İnsan var hekayəlik, insan var povestlik, insan var romanlıq kitabdır. İnsan da var nə həyatını, nə də düşüncələrini bir kitaba sığışdıra bilmərsən. Deyirik, Allah hər kəsə eyni istedadı verib. Əslində, biz Allahdan bizi formalaşdıran, sevdirən istedadı götürür, onunla ruhumuzda gizlənmiş gizli mətləbləri kəşf edirik. Özümüz görünməsək, çox zaman unudulsaq da, yaradanın yer üzündə kiçik fiquru obrazında, yaratdıqlarımızın yaddaşlarda qalmağı, dillərdə əzbər olması sonsuz xoşbəxtliyimiz deməkdir. Yəni, doğuluşdan ölümə gedən yolda uduzmamısan.
İstedadlı insanlar xəyalpərəst olur. Məhz xəyalları onu güclü əsər yaratmağa sövq edir. Uşaqlıqdan özümüzün də bilmədən dünyaya gətirdiyimiz arzularımızı, özümüzlə birgə böyütdük, sonra xəyala çevirdik, xəyallarımızı isə yaratdıqlarımızda gərçəkləşdirə bildik: Kitablarda, rəsimlərdə, kinolarda, musiqilərdə...
Mən musiqilərdə xəyallarımın arasında özümü tapmağa çalışırdım. Təsəvvür edin, uşaq ağlımla elə bilirdim qızları da oğlanlar kimi vaxtı çatanda hərbi xidmətə çağıracaqlar. “Bədən tərbiyəsi” dərsində bir az da Şəmistan Əlizamanlının " Can Azərbaycan " ifası altında əsgər kimi düzülüşməyimiz, məni özümə qəhrəman kimi göstərmişdi. Təbii mən mahnının özünü əzbərləmişdim, müəllifin kimliyiylə maraqlanmamışdım.
Düzü, bizə " Xalq " mahnısıdır demişdilər. O vaxt elə bilirdim, mahnını xalq yazıb, dildən-dilə bugünümüzə gəlib çıxıbdı. Tarix kitablarından oxuyana qədər mahnıdan öyrənmişdim, əslində Təbriz bizimdir, sərhədin o tayında gözü yol çəkə-çəkə " Can Azərbaycan " hayqırır.
Həə, Xalq yazmışdı. Şəmistan Əlizamanlı adlı xalq!...
Aradan çox vaxt keçdi, çox musiqilər bəstələndi, xalq dilində əzbər olan mahnılar yenə xalq mahnısı oldu, yenə müəlliflərin adları öz bəstələrinin arasında unuduldu. Qəfildən fərqli mahnı, fərqli səs eşitdik. O vaxt indiki kimi you tube yoxuydu. Daha doğrusu, internetin işartıları yoxuydu, "Allahın möcüzəsi" bildiyimiz iri cib telefonlarla yeni addımlar atırdıq. O vaxt vətənpərvərlik mövzularında verlişlərə, kinolara baxırdıq. Daha doğrusu, göstərirdilər, baxırdıq, öz-özümüzə cəsarətlənirdik, evlərimizə yaxın gizli yerlər axtarırdıq. O ümidlə axtarırdıq ki, ya unudulmuş silah tapaq, ya da əl qumbarası, təhvil verək “polis əmi”lərə, nə var-nə var, başımıza sığal çəkəcəkdilər, nümunəvi qaçqın uşaqları olacaqdıq…
Hiss edirdim, “Cənab leytenant” mahnısından sonra qızlar əsgər sevgililərini ürəklə yola salır, əsgərlər də ümidlə gedirdilər. Bir-iki dəfə əsgər məktubunu həyəcanla oxuyan qızlar da görmüşdüm, özümü onların yerində təsəvvür eləmişdim də... Mən də nə zamansa əsgər, zabit yolu gözləyəcəm…
İgid əsgər, möhkəm dayan. Zaman səni sınayacaq da, gəlişin olmayan yollarda gözləri yol çəkən sevgilin ən yaxşı halda sevgisindən adına görünməz büt düzəldib, öz ürəyində dəfn edəcək də.
Dövlət televiziyasında hər səhər sözləri və musiqisi Şahin Musaoğluna məxsus olan “İgid əsgər, möhkəm dayan” mahnısı Şəmistan Əlizamanlının içdən gələn səsiylə səngərdə dayanan döyüş qardaşlarımız üçün əsl şüar, stimul idi.
Konfutsi demişkən, insan öz dünyasının yaradıcısıdır. Altmış il gəldiyi yolda soyuq olmayan, qürur duyduğumuz sehrli səsiylə əsgər də yola saldıq, şəhid də qarşıladıq, ağladıq da, güldük də, heç vaxt səsinə çatmayacaq səsimizlə səs-səsə verib oxuduq da!...
Şəmistan Əlizamanlının müsahibələrindən birində rast gəlmişdim. Təsəvvür edin, Azərbaycan torpaqlarının azad olunması xəbərinin mətnini hazırlayıb, xəyalıyla ümidlərinin gərçəkləşəcəyini gözləyən insan var qarşımızda və o insanı Allah məhz bizim qismətimizə, musiqi taleyimizə yazıbdı. İkinci Dünya müharibəsində “ Hər şey vətən üçün, hər şey cəbhə üçün” şüarını Qarabağdan bugünə qədər Şəmistan bəyin səsində hiss eləmişik. Məncə, bizimki hiss eləməkdən artıq olub ki, bugün Şəmistan Əlizamanlını öz efrilərimizdə az görsək də, unutmamışıq. Öncə ifa etdiyi mahnıları, sonra adını ürəyimizə, yaddaşımıza yazmış adamdır...
1992-1993-cü illərdə əli silahlı əsgərlərimiz döyüşə təkcə silahla yox, həm də Şəmistan Əlizamanlının yatmış yaddaşları oyadan mübariz ifalarıyla hücuma keçirdilər.
Türk dünyasını çılpaqlığıyla göstərən “Diriliş Ərtoğrul”-da Ozan kimi çıxış etməsi, Türkiyə başqanı Rəcəb Tayyib Ərdoğanın tanıtım çarxında onun səsindən istifadə olunması, bəlkə də qədrini bir az gec bildiyimiz böyük insanın sənətinin əzəmətini bir daha sübut elədi…
İndi efirlərimizdə vətənpərvərliklə bağlı verlişlər yox dərəcəsindədir. Biz indiki nəsil Şəmistan Əlizamanlının mahnılarıyla böyümüşük. Böyümüşük yazıram, qaçqınlıqdan sonra bir növ analarımızın laylalarını dinləmədik, atalarımızla çox zaman keçirə bilmədik, nağıl danışan nənələrimizin ürəyi geridə qoyduğu yurdun həsrətinə xiffət çəkəndə Şəmistan Əlizamanlının əvəzsiz səsi köməyimizə çatdı, bizi əvvəldən yazdığım kimi kiçik qəhrəmanlara çevirdi.
“ Ağ ümid” ifasındakı sözlər kimi kiçik qəhrəmanlar olmaq istəyirdik:
- Güllədən biçilmiş bir köynək ver mənə
Analar saçlarını yolmasın!...
Şəfaqət Cavanşirzadə
Oxuduğu məktəbdə adı əbədiləşən - ŞƏHİD ELŞAD HƏMİDOV.
20.04.2024Mədəniyyətimizin zənginləşməsində Aşıq Ələsgər amilindən istifadə mexanizmi
16.04.2024Aşıq Ələsgər xalqımızın Qərbi Azərbaycandan deportasiyası dövrünün qurbanı, canlı şahidi kimi
01.04.2024ORDA BİR KƏND VAR, UZAQDA... DOĞMA QARAQOYUNLUM - FOTO
26.03.2024NOVRUZ XALQIMIZIN MİLLİ BAYRAMIDIR!
20.03.2024Bayram Aslanov “Heydər Əliyevin 100 illiyi” yubiley medalı ilə təltif edilib - Fotolar
19.03.202416 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023BÖYÜK MƏZRƏ - GÖYÇƏ MAHALI
10.12.2023Dekabrın 7-də Azərbaycan Rəssamlar İttifaqının Vəcihə Səmədova adına Sərgi Salonunda Qərbi Azərbaycan əsilli rəssamların əsərlərindən ibarət sərgi açılıb.
07.12.2023Tanınmış hərbi ekspert Telman Qasımov İrəvana səfər edib.
05.12.2023HƏYATDA ÖZÜMÜ XOŞBƏXT ADAM HESAB EDİRƏM Ki, HEYDƏR ƏLİYEVLƏ BİRGƏ İŞLƏDİM
04.12.2023AMEA müxbir üzvü, Basarkeçər rayon icma sədri, professor Nuru Bayramov İnönü Universitetinin “Fəxri Doktoru” seçilib - FOTOLAR.
03.12.2023Bax, biz Göyçə torpağındayıq...
29.11.2023BAKI DÖVLƏT UNİVERSİTETİNDƏ “Qərbi Azərbaycanda türk müsəlman abidələrinin erməni vandallığına məruz qalması” mövzusunda elmi seminar keçirilib - FOTOLAR
25.11.2023SƏHRADA YALQIZLIQ
25.11.2023Azərbaycanda ilk dəfə “Qərbi Azərbaycana qayıdış” festival-konqres keçirilir FOTO
23.11.2023İcma: Paşinyan hökumətindən azərbaycanlıların Ermənistanda öz dədə-baba yurdlarına qayıdış hüququnu tanımasını gözləyirik
21.11.2023“Azərbaycan Bayrağı” ordeni və “Vətən uğrunda” medalı ilə təltif olunan - MÜBARİZ QULUYEV BABACAN KƏND İCMASININ SƏDRİ SEÇİLDİ-FOTOLAR
14.11.2023Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirilib
08.11.2023Qərbi Azərbaycan İcmasının Basarkeçər rayonu Dərə kənd sakinləri və Dərəli kökənli gənclərlə görüşü keçirilib.
07.11.2023Ulu Öndər Heydər Əliyev xatirələrdə
31.10.2023"Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı konfrans keçirilib.
30.10.2023Oktyabrın 27-də Qərbi Azərbaycan İcmasında (QAİ) “Ulu Öndər Heydər Əliyev xatirələrdə” kitabının təqdimatı keçirilib.
28.10.2023“Oğul” filminin rejissoru: “Erməni hərbçilərdən biri Natiqin cəsurluğunu etiraf etdi” - MÜSAHİBƏ
26.10.2023Nərimanlı gəncləri ilə görüş keçirilib - FOTOLAR
24.10.2023TANINMIŞ ALİM, İSTEDADLI ŞAİR-PUBLİSİST - RAMİZ HƏSƏNLİ ŞİŞQAYA KƏND İCMASININ SƏDRİ SEÇİLDİ
21.10.2023Ümummilli Lider Heydər Əliyevin 100 illik yubileyinə həsr olunmuş “Qüdrətdən səngərli, qalalı dağlar” adlı konsert proqramı keçirilib.
21.10.2023Erməni dostunun azərbaycanlı yazıçıya hər il yazdığı mesaj: “Axırda...” – Müsahibə
17.10.2023