Kamil Əliyevin çoxdan gözaltı elədiyi sevgilisinə nişantaxma mərasiminin keçirilməsi nəzərdə tutulmuşdu. Nişan üzüyü, hətta nişan bəzəyi vurulası quzu Toğana kəndindən alınmışdı. Əfsus ki, Kamilin bu arzusu çin olmadı.
Nacins ermənilərə qarşı savaşın əvvəlində hər cür ağrı və ilkin çətinliklərə dözə-dözə Azərbaycan Ordusunun bünövrəsini qoyan 701 saylı motoatıcı briqadanın 7 tibb işçisi vətən yolunda canını fəda etmişdir. Onlar həmişə var olan, xatirəsi əziz tutulan müqəddəs ruh dünyamızda yaşamaqdadır. Şəhadətə yetişən bu qəhrəman oğullar heç vaxt unudulan deyil. Onlardan ikisi feldşer, biri sanitar, ikisi sanitar sürücü, biri sanitar-təlimatçı, biri isə həkimdir. Bu şəhadətliyin içərisində hərbi həkimliyin Kamil zirvəsindən söz açmaq istəyirəm. Bəli, həqiqi mənada Kamil! Ona pay verilən ömrünü yurduna, xalqına bəxş edən bir igid... Daim könlü açıq, yolu açıq olmuş bir vətənoğlu...
Fərqli döyüş yolu keçən, hərbi həkim olsa da, zəruri hallarda əlinə silah alaraq düşmənlə qabaq-qənşər vuruşan və hərb tariximizə adını şərəflə yazan Kamil Qamat oğlu Əliyev yüksək sayğılı müqəddəs ömür qazanan şəhidlərimizdən biridir.
Gənc istedadlı hərbi həkim Kamil Əliyev min bir sifətə girən erməni əməlbazlığının təsirindən nə qədər acı günlər yaşasa da, heç vaxt taleyindən şikayət etməzdi. Qərbi Azərbaycan torpağının ona bəxş etdiyi məğruranə hərəkətləri ilə vətənsevərlərin qəlbinə tez yol tapırdı. Bütün varlığı ilə bağlandığı doğma yurdunu – hazırda murdar daşnak nəfəsi içində boğulan Göyçə mahalının Toxluca kəndini yadından çıxara bilmirdi. Vətən söhbəti, yurd təəssübkeşliyi önə çəkilən yerdə onun əməlpərvərliyi hər kəsi heyran edirdi. Səngər həyatına da təsadüfən qovuşmamışdı. Hərbi çağırış məntəqəsində onun hərbi xidmətə göndərilməsinə razılıq verilməmişdi. Çünki ümumi fiziki vəziyyəti qənaətbəxş olsa da, gözləri çox zəif görürdü. Bir həftəlik get-gəldən sonra yalnız hərbi həkimliyi və hədsiz vətənpərvər münasibəti nəzərə alınaraq arxa cəbhədə xidmət etmək məqsədilə Kamilin göndəriş sənədləri imzalanmışdı.
Qürur doğuran səngər həyatında xoş xatirə və ümidlərlə xidmət etməyi sevən Kamil Əliyev qarşıya qoyulan təcili tibbi tapşırıqları yerinə yetirmək, yaralı döyüşçüləri güllə yağışı altında ölümün ağzından almaq üçün təhlükəli hallarla üz-üzə gəlsə də, bu xüsusi cəsarət və mərdlik tələb edən əməllərindən mənəvi zövq alırdı. Ağır vəziyyətə düşən yaralı döyüşçülərimizə müntəzəm qan verirdi. Təxliyə işlərində həmişə can atırdı ki, birinci olsun. Bu az imiş kimi ona ağır hərbi əməliyyatlardan sonra müəyyən sakit günlərdə komandanlıq tərəfindən məhdud dincəlmə dəqiqələri ayrılsa da, Kamil həkim yenə boş dayanmır, bütün vaxtını zəruri xidməti işlərin icrasına sərf edirdi. Gözlərinin zəif görməsinə baxmayaraq tükənməz fiziki enerjisi vətənçilik istəyindən doğan ağrı və əziyyətlərlə həmahəng gəlirdi. Savaş fədakarlığı ideal arzularının gerçəkləşməsi yolunda ən dəyərli vasitə sayılırdı. Görmə çətinliklərinə görə ön xəttə getməyini rəva görməyənlər belə məsul məqamlarda şərtsiz olaraq Kamil həkimlə razılaşırdılar.
Toğana kəndi... Göygöl rayonunun bu dağ vüqarlı kəndi çox möhtəşəm qaya-səngərləri ilə döyüşçülərimizin mübarizliyini qranitləşdirən Murovdağın sıldırımlı qoynunda erməni işğalçılarına qarşı gedən qarlı-çovğunlu vuruşmalar barədə çox məlumatlıdır. Burada yerləşən 701 saylı hərbi hissənin hərbi səhra hospitalının fəaliyyəti kəndin tarixi yaddaşında daha çox yer tutur. Bütün fəsillərdə tükənməz mənbəyini Murovdağın zirvələrində sızqa-sızqa qaynayan durna gözlü bulaqlardan götürən Kürəkçay hospitalın yanından axıb-keçir. Çayın gecəli-gündüzlü kəsilməyən şırıltısı, ətraf meşədən qopan quşların şaqraq nəğməsi və kənd təbiətinin xoş nəfəsi burada müalicə olunan döyüşçülərdən ötrü sanki məlhəmə cevrilmişdi. Qanlı-qadalı döyüş səhnəsindən bu şəfa ocağına yaralı axını artan zaman içimizə nüfuz edən həyəcan seli sadalanan gözəlliklərin nəşəli təsirini heçə endirir, halımızı qarışdırırdı. Bizi xoş hal edən yalnız öz şəfqətli əməlləri ilə ölümü öldürən hərbi həkimlərin fədakarlığı idi.
1993-cü ilin yay aylarında 701 saylı motoatıcı briqadanın döyüşçü heyəti ön atəş mövqeyində möhkəm durmaqla yanaşı ehtiyata çıxarılmış bölmələrlə güclü döyüş hazırlığı aparılırdı. Kəlbəcər işğalının hayıfını almaq üçün əsaslı tədbirlər görülürdü. Söz yox ki, düşmən qüvvələri bu hazırlıqdan duyuq düşmüşdü. Daha ətraflı məlumat əldə etmək məqsədilə erməni təxribat-kəşfiyyat qrupu iyun ayının 5-də gecə radələrində Murovdağ silsiləsinin sıldırımlı dağ keçidlərindən keçərək Toğana kəndinədək gəlib-çıxmışdı. Keçilən yol az deyildi və düşmən bu qədər cəsarət göstərməklə özünü tam təhlükə altına salmışdı. Onlar zənn etdiklərinin əksini gördülər. Briqadamızın hərbi səhra hospitalının qarovul xidmətinin sayıqlığı erməni təxribat-kəşfiyyat qrupunu daha çox vahiməyə salmışdı. Nəzarət-buraxılış məntəqəsi tərəfindən keçə bilməzdilər. Çünki işıqlı idi. Ətraf aydın görsənirdi. Təxminən gecə saat 02.00 radələrində “dil” tutmaq məqsədilə hospitalın iki cinahından həyətə soxulmağa cəhd etdilər. Həmin istiqamətlərdə həm zil qaranlıq hökm sürürdü, həm də çayın şırıltısı hərəkət və danışıq səslərini udurdu.
Bu dəqiqələrdə qarovul və növbətçi tibb heyətindən savayı hamı yatırdı. Kamil Əliyev yatağına girsə də, hələ gözünə yuxu girməmişdi. Görünür, bu da taleyin bir sınaq məqamı imiş. “Həyəcan” siqnalı verilən zaman o, erməni kəşfiyyatçıları ilə vuruşan qarovul əsgərimizin köməyinə birinci yetişdi. Sayı dəqiq bilinməsə də, aşkarlanmış düşmən qaçmağa üz tutdu. Hospitalın həyətindən uzaqlaşdıqca qaranlıq qatılaşır, göz gözü görmürdü. Qərargahdan kəşfiyyat bölüyümüz gələnədək bütün tibb personalı əlinə silah alaraq nə qədər görünməz olsalar da, daşnakların qarasınca atəş açdılar.
Güllə səslərinə diksinən kənd camaatı da oyandı. Səksəkəli halda çölə çıxan hər kəs öz həyət işığını yandırdı. Ətrafda qismən işıqlanma əmələ gəldi, lakin erməni kəşfiyyatçıları gözə dəymirdi. Onlar bir göz qırpımı içərisində ilim-ilim itmişdilər. Kamil həkim öz silahdaşlarına nisbətən daha çox riskli hərəkətlər edirdi. O, əsgər Cəlal Mikayılov və Əziz Qurbanovla yan-yana irəliləyir və müşahidə apara-apara atəş açırdı. Ondan iki-üç addım kənarda irəliləyən qarovul əsgərimiz Rizvan Əhmədov həkimin iradəli xarakterinə bələd olsa da, geri çəkilməyi xahiş etdi:
– Həkim, onlar sayca çox deyil, xahiş edirəm geri çəkilin. Onları əzməyə bizim gücümüz çatar.
– Əsgər, narahat olma, siz sağa-sola tez seyrəlin ki, bu murdar dığaların qaçmağa imkanı olmasın...
Kamil həkimin ağzında sözləri qurtarar-qurtarmaz düşmən tərəfindən özünümüdafiə üçün çalın-çarpaz halda geriyə atılan güllərə tuş gəldi. Onu iki güllə tutmuşdu. Biri ürəyinə dəymişdi. Neçə-neçə nər igidimizi amansız ölümün caynağından alan Kamil həkimin özü bu dəfə ölümə baş əyməli oldu və sağalmaz güllə yarasının ağrısı bütün döyüşçü yoldaşlarına sərt acılar yaşatdı...
Bir həftə sonra Kamil Əliyevin çoxdan gözaltı elədiyi sevgilisinə nişantaxma mərasiminin keçirilməsi nəzərdə tutulmuşdu. Nişan üzüyü, hətta nişan bəzəyi vurulası quzu Toğana kəndindən alınmışdı. Əfsus ki, Kamilin bu arzusu çin olmadı. Hərbi səhra hospitalı qəm dəryasına batmışdı. Həm hərbi həkimlər, həm tibb bacıları, həm də əsgərlər hamının boğazını sıxan qəm zəncirini qırmağa cəsarət etmir, haldan-hala düşürdülər. Nəhayət, motoatıcı briqadanın düşmənə qarşı həyata keçirdiyi növbəti hərbi əməliyyatqabağı tibb bölüyünün komandiri kapitan İmran Qurbanovun şəxsi heyət qarşısında Kamil Əliyevin yüksək vətənpərvərliyi, yurd naminə fədakar əməlləri, habelə düşmən qüvvələrindən onun intiqamının alınması barədə təsəlliverici çıxışından sonra müəyyən qədər mənəvi toxtaqlıq əmələ gəldi və nişan üçün alınmış quzu Kamil tərəfindən boynuna salınmış ipdən açılıb sərbəst buraxıldı...
Kamil həkimin kamillik sükanı onun ağıl və iradəsinin ixtiyarında idi. Bu ixtiyarilik mənəvi güc ehtiyatını daim zənginləşdirirdi. Verilən ömrün yetkin çağından etibarən ata-anası ilə yanaşı doğma yurda özünü borclu sanmış bu saf qəlbli igidimiz öz hədəfinə tez yetişdi. Candan əziz tutduğu ulu vətənə borclu qalmadı – şəhadət şərbətini içərək müqəddəsliyə qovuşdu...
İbrahim MƏSİMOĞLU
ehtiyatda olan polkovnik-leytenant, hərbi jurnalist-yazıçı
"Hərbi and" qəzeti
14 dekabr 2018-ci il
Mədəniyyətimizin zənginləşməsində Aşıq Ələsgər amilindən istifadə mexanizmi
16.04.2024Aşıq Ələsgər xalqımızın Qərbi Azərbaycandan deportasiyası dövrünün qurbanı, canlı şahidi kimi
01.04.2024ORDA BİR KƏND VAR, UZAQDA... DOĞMA QARAQOYUNLUM - FOTO
26.03.2024NOVRUZ XALQIMIZIN MİLLİ BAYRAMIDIR!
20.03.2024Bayram Aslanov “Heydər Əliyevin 100 illiyi” yubiley medalı ilə təltif edilib - Fotolar
19.03.202416 mart 2024-cü ildə Qərbi Azərbaycan İcmasında Gənclər Şurasının üzvləri ilə görüş keçirilib.
16.03.2024Niyə məhz Qurbani?
04.03.2024Meşəli kəndində ailəsi qətlə yetirilən qadın: “Atamı diri-diri yandırdılar, anamı, bacımı güllələdilər” - FOTO
26.02.2024Milli düşmənçiliyə qarşı etiraz səsini ucaldan ŞƏXSİYYƏT – FOTOLAR
24.02.2024Qərbi Azərbaycanın rayonları və kəndləri üzrə icma sədrləri və Azərbaycan Respublikasının ərazi vahidləri üzrə nümayəndələrinin 1-ci toplantısı keçirilib
24.02.2024Qərbi Azərbaycan kəndləri – Cıvıxlı
21.02.2024Pəmbək. (Göldək)
21.02.2024BÖYÜK NƏRİMANLILAR SİLSİLƏSİNDƏN - QURBANOV ELŞƏN MAHMUD OĞLU
17.02.2024Prezidentin andiçmə nitqi: inkişafın yeni “yol xəritəsi”
16.02.2024BÖYÜK NƏRİMANLILAR SİLSİLƏSİNDƏN YAZIÇI, PUBLİSİST QƏDİR ASLAN
Qərbi Azərbaycan İcmasında Basarkeçər rayonunun alimləri ilə görüş keçirilib.
12.02.2024QOŞABULAQ
06.02.2024DƏDƏ ƏLƏSGƏRİN 60 YAŞLI MÜRİDİ
16.01.2024DƏDƏ ƏLƏSGƏR SEVDALI İŞ ADAMI
15.01.202460 YAŞIN MÜBARƏK!
15.01.2024AŞIQ İSLAM YUSİFOV
(1893-1968)
Milli dövlətçilik tariximizin məğrur lideri
28.12.2023Sosial Tədqiqatlar Mərkəzinin təşkilatçılığı ilə "Qərbi Azərbaycan yolunda" adlı konfrans keçirilir - FOTOLAR
28.12.2023GÖYÇƏ MAHALI, BASARKEÇƏR RAYONU. BALA MƏZRƏ KƏNDİNİN QISA TARİXİ
27.12.2023AZƏRBAYCAN AŞIQ POEZIYASININ GÖRKƏMLİ NÜMAYƏNDƏLƏRİNDƏN BİRİ ŞAİR, USTAD AŞIQ NÖVRƏS İMANIN 120 İLLİK YUBİLEY TƏDBİRİ KEÇİRİLİB
26.12.2023İLAHİ EŞQİN TƏRCÜMANI
24.12.2023Müzəffər Ali Baş Komandan, Qarabağın Fatehi, sizi doğum günü münasibətilə təbrik edirk!
24.12.2023Həsən Xəyallının şeirlərində dini məqamlar. “Qıfılbənd”in təhlili
21.12.2023BÖYÜK MƏZRƏ - GÖYÇƏ MAHALI
10.12.2023Dekabrın 7-də Azərbaycan Rəssamlar İttifaqının Vəcihə Səmədova adına Sərgi Salonunda Qərbi Azərbaycan əsilli rəssamların əsərlərindən ibarət sərgi açılıb.
07.12.2023Tanınmış hərbi ekspert Telman Qasımov İrəvana səfər edib.
05.12.2023HƏYATDA ÖZÜMÜ XOŞBƏXT ADAM HESAB EDİRƏM Ki, HEYDƏR ƏLİYEVLƏ BİRGƏ İŞLƏDİM
04.12.2023AMEA müxbir üzvü, Basarkeçər rayon icma sədri, professor Nuru Bayramov İnönü Universitetinin “Fəxri Doktoru” seçilib - FOTOLAR.
03.12.2023Bax, biz Göyçə torpağındayıq...
29.11.2023BAKI DÖVLƏT UNİVERSİTETİNDƏ “Qərbi Azərbaycanda türk müsəlman abidələrinin erməni vandallığına məruz qalması” mövzusunda elmi seminar keçirilib - FOTOLAR
25.11.2023SƏHRADA YALQIZLIQ
25.11.2023Azərbaycanda ilk dəfə “Qərbi Azərbaycana qayıdış” festival-konqres keçirilir FOTO
23.11.2023İcma: Paşinyan hökumətindən azərbaycanlıların Ermənistanda öz dədə-baba yurdlarına qayıdış hüququnu tanımasını gözləyirik
21.11.2023“Azərbaycan Bayrağı” ordeni və “Vətən uğrunda” medalı ilə təltif olunan - MÜBARİZ QULUYEV BABACAN KƏND İCMASININ SƏDRİ SEÇİLDİ-FOTOLAR
14.11.2023Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad keçirilib
08.11.2023Qərbi Azərbaycan İcmasının Basarkeçər rayonu Dərə kənd sakinləri və Dərəli kökənli gənclərlə görüşü keçirilib.
07.11.2023Ulu Öndər Heydər Əliyev xatirələrdə
31.10.2023"Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı konfrans keçirilib.
30.10.2023Oktyabrın 27-də Qərbi Azərbaycan İcmasında (QAİ) “Ulu Öndər Heydər Əliyev xatirələrdə” kitabının təqdimatı keçirilib.
28.10.2023“Oğul” filminin rejissoru: “Erməni hərbçilərdən biri Natiqin cəsurluğunu etiraf etdi” - MÜSAHİBƏ
26.10.2023Nərimanlı gəncləri ilə görüş keçirilib - FOTOLAR
24.10.2023TANINMIŞ ALİM, İSTEDADLI ŞAİR-PUBLİSİST - RAMİZ HƏSƏNLİ ŞİŞQAYA KƏND İCMASININ SƏDRİ SEÇİLDİ
21.10.2023Ümummilli Lider Heydər Əliyevin 100 illik yubileyinə həsr olunmuş “Qüdrətdən səngərli, qalalı dağlar” adlı konsert proqramı keçirilib.
21.10.2023Erməni dostunun azərbaycanlı yazıçıya hər il yazdığı mesaj: “Axırda...” – Müsahibə
17.10.2023Azərbaycan Respublikasının Prezidenti cənab İlham Əliyevə
Qərbi Azərbaycan İcmasının TƏBRİKİ