Abbasəli Kərimovun şeirləri

19:50 / 04.03.2019
Baxılıb: 1848

 

Payız

Payızdır...budaqlar yalqız qalıbdır,

Yüz yarpaq qoşulur əsən hər yelə.

Meşələr necə də fikrə dalıbdır,

Qışın qorxusu var qabaqda hələ.

 

Örüşdə, arxacda quzu mələşmir,

Elə bil gədiklər yuxuya dalıb.

Çəməndə, yamacda çoban güləşmir,

Dağların üstünü qəriblik alıb.

 

Hərdən buludların hayı düşsə də,

Dərin dərələrə hakimdir təklik.

Güney daşlarını oylaq seçsə də,

Baharsız darıxır xınalı kəklik.

 

Payız qırovundan o qorxanların,

Toyunu tutacaq qışın havası.

Sonu çatacaqdır boranın, qarın,

Gələcək dağların gülü, səfası.

 

Dağlar

(Səməd Vurğunun xatirəsinə)

Geyib yaşıl donu bahar fəslində,

Göstərir hər kəsə hörməti dağlar.

Seçməyib yaxşını pisdən heç zaman,

Çəkir hər qonağı zəhməti dağlar.

 

Yayda gül geyirsən, qışda bəyaz qar,

Hər daşın altında saf bir çeşmə var.

Söylə: görən insan necə unudar,

Qoynunda çəkdiyi ləzzəti, dağlar!

 

Silinməz köksündən Vurğunun izi,

Oxşayır qəlbini hər şirin sözü.

Seçməyib qocadan gəlini, qızı,

Edirsən mehriban söhbəti, dağlar.

 

Maralların durur hey rəngi solğun,

Axır indi coşğun çayların durğun.

Daha nəğmə demir ellərə Vurğun,

Onlardamı çəkir həsrəti, dağlar?!

 

Bahardır, açılır nərgiz, yasəmən,

Coşur bulaqların gülür çay, çəmən.

Gəlmişəm yanına cavabın versən:

Onsuz necə çəkim möhnəti, dağlar?!

 

Kənd həsrəti

 

Taleyin gətirə, qismətin ola,

Çıxasan yüz dəfə Şahocağına.

Dizində taqətin, gözdə nur qala,

Baxasan dünyanın hər bucağına.

 

İyulda gəzəsən dağı doyunca,

Oxşaya qəlbini şehli, tər yonca.

Titrəyə ürəyin başın qoyunca,

İşvəli, qəmzəli yar qucağına.

 

Yemliyi yeyəsən, yarpız dərəsən,

Yasəmən gülündən çələng hörəsən.

Sevdiyin dilbərə könül verəsən,

Lalə kölgə sala ağ yanağına.

 

Hürküdüb qovasan yaşıl çəməndə,

Diksinib oyana gül də, çəmən də

Ayağı büdrəyib sinə enəndə,

Alasan əndamı öz qucağına.

 

Qırmızı lalələr başa şal ola,

Həyalı yanaqlar  ondan al ola,

Öpəsən, qucasan dilin lal ola,

Yorulub düşəsən dəm otağına.

 

Qüssə görünməyə qaşda, qabaqda,

Tərini yuyasan  Dərin bulaqda.

Naharı edəsən Şirin bulaqda,

Kababdan yağ düşə köz ocağına.

 

Nənəmin iş günü

Nənəm qalxdı yuxudan gecədən xeyli var,

Sönməmişdi hələlik göydəki ulduzlar.

Bərk yorulub düşmüşdü baba gücdən artıq,

Gözləyirdi nənəmi kərgədələmə tığ.

Ələyib tığı arpa, samanı götürdü,

Mənfur gecənin zülmət çağını ötürdü.

Yenicə dağıdırdı küləşi xırmana,

Dəcəl uşaq oyanıb bağırdı:

- Ay ana!

Körpə bal ağlayır, anası tər tökür,

Ağır şələ yükünün altında diz çökür.

İncitdikcə qıl-sicim qabarlı əlləri,

Gərdəninə dağılır tozlu gur telləri.

Dözmür ürək, bağlayır uşağı dalına,

Yanmasınlar ax, niyə, ananın halına!

Yanağından axan tər civədən çox ağır,

Körpə uşaq belində ana inək sağır.

Elə bu an naxırçı çağırır:

- Getdi mal!

Nənə inək-dananı qovur dalbadal.

Uşaqları yemləyir quru, dadar-doymaz

Tələsir ki, biçinə tez yetirsin bir az.

Yoxdur əsla ümidi yoldaşdan, köməkdən,

İşdən əvvəl dərin bir ah çəkir ürəkdən.

Yolur gödək arpanı başını qaldırmadan

Xəbər varmı sancından, uşaqdan, mamadan!

Ağrı üzür belini yenə də dincəlmir,

Tənha, dağın başında kimsə köməyə gəlmir.

Körpə açır gözünü dağın bir küncündə,

Ana doğur oğlunu əlləri biçində.

Ata sürür ümidlə arabasın dağa,

Rast gəlir küləşə yox, qaragöz uşağa.

Yazıq atanın qəlbindən qara qanlar axdı,

Sanki ildırım vurdu, güclü şimşək çaxdı.

- Yoxdur dolanma ucu hər yan quldur-qaçaq,

Onu tutdu sinəmdən ayaqyalın, çılpaq.

İşlə, çürüt canını, ya qul ver, ya nökər,

Bu da özgə qapıda göz yaşını tökər!

Bəli, belə keçirdi ömrü, toy-düyünü

O, azəri qadını – nənəmin iş günü.

Əllicə il irəli, oktyabrdan qabaq,

Ana, bacımın günü keçirdi bu sayaq.

Alqış sənə, əlli yaşlı hökümətim,

Sən gələndə qurtardı, hər dərdim, möhnətim!

Qovdun ana yurdumdan azğın bəyi, xanı,

Sən verdin hər ürəyə ürəyindən qanı.

Sinə gərib əlli il dünyanın önündə

Hər yağını susdurdun özünün hinində.

Yer kürəsinə sönməz bir Günəş gətirdin,

Sorağımızı Aya, ulduza yetirdin.

Yeganə arzum budur:

- Sən əbədi yaşa!

Addımlasın nəslimiz Yerlə Ayda qoşa!

 

Yanvar 1967 ci il, Cil kəndi

 

Danışaq

 

Aşıq qardaş, götür telli sazını,

Bu toylu, büsatlı eldən danışaq!

Dost-tanış dinləsin xoş avazını,

Bir-birini yolan dildən danışaq!

 

Tarım çəkiləndə ahəngə gəlir,

Ustası olarsa yüz səs yüksəlir.

Şanəsi olmasa yatır, dincəlir,

Bir başdakı doqquz teldən danışaq!

 

Vüqarı ucaldır, alçalıb enməz,

Koroğlu yoldaşı, xainlik etməz.

Şadlıq yolçusudur qəmlənsə dinməz,

Bir ağızda doqquz dildən danışaq!

 

Ələsgər dindirdi sol əli ilə,

Vaqiflə Vidadi dost bildi elə.

Kərəm Əslisini gətirdi dilə,

Bir yaxada doqquz güldən danışaq!

 

Qışda da, yayda da köynək geyinər,

Kimsəsiz qalarsa küsər, deyinər.

Dülgəroğlu deyir, tapan söyünər,

Bir bədəndə doqquz əldən danışaq!

 

24 mart 1968-ci il,

Ardanış kəndi.

 

Qalacaq

Xəsislik eyləyib girsən möhnətə,

Həmdəmin gözündə qan-yaş qalacaq!

Unutma qardaşı uyub şöhrətə,

Dar gündə arxanda qardaş qalacaq!

 

Güzar eylə neçə dağın başına,

Gözün sataşacaq məzar daşına.

Şahidlik verən yox dünya yaşına,

Axırda nişanən bir daş qalacaq!

 

Dülgəroğlu, açma hər gizli dərdi,

Qədəhin dostları gəlib-gedərdi.

Elə ki, taleyin üzün döndərdi,

Namuslu oğulun sirdaş qalacaq!


Etiket:
Xəbərlər

Tarixçi Şuşada tapılan arxeoloji materiallardan danışdı - FOTO

14.02.2020

Nadir şah Əfşarın Türk Birliyi ideyası...

13.02.2020

ABŞ arxivindən qədim Azərbaycan şəhəri İrəvanın görüntüsü yayıldı – Video

13.02.2020

TARİXİ HƏQİQƏTLƏR VƏ ERMƏNİ UYDURMALARI

11.02.2020

ARİSTOTEL DÜŞÜNCƏSİNDƏ İNSANA VERİLƏN DƏYƏR

10.02.2020

İşğal altında olan Laçınımızın tarixinə baxış

10.02.2020

İrəvan xanları 300 il bu sarayda yaşayıb - Əşyalarını zirzəmidə toz basmışdı, yeni tapılıb - FOTOLAR

08.02.2020

UAGB-dən deputatlığa namizəd Möhsüm Aslanova dəstək

07.02.2020

Mübariz İbrahimov Azərbaycan əsgərinin qəhrəmanlıq rəmzidir

07.02.2020

Məşhur bəstəkarın oğlu necə qətlə yetirilmişdi – RETRO-DETEKTİV

06.02.2020

SƏFƏVİLƏRİN BÖYÜK İDEOLOQU,
SUFİ ŞEYXİ
MİSKİN ABDAL (SEYİD HÜSEYN MƏHƏMMƏD OĞLU)

05.02.2020

Krımdakı Azərbaycanlı diasporundan deputatlığa namizəd Möhsüm Aslanova dəstək.

05.02.2020

DEPUTATLIĞA NAMİZƏD MÖHSÜM ASLANOVLA GƏNCLƏR MƏRKƏZİNDƏ İZDİHAMLI GÖRÜŞ

04.02.2020

"Titanik" filmi ilk dəfə 1943-cü ildə çəkilib - Fakt - Video

04.02.2020

Tural Gəncəliyev: “Artsax xalqı” deyilən anlayış yoxdur, Dağlıq Qarabağda yaşayan ermənilər Azərbaycan vətəndaşlarıdır

04.02.2020

Sərhədləri aşan şair... - Əsəd Cahangir yazır

04.02.2020

Möhsüm Aslanov: “Hamıya yaxşı olmaq anormallıqdır, ədalətli olmaq daha vacibdir”

03.02.2020

DEPUTATLIĞA NAMİZƏD MÖHSÜM ASLANOV QARABAĞ QAZİLƏRİ İLƏ GÖRÜŞÜB

03.02.2020

Qismət Məsimin şeirləri

02.02.2020

ARZULARIMIN ƏN BÖYÜYÜ QARABAĞIMIZIN DÜŞMƏN TAPDAĞINDAN AZAD OLMASIDIR

02.02.2020

Babək adının ana dilimizcə izahı

01.02.2020

Qızı Neftçalada yoxa çıxdı, oğlunu çimərlikdən tutub güllələdilər, nəvəsi sürgündə donub öldü - Rəsulzadə ailəsinin başına gətirilənlər

31.01.2020

QƏRBİ AZƏRBAYCAN TARİXİNİ MÜKƏMMƏL BİLƏN, ELMİNİN ƏSAS YOLUNU QƏRBİ AZƏRBAYCANA HƏSR EDƏN NAMİZƏDƏ SƏS VERƏK.

31.01.2020

Şahlar Hacıyev Mixail Zabelini debata çağırdı

31.01.2020

“Prezidentin start verdiyi yeni islahatlar mənə cəsarət verdi ki, seçkilərə qatılım” - Möhsüm Aslanov

30.01.2020

Abbas Bağırovla yaddaqalan görüşlər – Seçici və namizəd halallığı - FOTO

30.01.2020

Ömrünü vətəni üçün fəda edən, mis kasa ilə başlayıb milyonluq miras qoyan Qərib

29.01.2020

Göygölün kəndlərində izdihamli görüşlər

28.01.2020

Həyatı mübarizə ilə dolu görkəmli tarixçi alim — Bu gün Sara Aşurbəylinin doğum günüdür

28.01.2020

Şəxsən mən valideyni yanında olmayan bir gənci, valideyni olan bir gəncdən daha çox üstün tuturam. - Orxan Mahmudov

27.01.2020

Əziz sumqayıtlılar, Parlament seçkilərində Emin Hacıyevə səs verək!

27.01.2020

Böyük hökmdarın son mənzili - Orada Şah İsmayıl və babası yatır – FOTOLAR

27.01.2020

Daşaltı əməliyyatı ermənilərin dili ilə

26.01.2020

DEPUTATLIĞA NAMİZƏD QARLI DAĞLAR AŞIB DAŞKƏSƏNDƏ SEÇİCİLƏRİ İLƏ GÖRÜŞDÜ

26.01.2020

"Sözdən sonra" - Elnur İrəvanlının şeirlər kitabı haqqında

25.01.2020

Deputatlığa namizəddən gülünc saxtakarlıq

25.01.2020

Emin Hacıyev: Bu şəhərin hər yeri, hər məhəlləsi mənim üçün əzizdir - MÜSAHİBƏ

24.01.2020

Dağların zirvəsində zirvəyə layiq görüş baş tutdu

24.01.2020

Ruhumu titrədən kənd!

24.01.2020

Tarixi bir yerdə yazaq.

23.01.2020

MİSKİN ABDALIN KƏRAMƏTLƏRİ (MÖCÜZƏLƏRİ)

23.01.2020

Sumu vilayət Deputatlar Sovetinin sədri deputatlığa namizəd Möhsüm Aslanova uğurlar arzulayıb.

22.01.2020

Nazilə Gültacın şeirləri

21.01.2020

"Bu anbar partladılsa, Statistika Komitəsinin yanına qədər bütün binalar yerlə yeksan olacaq"

21.01.2020

Deputatlığa namizəd Möhsüm Aslanov Göygöldə 20 yanvar şəhidlərinin xatirəsinə həsr olunmuş anım tədbirinə qatıldı. 

20.01.2020

Azərbaycan şeirinin imperatoru

20.01.2020

Dünya şöhrətli akademik növbəti dəfə seçkilərə qatıldı.

20.01.2020

"Vətən üçün ölməliyik" - deyən Ülvi Bünyadzadə

20.01.2020

20 Yanvar və matəm - arxiv şəkilləri

20.01.2020

Ermənilər gözəllər gözəlini də Qarabağdan didərgin saldılar...

19.01.2020
Bütün xəbərlər