Ulu Öndər Heydər Əliyev xatirələrdə

Dünyada elə insanlar var ki, dünyasını dəyişəndən sonra da Vətən qarşısındakı xidmətləri əbədi olaraq ölkə tarixinə yazılır, nəsillər dəyişdikcə o sətirlər daha da qalınlaşır və oz əhəmiyyətini qabarıq şəkildə göstərir. Bu dahi şəxsiyyətlərdən biri də Azərbaycanın tarixində yeni dövr açan, tarixə əbədi həkk olunmuş tarixi və əfsanəvi şəxsiyyət Heydər Əliyevdir. Bəli, o gün hər yerdə Heydər Əliyev anılacaq. Özü də o anım mərasimlərinin şahidi olacaq. Ruhu ilə, gördüyü əməlləri ilə, "Şuşa, Laçın, Kəlbəcər, Qubadlı, Zəngilan, Ağdam, Füzuli azad olunacaq. “Biz mütləq o yerlərə qayıdacağıq" kəlməsi ilə Ulu Öndərin bütün
arzuları çin olurmuş.

Azərbaycan hazırda təkcə regionda deyil, dünyada sözü ilə əməli vəhdət təşkil edən ölkələrdən biridir. Adları çəkilən rayonlarımiz da azaddir. Onları Ulu Öndərin layiqli davamçisi, Ali Baş Komandan Prezident İlham Əliyev azad edib və atasının vəsiyyətini yerinə yetirdiyinə görə fəxr və qürur hissi keçirdən cənab Prezidentin Şuşadakı o göz yaşları sevinc yaşları idi, sabaha, gələcəyimizə olan inam idi. O inamı isə İlham Əliyevin ürəyində Heydər Əliyev cücərdib. Öz əli ilə, öyüd nəsiyyəti ilə, uzaqgörən siyasəti ilə...

Hər bir azərbaycanlının ürəyində kök salan tarixi şəxsiyyətlərin ürəyi kimi, ətrafı da genişdir. O genişlikdə çox insanlar boy göstərib, sədaqətini nümayiş etdirib. Düzdür, sədaqətsizləri də az olmayıb. Zaman isə belələrini mişar daşından keçirib və insan formasına salıb.

Bəxtimdən o genişliyin əhatə dairəsində mən də olmuşam. Sədaqətli, vəfalı bir vətən oğlu kimi... Qərbi Azərbaycanın Cəmbərək
rayonunun Əmirxeyir kəndinin yetirməsi kimi, qaçqınlıq ömrü bizim ailəmizdən də yan keçmədi. 1988-ci ildə 300 minə yaxın azərbaycanlının pənah yeri Azərbaycan oldu.

O vaxtlar Heydər Əliyev Moskvada yaşayırdı. Mixail Qorbaçovun məkrli siyasəti nəticəsində Azərbaycan böyük bəla ilə üz-üzə qaldı. Danılmaz faktdır ki, Kommunist liderləri bu situasiyadan istifadə edərək Kremldə kök salan ermənilərin arzularıni həyata keçirdilər.

Xatırladıram ki, Heydər Əliyev dühası ilə ilk dəfə 1990-ci il qanlı yanvar hadisələri zamanı taniş olmuşam. Qorbaçov, Yazov va Vəzirov
kimi satqınların Bakıda va Azərbaycanın bir çox rayonlarında əliyalın insanları gülləboran etməsi Heydər Əliyevi də hiddətləndirmişdi. Sovet imperiyasının əzəmətindən, "KQB" xofundan qorxmayaraq Moskvada Azərbaycan nümayəndəliyinə gələrək Kommunist partiyasını və onun "rəhbərlərini" tənqid etməsi, partiya siralarından istefası Milli
Lider kimi Böyük Azərbaycanlının üsyanı, etirazı idi. Heydər Əliyev bu etirazı ilə azərbaycanlı və xalq ilə birlikdə olduğunu imperiya funksionerlərinə elə Moskvadaca bəyan etdi. Sonra isə Dünya Azərbaycanlılarının Birinci Qurultayında "Fəxr edirəm ki, mən azərbaycanlıyam"
kəlməsi "NİDA" işarəsi ilə tamamlandı.

O Qurultayın nümayəndələrindən biri də mən idim. Rusiyada 1988-ci ildən sonra başladığımız diaspor hərəkətinin bəhrəsini görürdük. Təkcə mən yox, Rusiyanın bütün şəhər və vilayətlərindən diaspor rəhbərləri Bakıya toplaşdı, Heydər Əliyev kimi liderin örnək dolu çıxışını dinlədi və bütün bunları gələcək fəaliyyətlərində əsas meyar kimi
götürdü.

Sonrakı işlərdə, daha doğrusu, 1-ci Qarabağ savaşında bir vətən oğlu kimi cəbhəyə, 20 Yanvar şəhid ailələrinə, Bakıda yerləşən 1 Nömrəli Uşaq Evinə saysız-hesabsız maddi və humanitar yardımlar etdik, televiziya kanallarında müsahibələr verdik, qəzet səhifələrində fikirlərimizi bildirdik.

O vaxt erməni faşistləri havadarlarının köməyi ilə torpaqlarımızı işğal etdi. Heydər Əliyev də 1994-cü ildə torpaqlarımızın bir qismini azad etdi, ancaq Azərbaycan Ordusu yenicə yaranırdı, iqtisadiyyatımız inkişaf etməmişdi. Heydər Əliyev bütün bunları zərgər dəqiqliyi ilə bildiyindən atəşkəsə razılıq verdi, sonra "Əsrin müqaviləsi"nə imza atdı.
Qarabağın isğaldan azad edilməsi bir an da olsun belə fəaliyyətinin
qayəsindən kənarda qalmadı. Ermənistan "prezidentləri" ilə görüşündə "Onsuz da torpaqlarımızı azad edəcəyik" dedi, iran mollalarına da tarix dərsi keçdi, Mazandaran adlı dənizin olmamasını şapalaq kimi onların sifətinə vurdu. Tarixə nəzər salanda görurük ki, Heydər Əliyev niyə atəşkəsə razılıq verib və "Əsrin müqaviləsi" nə İmza atıb.

Bugünkü imzaların müəllifi isə Prezident İlham Əliyevdir. Heydər Əliyevlə sonrakı fəaliyyətlərimdə dəfələrlə nümayəndə heyəti ilə və bir necə dəfə də təkbətək görüşmüşəm. Onun müdrik baxışları, işlətdiyi kəlamlar, sanki oğlu kimi mənə öyüd-nəsihəti hafizəmdən silinmir. Ela bu günün özündə də o nəsihətlər həyat kredomdur.

1987-ci ildə Politexnik institutunu bitirərək təyinatla Ulyanovsk Avtomobil Zavoduna göndərilməyimin, uzun illər bu şəhərdə maşınqayırma sənayesində çalışmağımın, böyük təcrübə toplamağımın da əsas səbəbkarı Heydər Əliyevdir. Çünki məhz onun siyasəti ilə biz gənc mütəxəssislər Ulyanovsk Avtomobil Zavoduna göndərilmişdik.
Şəxsən mən usta vəzifəsindən baş direktorun müavini pilləsinədək qalxmişam, vətənimin adını bütün amallarımla yüksəkdə tutmuşam.
1997-ci ildə Rusiya Federasiyasının Ulyanovsk vilayət rəhbərliyini Bakıya gətirmişəm. Prezidentlə və digər rəsmilərlə göruşlərdə siyasi və iqtisadi məsələlər müzakirə mövzusu olmuşdu.

1998-ci ildə Ulu Öndərin 75 illiyi münasibətilə Bakıda, Prezident Aparatının qarşısında Ulyanovsk vilayət qubernatorunun və
Ulyanovsk Avtomobil Zavodunun nümayəndə heyəti ilə "UAZ" avtomobillərinin sərgisini təşkil etmişəm. Elə həmin il Rusiyanın tanınmış
rəssamı Nikas Safronovun Bakıya səfərini təşkil etmişəm. Səfər cərçivəsində rəssam Ümummilli Lider Heydər Əliyevin həyat yoldaşı, akademik Zərifə xanım Əliyevanın portretini ölkə başçısına hədiyyə etmişdi. Heydər Əliyevin göstərişi ilə Rusiyada təhsil alan və bu ölkədə çalışan azərbaycanlı mütəxəssislərin 1999-cu ildə Bakıda, Respublika Sarayında keçirilən konfransında çıxış etmişəm. 2000-ci il iyun ayının 22-də Moskva şəhərində Ümumrusiya Azərbaycanlıları konqresinin
təsis konfransında iştirak etmişəm. Həmin tədbirdə Azərbaycan və Rusiya prezidentləri Heydər Əliyev və Vladimir Putin çıxış etmişdilər.

Elə bu günün özundə də fəxrlə deyə bilərəm ki, diaspor hərakatının əsas ana mənbəyi məhz Rusiya olub. Çünki torpaqlarımız işğalda olduğundan o ölkədə Azərbaycanın haqq səsini qaldırmaq, erməni fitnələrinin qarşısını almaq, onları ifşa etmək məhz bizim öhdəmizə
düşmüşdü.

2020-ci il 8 Noyabr Zəfər Günündən sonra sübut olundu ki, qələbəmizdə diaspor fəaliyyətinin ardıcıllığı və müsbət rolu az əhəmiyyət kəsb etməyib. Heydər Əliyevin adı Azərbaycan tarixinə əbədi yazılıb. Çünki Heydər Əliyevin özü elə Azərbaycanın özüdür. 0, Ən Böyük Azərbaycanlıdir...

Şakir Göyüşov

qaraqoyunlu.com xəbər saytının baş direktoru.