSİTETİNDƏ “Qərbi Azərbaycanda türk müsəlman abidələrinin erməni vandallığına məruz qalması” mövzusunda elmi seminar keçirilib - FOTOLAR
25.11.2023SƏHRADA YALQIZLIQ
25.11.2023Azərbaycanda ilk dəfə “Qərbi Azərbaycana qayıdış” festival-konqres keçirilir FOTO
23.11.2023İcma: Paşinyan hökumətindən azərbaycanlıların Ermənistanda öz dədə-baba yurdlarına qayıdış hüququnu tanımasını gözləyirik
21.11.2023“Azərbaycan Bayrağı” ordeni və “Vətən uğrunda” medalı ilə təltif olunan - MÜBARİZ QULUYEV BABACAN KƏND İCMASININ SƏDRİ SEÇİLDİ-FOTOLAR
14.11.2023Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirilib
08.11.2023Qərbi Azərbaycan İcmasının Basarkeçər rayonu Dərə kənd sakinləri və Dərəli kökənli gənclərlə görüşü keçirilib.
07.11.2023Ulu Öndər Heydər Əliyev xatirələrdə
31.10.2023"Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı konfrans keçirilib.
30.10.2023Oktyabrın 27-də Qərbi Azərbaycan İcmasında (QAİ) “Ulu Öndər Heydər Əliyev xatirələrdə” kitabının təqdimatı keçirilib.
28.10.2023“Oğul” filminin rejissoru: “Erməni hərbçilərdən biri Natiqin cəsurluğunu etiraf etdi” - MÜSAHİBƏ
26.10.2023Nərimanlı gəncləri ilə görüş keçirilib - FOTOLAR
24.10.2023TANINMIŞ ALİM, İSTEDADLI ŞAİR-PUBLİSİST - RAMİZ HƏSƏNLİ ŞİŞQAYA KƏND İCMASININ SƏDRİ SEÇİLDİ
21.10.2023Ümummilli Lider Heydər Əliyevin 100 illik yubileyinə həsr olunmuş “Qüdrətdən səngərli, qalalı dağlar” adlı konsert proqramı keçirilib.
21.10.2023Erməni dostunun azərbaycanlı yazıçıya hər il yazdığı mesaj: “Axırda...” – Müsahibə
17.10.2023