Balaca İsmayılın böyük istedadı

20:00 / 13.02.2019

Ürəyimdən hansısa bir aşıq haqqında yazı yazmaq keçəndə həmişə birinci xəyalıma Göyçə aşıqları gəlir. GÖYÇƏ və AŞIQ sözləri bir-birilə elə bağlıdır ki, bunları ayrı-ayrılıqda təsəvvür etmək mümkün deyil. Elə son məqaləm də Göyçənin azman aşıqlarından biri – Aşıq Nuriddin haqqında idi. Bu dəfə ünvanı dəyişməli oldum. Çünki həmsöhbətim  13 yaşlı İsmayıl məni sözün həqiqi mənasında, təəcübləndirdi. 13 yaşın ola, 5 musiqi alətində ifa etməyi mükəmməl bacarasan. Fikirləşdim ki, bu balaca aşıq haqqında yazmasam olmaz. Axı gənc istedadlara dəstək olmaq, onları təbliğ etmək, sənətə həvəsləndirmək hamımızın mənəvi borcudu.

Yuxarıda dediyim kimi, yazılarımın böyük əksəriyyəti Göyçə aşıq mühitinin sənətkarları haqqındadır. Bu, o demək deyil ki, Azərbaycanın digər aşıq mühitlərinin nümayəndələri haqqında bir iş görməmişəm. Xeyr, belə deyil. Təvazökarlıqdan uzaq olsa da deməliyəm ki, Borçalı, Tovuz, Gəncə-Şəmkir, Qarabağ, Cənubi Azərbaycan, eləcə də Şirvan aşıq mühiti nümayəndələri haqqında Azərbaycanca Vikipediyada, onların yaradıcılıqları barədə Vikimənbədə kifayət qədər işlər görmüşəm. Haqqında yazmaq istədiyim İsmayılın da gələcəkdə Şirvan aşıq mühitinin layiqli nümayəndələrindən olacağına heç bir şübhəm yoxdur.

İmanverdiyev İsmayıl Fəxrəddin oğlu 25 oktyabr 2006-cı ildə Bakı şəhərində anadan olub. Bakıda doğulmağına baxmayaraq onların ailəsi Şirvan şəhərində yaşayırlar. Özündən böyük Gülnar, Aygün, Şəhla adında üç bacısı var. Ocağın sonbeşiyi və yaşca da bacılarından xeyli kiçik olduğundan ailənin ən sevimli üzvüdü. Atası Fəxrəddin uzun müddət Şirvan NQÇİ-də işləyib. Anası Minayə xanım isə sazın-sözün vurğunudu. Gənclik illərindən poeziya aşiqi olan Minayə İmanverdiyevanın 2017-ci ildə 50 illik yubileyi ilə əlaqədar “Həyatım sənə bağlıdır” adlı 134 səhifəlik şeir kitabı çap olunub. Onu da qeyd edim ki, Minayə xanımın qardaşı Mirzəyev Mahir Talıb oğlu Qarabağ müharibəsində şəhid olub. Şirvan şəhərində yaşadığı küçəyə Mahir Mirzəyevin adı verilib.

İsmayıl 2012-ci ildə Şirvan şəhər Tahir Bağırov adına 11 nömrəli tam orta məktəbin I sinfinə gedib. Elə ilk günlərdən dərslərini yaxşı mənimsəməyə başlayıb. Hazırda həmin məktəbin VII “d” sinfində yaxşı və əla qiymətlərlə oxuyur.

İsmayıl İmanverdiyev III sinifdə oxuyandan doğmalarının məsləhəti ilə musiqi dərsləri də almağa başlayıb. Şirvan Folklor evində Nizami İsmayılovdan gitara, saz və nəlbəkidə ifa etməyi çox yaxşı mənimsəyib. Tez bir zamanda Nizami müəllimin üzünü ağ edib desək, yanılmarıq. İsmayılı tanıyan bütün Şirvanlılar onun nəlbəkilər üzərində çalğısını dinləyəndə istər-istəməz Salyanlı Həsənağa Sadıqovun bənzərsiz ifasını xatırlayır, sanki onu dinləmiş olurlar. Fikrimcə, bu da təsadüfi deyil. Axı İsmayılın anası da əslən Salyanlıdır. Elə onun sazı yaxşı mənimsəməyi də, fikrimcə, buradan qaynaqlanır. “Əslində olan dırnağında bildirər” el misalına əsaslansaq İsmayıl da Aşıq Bəylər Qədirov, Aşıq Pənah kimi məşhur Salyanlıların adını, sənətini yaşadacağını qarşısına məqsəd qoyub. İsmayıl ilk dəfə ənənəvi simli musiqi alətləri olan gitara və sazı öyrənməyə başlasa da, 2014-cü ildən Nailə Vəliyevadan dərs alaraq sintizatorun da sirlərinə yiyələnib və 2017-ci ildə sintizator kursunu bitirib.

İsmayıl hazırda Şirvan şəhər Uşaq Musiqi məktəbinin V sinfində oxuyur, təhsili 7 illikdi. Məktəbdə pianino dərslərini və notu Fəridə Həsənovadan öyrənir. Eyni zamanda musiqi məktəbində həm də “Simayi-şəms” ritmik muğamının mahir ifaçısı olan İrşad İbişovdan xanəndəlik dərsləri alır.

İsmayıl bir çox musiqi alətlərində ifa etməyi bacarmaqla, yaşı az olsa da Şirvan şəhərində artıq gənc musiqiçi kimi tanınır. Yazdıqlarım gəlişi xoş sözlər yox, həqiqətdir. Dediklərimin təsdiqi üçün İsmayılın bir neçə dəfə dəvət olunduğu televiziya verilişlərini siz oxucuların da nəzərinə çatdırım: Space TV-nin “Zəhmətkeş ulduzlar” (16.04.2017), “Yerimdəyəm” (15.12.2017), Dünya TV-nin “Sənin ulduzun-4” (23.03.2018) verilişlərində iştirak edib. Saz və nəlbəkilərlə ifası çoxsaylı tamaşaçıları heyran edib. Televiziyada daha uğurlu çıxışı isə layihə rəhbəri Aşıq Namiq Fərhadoğlu olan, Lider televiziyasında yayımlanan “Köklə sazı” aşıq müsabiqəsinin 2017-ci ildə keçirilən 7-ci layihəsində olmuşdur. İsmayıl Şirvanlı müsabiqənin finalçısı olmuş, 2-ci yeri tutmuşdur.

13 yaşlı balaca aşıq İsmayıl Şirvanlı bir neçə Fəxri Fərman və diplomlarla da təltif olunub. Onlardan bəzilərini qeyd etmək yerinə düşərdi. “Şirvan şəhər Mədəniyyət Mərkəzi tərəfindən təşkil olunan bütün tədbirlərdə fəal iştirakına görə”, “1 iyun “Uşaqları Beynəlxalq müdafiə günü” münasibətilə”, “Məktəbdaxili ictimai işlərdə fəal iştirakına görə” “Fəxri Fərman”la təltif olunmuşdur. Azərbaycan Kütləvi İnformasiya Vasitələri İşçilərinin Həmkarlar İttifaqının Rəyasət Heyətinin qərarı ilə təltif edildiyi diplomda yazılır: “Çox istedadlı, talantlı, bacarıqlı, intizamlı, kübar şagirddir. 5 musiqi alətlərində gözəl ifa edir. Fitri istedada malikdir. Tədbirlərdə, tele-verilişlərdə milli alətimiz olan sazla ifalarına görə ən yüksək nəticələr qazanıb. Həm 5 musiqi alətində, həm də nəlbəkilərdə ifası hərarətlə qarşılanır.”

Meyxanaya və repə də böyük marağı olan İsmayıl Şirvanlı özəl günlərdə, el şənliklərində, şəhərdə keçirilən dövlət tədbirlərində sevimli alətləri ilə iştirak edir. Şirvan şəhər Mədəniyyət Mərkəzinin “Şirvan” Folklor evi İsmayılın doğma məkanıdır. Sazı, gitarası və başqa alətləri ilə şəhər sakinlərini solo ifaları ilə feyziyab edir.

 

Araz Yaquboğlu,

tədqiqatçı-jurnalist

 


Etiket:
Xəbərlər

Şahbulaq Qıfılı saray kompleksi - Qarabağ abidələri  

20.09.2019

Cəlalilər: qanlı üsyan, izi itmiş Koroğlu, öldürülən Dəli Həsən

19.09.2019

Nərimanlı kökənli 27 abituriyent "tələbə" adını qazandı

18.09.2019

Əfsanəvi Mixaylo Rəsulzadəni öldürməkdən imtina etmişdi- GİZLİ TARİX

18.09.2019

Üzeyir Hacıbəyovun həyat və yaradıcılığı

18.09.2019

İşğal altında olan torpaqlarda 330 yerli əhəmiyyətli abidə dağıdılıb

17.09.2019

NİL ADAM

16.09.2019

Rəhim Əliyev. Birinci Türkoloji Qurultayın iki qərarı haqqında

14.09.2019

Tereza ana ilə bağlı İNANILMAZ FAKTLAR: 12 yaşında... - FOTO

14.09.2019

"Ey Firdovsi, qalx, küfr etdiyin türkü gör" - Əmir Teymurun türkü aşağılayan Firdovsiyə cavabı

13.09.2019

Baninin “Qafqaz Günləri” – köhnə Bakının hekayəsi

12.09.2019

Tarixdə iz qoyanlar: Təbrizdə ana dilində ilk məktəb açan MÜƏLLİM – Şahın Tehrana çağırdığı azərbaycanlı

12.09.2019

“Azərbaycanda erməni qırğınları və deportasiyaları” haqqında baxışların tənqidi təhlili

11.09.2019

Mükəmməl kitab yazmaq istəyirsinizsə... - DAHİLƏRİN TÖVSİYƏSİ

11.09.2019

M.Ə.Rəsulzadənin və N.Nərimanovun İmam Hüseyn haqqında fikirləri - Layihə
 

10.09.2019

Kərbəla nədir?

10.09.2019

Tağıyevin qızı Saraya katib Hacıyev nələr etdi?

09.09.2019

Qafqazın əsil sahibi kimlər imiş?

07.09.2019

Asəf QAYA: ULAMAĞIN ÇAĞIDIR, ULA BOZ QURDUM, ULA!..

06.09.2019

Əbu-Dabidəki Şəhrizadın Cəbrayıl həsrəti

06.09.2019

ZƏNGƏZURU ERMƏNİLƏRƏ KİM SATDI

05.09.2019

Andranikin qoşunları Zəngəzur qəzasına soxulandan sonra Şuşa qəzasında ermənilərin düşmənçilik mövqeyi daha da möhkəmləndi
 

05.09.2019

Ermənistandan 100 min azərbaycanlını sürgün edən əmr

04.09.2019

Məğlub olmağı bacarmayan, Hitleri depressiyaya salan marşal – Çuykovun son arzusu

03.09.2019

Müsavatın əleyhinə yazılan aşıq şeirləri

03.09.2019

Haqq aşığı Novrəs İmanın sirli dünyası

02.09.2019

“Böyük Ermənistan” xülyası və tarixi həqiqətlər

02.09.2019

26 il - Qubadlısız

31.08.2019

HƏSRƏTİNDƏ QALDIĞIM O YERLƏR

31.08.2019

Cənazə namazı qılınmayan, yası tutulmayan Səlcuqlu sultanı kim olub?

30.08.2019

Haqverdiyevin Axundov haqda yazdığı nadir məqalə

30.08.2019

Aqil İman unudulmazlığı - Sərraf Şiruyə

29.08.2019

SSRİ-nin 29 yaşlı azərbaycanlı naziri - O bir gündə 12 erməni direktoru işdən qovub - FOTOLAR

29.08.2019

İrəvan xanları nəslinin nümayəndəsi Azərbaycanda səfərdə olub

28.08.2019

Qadınlara laqeyd olan, yoxsul yaşayan, xəstəliyini vecinə almayan Xalq artisti

28.08.2019

Türklərin böyük qələbəsi – “Turan taktikası”

27.08.2019

Kitablar haqqında məşhurların dedikləri

26.08.2019

Çəkiclə gəzən, 40 yaşında məzun olan 100 çətirli dahi – FOTOLAR/VİDEO

26.08.2019

Tələbəsinə aşiq olan, 20 Yanvarda adamları ölümdən qurtaran aktyor – Maraqlı faktlar

24.08.2019

26 il Cəbrayılsız 

23.08.2019

26 il Füzulisiz

23.08.2019

Aktrisa ilə evlənib, onu kinoya həsrət qoyan REJİSSOR

23.08.2019

Qul kimi ölən sultan, sultan kimi ölən qul - TARİXİ FAKT

22.08.2019

Yaşamaq üçün özgə həyatını yeyirik - Vislava ŞİMBORSKAYA

22.08.2019

Çingiz xanın çadırına zəncirlənən qadın sultan - TARİXİ FAKT

21.08.2019

Reyxstaqa qədər döyüşən aktyor - Hüseynağa Sadıqovun ömrü boyu unutmadığı dəhşətli EPİZOD

20.08.2019

Toni Morrison əfsanəsi

20.08.2019

Azərbaycan dili aşiqlərin dilidir... -Buludxan Xəlilov, filologiya üzrə elmlər doktoru, professor

19.08.2019

Fətəli xan Xoyski - Erməni gülləsi ilə arxadan vurulan Azərbaycanın ilk Baş naziri

19.08.2019

Gec deyil... - Oqtay Rzanın - ŞEİRLƏRİ

18.08.2019
Bütün xəbərlər