Ağlım kəsəndən, özümü qanandan rəhmətlik atalığımın sayəsində saz və söz vurğunu olmuşam. Saz görəndə içim içimdən keçib. Aşığa, şairə könül vermişəm həmişə...
2015-ci ildə, xoş günlərin birində dayım oğlu dedi ki, bir aşıqla dost olmuşam. İstəyirsənsə, səni də onunla tanış edim. Dedim, niyə istəməyim ki....
Aşıqla bir neçə dəfə telefonla əlaqə saxlayıb söhbət etdik. Nəhayət, ad günümdə dayım oğluna dedim ki, aşığı da götürüb axşam bizə gəlin. Elə də oldu... Həmin axşamı aşıqla üz-üzə görüşüb doyunca söhbət etdik. Aşığın sazının, sözünün sehrinə düşdük. Elə o gündən bu günə aşıqla aramızda yaxın dostluq əlaqəsi yarandı və bu gün də o səmimi münasibətimiz davam etməkdədir.
Bəs bu aşıq kimdir?
Bu dostum saz-söz sahiblərindən çoxlarının yaxından tanıdığı Aşıq Şahsoltan Bəkirovdur. Aşıq respublikamızın axarlı-baxarlı bölgələrindən olan Ucar rayonunun Bərgüşad kəndində dünyaya göz açıb. Cəmi səkkizillik təhsil alıb. Di gəl ki, ağlı söz kəsəndən aşıq sənətinə qarşı böyük məhəbbət bəsləyib. Saz-söz aşiqi olub. Heç bir ustadı olmasa da, haqqdan vergisini alıb. Qədim tarixə malik olan aşıq ədəbiyyatımıza olan sevgisinin sayəsində Qurbani, Abbas Tufarqanlı, Xəstə Qasım, Dədə Ələsgər kimi sənətkarlarımızın yaradıcılığını sevə-sevə öyrənib. O, ustadlardan mənəvi güc alaraq, qəlbində çətirinə sığınılası şeir-sənət işığı yandıra bilən bir sənətkara çevrilib. Şirvan mahalında Aşıq Kərəm kimi tanınıb. Yüksək təhsilinin və savadının olmamasına baxmayaraq, bu el aşığının, el sənətkarının çaldığı hər bir havacatı, İlahi verən qüdrətin, ilhamın sayəsində yazdığı hər bir şeiri dinlədikcə bütün saz-söz aşiqləri kimi, mən də daxilimdən axıb gələn şirin duyğuların axınında axmaya bilmirəm.
Şirvan aşıq məktəbinin layiqli davamçılarından olan Aşıq Şahsoltanın qələmindən süzülüb gələn qoşmaları, gəraylıları, bayatıları, təcnisləri, cığalı təcnisləri, müxəmməsləri, dodaqdəyməzləri, qıfılbəndləri oxuduqca bu aşıq-şairin poetik dünyası önündə heyrət etməyə bilmirsən.
Coşqun bir dəryayam, coşqun bir çayam,
Yanar bir günəşəm, ulduzam, ayam.
Haqqın dərgahından gələn bir payam,
Təbibəm, loğmanam, naşı deyiləm. – deyən sənətkarın sözlərində nə qədər həqiqət vardır. O, çaldığı hansısa bir havacat, yazdığı hər hansı bir şeiriylə könülləri anındaca fəth etməyi bacarır. Onun könül çırpıntılarının sədasına qulaq asdıqca aşığın ilhamının sehrindən nə qədər çalışsan da çıxa bilmirsən.
Yenə də dil açıb aşığın sazı,
Çalıb oxumağa xoşdur avazı.
Həsrətin çəkdiyim bu gözəl yazı,
Görmək istəyirsən, bizim kəndə gəl.
Lalələr qızartmış al yanağını,
Gül-çiçək bəzəmiş baxça-bağını.
Bu gözəl dövranın gözəl çağını,
Görmək istəyirsən, bizim kəndə gəl.
Bu el aşığının, el şairinin şeirlərinin daxili bölgüsünə, qafiyə sisteminə, təşbehlərinə, mübaliğələrinə dərindən nəzər yetirdikdə inana bilmirsən ki, bu sənətkarın cəmi səkkizillik təhsili vardır. Bu şeirlərdəki dolğunluq, mövzu rəngarəngliyi “Xudadan almışam əqli-kamalı” - deyən aşıq-şairin qələminin gücünün mənzərəsini gözlərimiz önündə daha da parlaq canlandırır.
Yaman gündə öz elinin halına
Yanan bilər, yanmayana nə fayda.
Vətən nədir, həsrətindən saralıb
Solan bilər, solmayana nə fayda.
...Ustadından kamilliyin dərsini
Alan bilər, almayana nə fayda.
Aşıq Şahsultanın şeirlərinin dərinliyinə vardıqca, incələdikcə görürsən ki, aşığın qəlbi ən ali insani duyğulara bələnib. Onun şeirlərində Vətənə sevgi, torpağa məhəbbət, yurd yerinə bağlılıq hissləri daha bariz şəkildə çalarlanıbdı.
Şahsoltan hər kəsdən götürməz minnət,
Sözlərim sizlərə olsun vəsiyyət.
Vətəni qorumaq şöhrətdir, şöhrət,
Onun sərhəddini qur, Vətən oğlu.
Bütün ustad sənətkarlarımızda olduğu kimi, aşığın da şeirlərində dağlar mövzusu öz bədii həllini yüksək səviyyədə tapmışdır.
Hər budaqdan bir gül dərəm,
Gözəllərə çələng hörəm.
Dönüb Məcnun, Yanıq Kərəm
Olam dağlarda, dağlarda.
***
Bu yerin havası tamam başqadı,
Gözəllik aləmi hər qarışdadı.
Aran gözəlliyi yazda, qışdadı,
Yayda mehman olum mən bu dağlara.
Vətən torpaqlarının beşdən birinin param-parça edilməsi, qarı düşmən tərəfindən işğal edilməsi, yağmalanması, Şuşanın, Laçının yağı əsarətində qalması, Xocalı qətliamı kimi ağrılarımız aşığın da yaradıcılığına öz təsirini göstərir, hər addımbaşı sinəsini göynədir.
Mən aşiq, qala-qala,
Yurd getdi qala-qala.
Vətəndən qaçqın oldum,
Vətəndə qala-qala.
Mən aşiq, ağı gəlir,
Dolanır dağı gəlir.
Çağırın igidləri
Yurduma yağı gəlir.
Vətən torpağının ağrılarına yanan, sinəsi pöşəm-pöşəm olan şair yeri gəldikcə bu torpağın gözəlliklərindən şövqlə söz açmağı, ilhamla coşmağı bacarır.
Arı şirə çəkir, becə bal dadır,
Dedin: tək şirinlik bircə baldadır?
Dedim: sənin ləblərin də bal dadır,
Təzə qönçə açdı gülüb al dodaq.
Aşıq şeirimizin müxtəlif formalarında yazıb-yaradan bu el sənətkarı həm el toylarında çaldığı havacatlarla, həm də yazdığı şeirləri ilə yaşının bu yetkin çağında da – yetmişin astanasında durmasına baxmayaraq, yenə də ilhamı gündən-günə çağlamada, şövq ilə yazıb yaratmaqdadır.
Bu haqq yolu hər ümmana gərəkdi,
Köçüb gedən ol mehmana gərəkdi,
Hər bir kəsə neçə xana gərəkdi.
Biləcək yerinin az vədəsində.
Bərşadlı Şahsoltan özü fanidi,
Dünyanın söhbəti, sözü fanidi,
Demə tərəzinin gözü fanidi,
Haqq özü quracaq öz vədəsində.
Aşıq dostum Şahsoltan arada mənə də bir şeir həsr edib. Fürsətdən istifadə edib “Talıboğlu” adlı həmin şeiri də nəzərinizə çatdırıram.
Əzəldən vurğunsan qönçə-güllərə,
Bəzəyib bağını gül, Talıboğlu.
Şairsən, sözlərin düşüb dillərə,
Sənə qiymət verir el, Talıboğlu.
Hər şerin gözəldi güllü bahartək,
Bulaqda çağlayıb coşan sulartək...
Qəlblərə yol tapan xoş arzulartək,
Sözündə hikmətin bal, Talıboğlu.
Hər kəlməndə min bir məna tapıbsan,
Sözü-sözün xirdarına satıbsan.
Yaza-yaza altmış yaşa çatıbsan
Yüz yaşı da yola sal, Talıboğlu.
Şahsoltanam, çox dostları görmüşəm,
Gülüstanı, boran-qarı görmüşəm,
Səndə əsl etibarı görmüşəm,
Salmısan qəlbimə yol, Talıboğlu.
Bu dostuma – Aşıq Şahsoltana bundan sonra da yeni-yeni yaradıcılıq uğurları diləyirəm.
Əziz dost, sazlı-sözlü bu könül dünyan bütün rəngləri ilə birgə, qoy, səni daha xoş sabahlara aparsın.
Ələsgər Talıboğlu
Şair, publisist, Azərbaycan Yazıçılar Birliyinin üzvü, Məmməd Araz mükafatı laureatı
Mədəniyyətimizin zənginləşməsində Aşıq Ələsgər amilindən istifadə mexanizmi
16.04.2024Aşıq Ələsgər xalqımızın Qərbi Azərbaycandan deportasiyası dövrünün qurbanı, canlı şahidi kimi
01.04.2024ORDA BİR KƏND VAR, UZAQDA... DOĞMA QARAQOYUNLUM - FOTO
26.03.2024NOVRUZ XALQIMIZIN MİLLİ BAYRAMIDIR!
20.03.2024Bayram Aslanov “Heydər Əliyevin 100 illiyi” yubiley medalı ilə təltif edilib - Fotolar
19.03.202416 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023BÖYÜK MƏZRƏ - GÖYÇƏ MAHALI
10.12.2023Dekabrın 7-də Azərbaycan Rəssamlar İttifaqının Vəcihə Səmədova adına Sərgi Salonunda Qərbi Azərbaycan əsilli rəssamların əsərlərindən ibarət sərgi açılıb.
07.12.2023Tanınmış hərbi ekspert Telman Qasımov İrəvana səfər edib.
05.12.2023HƏYATDA ÖZÜMÜ XOŞBƏXT ADAM HESAB EDİRƏM Ki, HEYDƏR ƏLİYEVLƏ BİRGƏ İŞLƏDİM
04.12.2023AMEA müxbir üzvü, Basarkeçər rayon icma sədri, professor Nuru Bayramov İnönü Universitetinin “Fəxri Doktoru” seçilib - FOTOLAR.
03.12.2023Bax, biz Göyçə torpağındayıq...
29.11.2023BAKI DÖVLƏT UNİVERSİTETİNDƏ “Qərbi Azərbaycanda türk müsəlman abidələrinin erməni vandallığına məruz qalması” mövzusunda elmi seminar keçirilib - FOTOLAR
25.11.2023SƏHRADA YALQIZLIQ
25.11.2023Azərbaycanda ilk dəfə “Qərbi Azərbaycana qayıdış” festival-konqres keçirilir FOTO
23.11.2023İcma: Paşinyan hökumətindən azərbaycanlıların Ermənistanda öz dədə-baba yurdlarına qayıdış hüququnu tanımasını gözləyirik
21.11.2023“Azərbaycan Bayrağı” ordeni və “Vətən uğrunda” medalı ilə təltif olunan - MÜBARİZ QULUYEV BABACAN KƏND İCMASININ SƏDRİ SEÇİLDİ-FOTOLAR
14.11.2023Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirilib
08.11.2023Qərbi Azərbaycan İcmasının Basarkeçər rayonu Dərə kənd sakinləri və Dərəli kökənli gənclərlə görüşü keçirilib.
07.11.2023Ulu Öndər Heydər Əliyev xatirələrdə
31.10.2023"Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı konfrans keçirilib.
30.10.2023Oktyabrın 27-də Qərbi Azərbaycan İcmasında (QAİ) “Ulu Öndər Heydər Əliyev xatirələrdə” kitabının təqdimatı keçirilib.
28.10.2023“Oğul” filminin rejissoru: “Erməni hərbçilərdən biri Natiqin cəsurluğunu etiraf etdi” - MÜSAHİBƏ
26.10.2023Nərimanlı gəncləri ilə görüş keçirilib - FOTOLAR
24.10.2023TANINMIŞ ALİM, İSTEDADLI ŞAİR-PUBLİSİST - RAMİZ HƏSƏNLİ ŞİŞQAYA KƏND İCMASININ SƏDRİ SEÇİLDİ
21.10.2023Ümummilli Lider Heydər Əliyevin 100 illik yubileyinə həsr olunmuş “Qüdrətdən səngərli, qalalı dağlar” adlı konsert proqramı keçirilib.
21.10.2023Erməni dostunun azərbaycanlı yazıçıya hər il yazdığı mesaj: “Axırda...” – Müsahibə
17.10.2023Azərbaycan Respublikasının Prezidenti cənab İlham Əliyevə
Qərbi Azərbaycan İcmasının TƏBRİKİ