Nərimanlı kökənli 27 abituriyent "tələbə" adını qazandı

Bakıda şəhərin boz tünlüyündə yaxşı xəbər üçün hamının qulağı səsdədir. Adamlar evə, işə, tədbirə tələsəndə də yaxşı xəbər üçün tələsirlər. Hələ evdə rahatca bardaş qurub qədəmləri mübarək xəbərlərin gəlişini gözləyənləri, qurban deyənləri, nəzir paylayanları demirəm.

Hər il olduğu kimi, bu il də Dövlət İmtahan Mərkəzi ali məktəblər üçün keçirdiyi  imtahan nəticələri həyacanlı xəbərləri ilə yadda qaldı.  “Abituriyent” juranlının elan etdiyi xəbərdən sevinənlər də, kədərlənənlər də oldu...

Qərbi Azərbaycanın Göyçə mahalının Nərimanlı kəndinin ziyalıları 15 sentiyabrda “Xudafərin İstirahət Mərkəzi”ndə Nərimanlı kökənli tələbə adını qazanmış 27 abituriyentin uğurlanma törənini təşkil etmişdilər.

Nərimanlı kəndinin sayılıb-seçilən ziyalılarından, tibb üzrə fəlsəfə doktoru Hacı Abbas Bağırovun dəvəti ilə mən də tədbirə qatılmışdım.

Tədbirin əvvəlində Azərbaycan Respubilkasının Dövlət himni səsləndikdən sonra,  giriş sözü ilə məclisi açan Abbas Bağırov bu tədbirin ideya müəllifi və təşəbbüskarı tibb elmləri doktoru, professor, AMEA-nın müxbir üzvü Nuru Bayramov haqqında geniş nitq söyləyib, tədbirin mahiyyəti və Nərimanlı kəndi haqqında iştirakçılara məlumat verdi.

“Nərimanlı kəndinin  tarixi təxminən XV-XVI əsrə təsadüf edir. Bu kənddə həmişə təhsilə önəm verilib. İlkin təhsil mədrəsələrdə tədris olunub. Sonra 30-cu illərdə 8 illik, 1947-ci ildən isə tam orta məktəb kimi fəaliyyət göstərib. Nərimanlı məktəbinin formalaşmasında müəllim kollektivinin xüsusi xidməti olmuşdur. Aradan 30 ildən artıq bir zaman keçməsinə baxmayaraq, bu gün də Nərimanlı məktəbinə rəhbərlik etmiş Əhməd Hacıyev, Qəmbər Bayramov, Gədəbəydə əmək fəaliyyətini dayandırıb öz kəndində müəllimlik etmiş Əbülfət və Müzəffər İsmayılov qardaşları, Yusif Bayramov və başqaları kənd camaatı tərəfindən ehtiramla xatırlanır.

Bu gün fəxrlə deyə bilərik ki, Qərbi Azərbaycanda - Göyçə mahalında Nərimanlı kəndi ən çox ziyalı yetirən kəndlərdən biridir. Belə ki, bu kənddə Sovet hakimiyyəti illərində 23 nəfər kolxoz sədri kimi məsul bir vəzifəni daşımışdır ki, bu da Nərimanlı kəndinin payına düşmüşdür. Nərimanlı kəndinin 40-a qədər alimi, 200-dən artıq həkimi, 250-yə yaxın müəllimi, 170 polis işçisi, 25 polkovniki, 3 deputatı, bir Milli Qəhrəmanı olmuşdur ki, bu insanların hər biri öz fəaliyyətləri ilə Nərimanlı kəndinin adına şərəf gətirmişdilər. Müstəqil Azərbaycan dövlətinin qurulmasında, inkişaf etdirilməsində Talıb Musayev, Səfiyar Musayev, Zərbalı Qurbanov, Maksim Musayev kimi ictimai-siyasi xadimlər öz töhfələrini vermişdilər.

Nərimanlı kəndini görməyən Nərimanlı kökənli gənclər üçün bugünkü günün mahiyyəti erməni işğalı altında olan Qərbi Azərbaycanın, Göyçə mahalının, Nərimanlı kəndinin tanıdılması və aşılanmasıdır. Bu gənclər Göyçəni görməsələr də, bilməlidirlər, onların ata və babaları Nərimanlıdandır. Və bu gün onlar da genetik olaraq Nərimanlı adını daşıyırlar.”

Artıq ənənə halını alımış bu tədbir 27 abituriyentin yüksək nəticələrinin sevincini bölüşmək üçün 100-dən artıq nərimanlını bir araya toplamışdı.

Daha sonra söz alan Nərimanlı kənd orta məktəbinin sabiq müəllimlərindən Vaqif Musayev, “Respubilka” qəzetinin əməkdaşı, əməkdar jurnalist Qədir Aslan, ehtiyatda olan polkovnik Asim Bayramov Nərimanlı kəndi və məktəbi haqqında  xatirlərini bölüşüb, gənclərə öz xeyir-dualarını verdilər.

Tədbirin keçirilməsində yaxından iştirak edən Nail Qurbanov, Şirazi İbrahimov, Koroğlu Qasımov, Şahin Bayramov, Şahlar Hacıyev, Məhəmməd İsmayılov və başqa Nərimanlı ziyalıları növbə ilə tələbə adını qazanmış gəncləri məclis əhlinə təqdim edib, gənclərə uğur diləyib öz sevinclərini bölüşdülər.

Acılı-şirinli Nərimanlı xatirələri ilə keçən tədbir Nərimanlı ziyalıları ilə tələbələrin şəkil çəkdirməsi ilə sona yetdi.

1. Qasımov Becan Koroğlu oğlu. BDU hüquq
2. Quliyev Azər Coşqun oğlu.
3. Qasımzadə Gülər Baxış qızı. ADNSU kompüter mühəndisliyi.
4. Qasımzadə Zülfüqar Habil oğlu. ADİU. Maliyyə.
5. Hacıyev Surxay İmdad oğlu. MAA (Milli Aviasiya Akademiyası). Elektroenergetika mühəndisliyi.
6. İsmayılov Nihad İsmayıl oğlu. ADİU.
7. Aslanov Əli Saday oğlu. ADNSU. Qaz mühəndisliyi. İngilis dilində.
8. Aslanov Eltun Bakir oğlu. Az. Kooperasiya U-ti. Biznesin idarə edilməsi.
9. Qurbanov Əsəd Pərviz oğlu. ADBTİ Akademiyası
10.Verdiyeva Şəbnəm Arzu qızı. Az. Dillər U-ti.
11.Qarayeva Nəzakət Qara qızı. ADBTİ Akademiyası
12. Mehdiyev Samir Mehdi oğlu. ADBTİ Ak-sı.
13. Məmmədova Aysu Şamxal qızı.
BDU. Filologiya
14. Bayramlı Nərmin Əli qızı. Milli Aviasiya Ak-sı.
15. Hacıyev Murad Mərifət oğlu. BDU. Tarix fak.
16. Hacıyeva Nəzrin Mərifət qızı. BDU. Biologiya fak.
17. Musayeva Gulusen Akim qızı. Az. Kooperasiya U-ti.
18. Əliyev Zaur Yolçu oğlu. BDU. Dövlət və ictimai münasibətlər fak-si.
19.
20. Qasımov Urfan Eldayaq oğlu. Polis Akademiyası.
21. Əmirli Səmra Sayəddin qızı. ATU.
22. Bayramlı Teyfə Məhəbbət qızı. Xəzər U-ti. İngilis dili və ədəbiyyatı. İngilis bölməsi.
23. Abbasov Emin Əfqan oğlu. ADPU.
24. Əhmədov İbrahim Mehman oğlu. ADİU.
25. Hacılı Rəsul Ceyhun oğlu. ADNSU. İngilis bölməsi.
26. Qəhrəmanlı Fərid Orxan oğlu. ATU DS.
27. Abbaszadə Nihad İlqar oğlu. ADNSU.

Qılman İman